Mathae 21:11 - সান্তালী বাইবেল

¹¹ Gadel hoṛko menkeda, “Nui do Gạlil reakʼ Nasaretren nạbi Jisu kanae.”

Santali Common Language New Testament

¹¹ Gadel hoṛko menkeda, “Nui do Gạlil reakʼ Nasaretren nạbi Jisu kanae.”

Mathae 21:11 Iomraidhean Croise

Mathae 2:23

ar Nasaretko metakʼ mitʼṭecʼ atore senkateye berelena. Noa do hoyena nạbiko hotete roṛlenakʼ katha jemon purạukʼ: enkathae, “Uni do Nasario menteye hoho ocokʼa.”

Mathae 21:10

Ado Jisu Jerusalemteye boloyen khan goṭa nagraha do dal malaoena. Ar sanamkoge kulikʼko ehopʼena, “Okoe kanae nui do?”

Mathae 21:26

Ar bon menle khan ‘manwa secʼ khon,’ enḍekhan ma gadel hoṛ bon botorakokan, ente sanamkoge Johan do mitʼṭen nạbi menteko manaoedea.”

Mathae 21:46

Unre onko do Jisu sabeko menwana, menkhan gadel hoṛko botoratʼkote bako onkaleda, ente hoṛko do nạbi menteko bujhạuede kan tahẽkana.

Mark 6:15

Ar adomko doko menetʼ tahẽkana, “Uni doe Eliạ kana” Arhõ adomko doko menetʼ tahẽkana, “Sedaeren nạbiko leka uni hõ mitʼ goṭen nạbi kanae.”

Luk 13:33

Enhõ teheń, gapa ar meaṅ do dãṛãntege hoyokʼtińạ, ente Jerusalem bahrere jãhãe nạbiye gujukʼ do baṅ hoedaṛeakʼa.’

Luk 24:19

Jisu do unkine metatʼkinạ, “Cetʼ hoyakana?” Ado Nasaretren Jisu babotre hoyakanakʼ kin lạiyadea. Uni do nạbiye tahẽkana. Kạmire ar kathate Isor ar sanam hoṛko ṭhen daṛeanicʼe tahẽkana.

Luk 7:16

Noate sanam hoṛ do botor caṛhaoatʼkoa ar Isor sabasiaete memenko ehopʼena, “Abo talare mitʼṭen maraṅ nạbigeye upel akana. Isor do acʼren hoṛkoe hiri akatʼbona.”

Luk 7:39

Ado okoe Phạrusi Jisui neotalede uni do noa ńelte mone monteye menkeda, “Nui hoṛ do nạbiye tahẽnlen khane baḍae daṛekea, cetʼ lekan maejiu jaṅgae joṭetʼetʼtaea mente; ente maejiu doe bạṛicʼgea.”

Johan 1:21

Unre onko do Johanko kulikedea, “Okoe enḍekhan? Eliạ kanam?” Uni doe menkeda, “Baṅ, iń do Eliạ hõń baṅkana.” Onkoko metadea, “Enḍekhan am do cetʼ uni nạbi kanam?” Uniye roṛ ruạrkeda, “Baṅ.”

Johan 1:25

“Am do Mạsi hõ baṅ, Eliạ hõ baṅ, ar uni nạbi hõm baṅkan khan enḍekhan cedakʼem bạptisetʼkoa?”

Johan 4:19

Unre maejiu do Jisui metadea, “Ńit iń baḍae daṛeakʼ kana am do mitʼṭen nạbi kanam.

Johan 6:14

Jisuakʼ noa hahaṛa kạmi ńelte gadel hoṛkoko menkeda, “Dhạrtite okoeṭakʼ nạbi hijukʼ reakʼ katha menakʼtae sạrige uni nạbi doe nuikangea.”

Johan 7:40

Ado noako katha ańjomkate gadel hoṛko modre adomko doko menkeda, “Sạrige nui doe uni nạbi kana.”

Johan 9:17

Unre onko do arhõ uni hoṛko kuli dohṛakedea, “Am do uni reakʼ cetʼem menkea? Ente uni do amakʼ mẽtʼkine jhicʼ ocoakatʼtama.” Uni doe menkeda, “Mitʼṭen nạbi kanae.”

Aposkạmi 7:37

Nui kangeae uni Mose one uni Israelkoe metatʼko tahẽkan, ‘aperen Isor do aperen Israel boehako tala khon iń leka mitʼṭen nạbiye teṅgoapea.’