Mathae 20:21 - সান্তালী বাইবেল

²¹ Jisu do uniye metadea, “Cetʼem khojkana?” Uni doe menkeda, “Noa hukum emokʼme, amakʼ rajre jemon nukin modre mitʼ hoṛ do amakʼ jojomsa aṛere ar eṭagicʼ do amakʼ leṅgasa aṛere kin duṛupʼ ńam.”

Santali Common Language New Testament

²¹ Jisu do uniye metadea, “Cetʼem khojkana?” Uni doe menkeda, “Noa hukum emokʼme, amakʼ rajre jemon nukin modre mitʼ hoṛ do amakʼ jojom secʼre ar eṭagicʼ do amakʼ leṅga secʼre kin duṛupʼ ńam.”

Mathae 20:21 Iomraidhean Croise

1 Rapajko 2:19

Ado Bethseba tinre Adoniạwakʼ katha lại lạgitʼ Solomon raj ṭhene senena unre raj doe beretʼente uniye joharadea ar ona tayom do acʼakʼ siṅghạsonreye duṛupʼena. Raj do acʼ eṅgat lạgitʼ mitʼṭecʼ duṛupʼakʼe ạgu ocoketʼte acʼakʼ jojomsa aṛereye dohokeda ar eṅgattetʼ do onareye duṛupʼena.

1 Rapajko 3:5

Gibeonre ńindạ jokhecʼ Probhu Isor do kukmũ talate Solomon ṭhene sodorena. Isor do uniye metadea, “Iń ṭhen okam khoj ona reakʼ jotowakʼge amiń emama.”

Ester 5:3

Raje kuliyana, “Ester rạni, cetʼ hoyakana? Ar am do cetʼem khojkana? Adha rajosṭim koeyeńre hõ onań emama.”

Sereńko 110:1

Probhu Isor do ińren Probhui metadea, “Tin hạbicʼ amren bạiriko amakʼ jaṅga latarre bạń dohoko, unhạbicʼ am do ińakʼ jojomsa aṛere duṛupʼme.”

Sereńko 45:9

Amren bhodro maejiuko modre raj hoponerako hõ menakʼkoa, ar raj hoponera do Ophir reakʼ sonate sajkate amakʼ jojomsa aṛere menaea.

Jirimiạ 45:5

Enḍekhan cekate apnar lạgitʼ maraṅ maraṅakʼko dom asokʼ kana? Ona do alom asokʼa. Disạime, sanam hoṛko cetanre iń do muhin iń ạguiya, menkhan jãhãtegem calakʼ iń do amakʼ jiwiń rukhiyạitama. Iń Probhu Isorge niạ katha doń meneda.’ ”

Mathae 18:1

Ona jokhecʼ celako do Jisu ṭhen hecʼkateko menkeda, “Serma rajre maraṅicʼ doe okoe kana?”

Mathae 19:28

Jisui metatʼkoa, “Sạrigeń metapekana, okoe ińren celape hoyakan, nãwã janamokʼre Manwa Hopon tinre acʼakʼ ṭhonok reakʼ siṅghạsonreye duṛupʼa unre ape hõ gelbar siṅghạsonre duṛupʼkate Israelren gelbar khũṭkope bicạrkoa.

Mathae 20:22

Jisui menkeda, “Ape cetʼpe khojkan ona do bape baḍaea. Okaṭakʼ bạṭi reakʼ iń ńũi lạgidokʼkan, ona reakʼ do cetʼ ben ńu daṛeakʼgea?” Metadeakin, “Daṛeakʼ gealiń.”

Mathae 20:32

Unre Jisu doe teṅgoyena ar hohoatʼkinteye metatʼkinạ, “Iń do aben lạgitʼ cetʼ iń cekaea?

Mark 10:51

Jisu do uniye kulikedea, “Am lạgitʼ cetʼ iń cekaea? Ar cetʼem khojkana?” Kãṛã hoṛe menkeda, “E Probhu, jemoniń ńeńel.”

Mark 16:19

Ado joto kathae galmaraoatʼko tayom, Probhu Jisu do sermateye rakapʼ ocoyena. Ar uni do onḍe Isorakʼ jojomsa aṛereye duṛupʼena.

Mark 6:22

Ar ona bhoj reakʼ rạskạre Herodiạren hoponera doe enecʼente Herod ar bhojre neota akankoe kusi ocoketʼkoa. Unre raj do kuṛiye metadea, “Jãhãnakʼgem koyeń onageń emama.”

Luk 18:41

“Cetʼem khojkana? Am lạgitʼ do cetʼ iń cekaea?” Uni doe menkeda, “E Probhu, jemoniń ńeńel.”

Luk 19:11

Jisu okareye tahẽkan onḍe khon Jerusalem do ḍher sạṅgiń baṅ tahẽkana, ar okoe uniyakʼ kathako ańjometʼkan tahekan onko doko hudisetʼkan tahẽkana Isorakʼ raj do ne nahakʼ sodorokʼ kana. Onate Jisu do cetʼako lạgitʼ noae lạiyatʼkoa:

Luk 22:24

Ado okoeṭakʼe maraṅa ona reaṅ ako talareko reṭepeṭekʼ kan tahẽkana.

Johan 15:7

Ińrepe tahẽlen khan ar ińakʼ kathako apeakʼ ontorre tahẽnlen khan enḍekhan jãhãnakʼge sanape, onage koepe; ar ona do hoeapea.

Aposkạmi 1:6

Ado celako hecʼ jarwakate Jisuko kulikedea, “E Probhu Isor, niạ jokhecʼ am do cetʼ Israelko rajosṭim teṅgo ruạṛakoa?”

Romiko lạgitʼ Pạul Apostolakʼ ciṭhi 12:10

Ape ape talare boeha leka dupulạṛpe. Ar apnar khon eṭakʼko bạ̃ṛti manotkope.

Romiko lạgitʼ Pạul Apostolakʼ ciṭhi 8:34

Ar okoe hale onko do dusi menteye ṭahraokoa? Okoeye gocʼlen ar gocʼko khone jiwetʼ beretʼ ocoyen uni Mạsi Jisu do ńitokʼ Isorakʼ jojomsa aṛere menaea ar abon lạgitʼe nehõrokʼ kana.

Kolossiko lạgitʼ Pạul Apostolakʼ ciṭhi 3:1

Mạsi tulucʼ gocʼko khonpe jiwetʼ beretʼ ocoyen khan, enḍekhan Mạsi one sermare Isorakʼ jojomsa aṛereye duṛupʼ akan ona coṭ reakʼakʼko baṛe ńam baṛaepe.