Mathae 21:35 - সান্তালী বাইবেল

³⁵ Ar onko cacasko do uniren gutikoko sapʼketʼkote mitʼ doko dal urkedea, mitʼ doko gocʼkedea ar mitʼ do dhiriteko tińkedea.

Santali Common Language New Testament

³⁵ Ar onko casako do uniren gutikoko sapʼketʼkote mitʼ doko dal urkedea, mitʼ doko gocʼkedea ar mitʼ do dhiriteko tińkedea.

Mathae 21:35 Iomraidhean Croise

1 Rapajko 18:13

Isebel do tinre Probhu Isorren nạbikoe gocʼ giḍiyetʼko tahẽkana unre ińiń ceka akatʼ reakʼ do cetʼ ińren mạlik bae ańjomakada? Probhu Isorren nạbiko modren mitʼsae hoṛ do mõṛẽgel mõṛẽgelkate barea danderreń oko doholetʼkoa ar onkoakʼ jomakʼ ar dakʼ hõń bebosta akokan tahẽkan.

1 Rapajko 18:4

Isebel do tinre Probhu Isorren nạbikoe gocʼetʼko tahẽkana unre Obediạ do mitʼsae nạbiko mõṛẽgel mõṛẽgelkate barea danderreye oko doholetʼkoa. Uni do onko lạgitʼ jomakʼ ar dakʼ hõe bebostayetʼ tahẽkana.

1 Rapajko 19:10

Uni doe roṛ ruạṛkeda, “Sanam daṛeanicʼ Probhu Isor do jemon acʼakʼ paona bhotiye ńam onate ạḍiń gagojokʼ kana, ente Israelko do amakʼ teṅgoakʼ bondobosko bạgi akawada, ar amakʼ pinḍkoko rạputʼ giḍi akada ar amren nạbikoko gocʼ akatʼkoa. Ar iń eskarge sarecʼ minạńa ar nitokʼ do ińhõ gojeń reakʼko kurumuṭu kana.”

1 Rapajko 19:2

Ar Isebel do sanam katha ańjomkate hoṛ kolkate Eliạ ṭhene roṛ gotʼkada, “Gapa niạ okte bhitrite amakʼ jiwi onko hoṛkoakʼ leka bạń hoyocoe enḍekhan debotako jemon sạjạiko emạń ar ona do ạḍi bạṛicʼ sạjạige.”

1 Rapajko 22:24

Unre Kenanren hopon Sedekiạ do sen sorente johare Mikại thapakedeteye metadea, “Probhu Isorren jiu am tulucʼ katha roṛ lạgitʼ iń ṭhen khon oḍok kate oka horteye senlena?”

2 Bõsbudạ 16:10

Niạ katha ańjomkate uni do ńeńelicʼ cetanre ạḍiye raṅgaoente hajot khanareye bhoraokadea. Ar onako dinre Asa raj do adom hoṛko cetanreye julumkeda.

Nehemiạ 9:26

“Menkhan enhõ onko do bebatao iạte am upạrteko hulkeda; ar amakʼ ạn-ạriko bạgiyada. Amren okoeko nạbi do am secʼ ruạṛ lạgitʼko sontoretʼko tahẽkan onko nạbi doko gocʼketʼkoa; ar am do ạḍi bạṛicʼko opomanketʼmea.

Jirimiạ 2:30

Iń do ạuṛiyakʼgeń sạjại akatʼpea; ińakʼ cehaona do bape moneyada. Jom ukʼjạṛkan dhạcri kul leka apeakʼ tarwaṛe do aperen nạbikoe gocʼ akatʼkoa.

Jirimiạ 26:8

Menkhan Probhu Isorakʼ hukum leka Jirimiạ do sanamakʼe lại sạtketʼ khan naekeko, nạbiko ar sanam hoṛko do uni sapʼkedeteko metadea, “Am do gujukʼtege hoyokʼtama.

Jirimiạ 37:15

Ar onko rajkạmiyạko doko raṅgaoente Jirimiạko dalkedea, ar olokʼicʼ Jonathan oṛakʼre idikateko bondi dohokadea; onko do onage hajot khana lekako benao akatʼ tahẽkana.

Mathae 21:34

Ado tinre jo belekʼ reakʼ okte hoyena unre uni do acʼakʼ bhag hatao lạgitʼ cacasko ṭhen acʼren gutikoe kolketʼkoa.

Mathae 21:36

Inạ tayom uni do pạhil khon arhõ saṅgeńokʼ gutikoe kolketʼkoa, menkhan cacasko do onko gutiko tulucʼ hõ onkageko beoharkeda.

Mathae 5:12

Ape do rạskạ ar hulạsokʼpe, ente sermare ape lạgitʼ maraṅ kuṛại menakʼa. Ente ape laha okoe nạbikoko tahẽkan onko hõ nonkageko santaoletʼkoa.

Aposkạmi 7:52

Nonkan jãhãe nạbi menakʼkoa, one okoe do aperen hapṛamko bako santao akatʼko? Se uni dhoromicʼ hoṛ, metakʼme Mạsiyakʼ hijukʼ reakʼ katha okoe doko lại lahaletʼ, onko hõko gocʼketʼkoa. Ar ńitokʼ ape do bạirikoakʼ tire Jisupe sapʼ ocokedete uni hõpe khũn ocokedea.

Johan sodor 6:9

Ar mõṛẽakʼ mohor chape raṛayetʼ tahẽkanre iń do pinḍ latarre nonkan hoṛkoakʼ jiwikoń ńelkeda, one okoe do Isorakʼ katha ar goha iạteko gocʼ ocolen tahẽkan.