Mathae 20:2 - সান্তালী বাইবেল

² Uni do kạmiyạko tulucʼ dinre mimitʼ Dinar kateye rikitketʼte acʼakʼ darkha bagwanteye kolkatʼkoa.

Santali Common Language New Testament

² Uni do kạmiạko tulucʼ dinre mimitʼ Dinar kateye rikitketʼte acʼakʼ darkha bagwanteye kolkatʼkoa.

Mathae 20:2 Iomraidhean Croise

1 Rapajko 18:12

Ińiń bạgiyam khange Probhu Isorren Jiu do eṭakʼ jãhã secʼe idimea ar iń do bạń baḍae daṛeakʼa. Ar senkate Ahab iń lạiyae ar bae ńamme enḍekhan uni doe gocʼ giḍikạńạ. Menkhan huḍiń khonge amren guti do Probhu Isoriń botorae kana.

2 Bõsbudạ 34:3

Uniyakʼ rajokʼ irạlakʼ bochorre uniyakʼ umer komge tahẽkanre hõ uniren hapṛam Dạudren Isorakʼ sana leka calakʼ reaṅgeye mone murukkeda. Uniye rajokʼ gelbar bochor oktere uni do than boṭkocʼko, Asera muṭhạnko, lakʼ rokʼ murtiko ar dul benao murhutʼko Jerusalem ar Jihudạ khone sạṅgińketʼkoa.

Sosolhayic̕ 12:1

Amakʼ juạn oktere amren sisirjạuicʼ hõ disạyem, ente amakʼ haṛam umer reakʼ dinko hijukʼ kana, metakʼme, duk reakʼ dinko hijukʼ kana, one unrem men, “Niạ haṛam umerre onako do bạń hạ̃sakʼ kana.”

Mathae 18:28

“Tayomte uni guti do bahrete oḍok senkate acʼ sãoten mitʼṭen gutiye ńamkedea. Uni guti do acʼ ṭhen mitʼ sae ṭakae dharao akatʼ tahẽkana. Ar uni guti limbạtʼkedeteye metadea, ‘dharaoakʼ hala kạtińme.’

Mathae 20:1

“Serma raj do mitʼṭen oṛakʼ kisạ̃ṛ lekana, one okoe do acʼakʼ darkha bagwanre kạmiyạko lagaoko lạgitʼ paha poho jokhecʼ bahreteye oḍok calaoen.

Mathae 20:13

“Unre mạlik do onko modren mitʼ hoṛe metadea, ‘E ho, iń ma bacoń behok akatʼme. Iń do cetʼ am tulucʼ mitʼ Dinarte bạń rikitlakʼa?

Mathae 20:3

Ado baskeakʼ ber okte uni do arhõ bahreteye oḍok senena ar bajarre eṭakʼko ạuṛiyakʼ teṅgo baṛa akane ńelketʼkoa.

Mathae 20:9

“Khan huḍiń dakʼ lo ber oktere okoe do kạmiko dhurạu ocolen onko do hecʼkate mimitʼ Dinarkateko idikeda.

Mathae 22:19

Oka ṭaka khajnape emetʼkan ona udukʼạńpe.” Onko do mitʼṭecʼ Dinarko ạguadea.

Mathae 9:37

Unre celakoe metatʼkoa, “Phosol do ḍhergea menkhan kạmiyạko doko thoṛagea.

Mark 12:15

Ar uni do khajnale emaea se baṅ?” Jisu do onkoakʼ phạsiạratetʼ baḍaeketʼteye metatʼkoa, “Cedakʼpe biḍạu aṭkarediń kana? Den mitʼṭecʼ Dinar ạguạńpe.”

Luk 1:15

Ente Probhu Isorakʼ mẽtʼãhã samaṅre uni do maraṅe hoyokʼa. Uni do tishõ darkha rasa se eṭakʼ jãhãn bubulakʼko bae ńũiya ar eṅgatakʼ kukhireye tahen khonge sonot Jiuteye perejokʼa.

Luk 10:35

Ado dosar hilokʼ bar Dinar oḍokʼkate sạrạiren mạlik emadeteye metadea, ‘nui hoṛ jotonem. Ar noa khon bạ̃ṛti khoroclen khan, iń do ruạṛokʼreń emkatama.’ ”

Luk 20:24

“Mitʼṭecʼ Dinar udukʼạńpe. Noare okoeyakʼ muṭhạn ar okoeyakʼ ńutum ol menakʼa?” Onkoko menkeda, “Romren maharajakʼ.”

2Timothi 3:15

Huḍiń tahen khonge am do sonot sostor khonem cetʼakawana. Ar noa sonot sostorge am do Jisu Mạsire biswạs iạte kại khon bańcao ńam reakʼ bude danama.

Johan sodor 6:6

Onko ponea jiwiyanko talare okoe coṅ roroṛkaniń ańjomkedea, “Mitʼṭen din ṭalaoicʼakʼ mitʼ din reakʼ kuṛại do eken mitʼ ser guhum se pe ser jao hoyokʼtaea. Sunum ar darkha rasa do alom nosṭoea.”

1 Samuel 2:18

Menkhan huḍiń gidrạ Samuel do mĩhĩ musnạ sutạm reakʼ ephod horokʼkate Probhu Isore sapʼsorae kan tahẽkana.

1 Samuel 2:26

Ar huḍiń koṛa Samuel do sẽṛã idikʼtegeye tahẽyena ar Probhu Isor hõ manwako ṭhen khon dulạṛ ńame ehopʼena.

1 Samuel 3:1

Huḍiń koṛa Samuel do Eli tabere tahẽkate Probhu Isore sapʼsoraekan tahẽkana. Ar onako dinre Probhu Isorakʼ katha do ḍher do baṅ ańjomokʼkan tahẽkana ar uniyakʼ dorson hõ mitʼ talao do bań ńamokʼkan tahẽkana.

1 Samuel 3:21

Ar Probhu Isor do Silore arhõ dorsonte ńel ocokʼe ehopʼena ente Silore uni do acʼakʼ katha hotete Samuel ṭhene sodorokʼkan tahẽkana;