Mathae 2:16 - সান্তালী বাইবেল

¹⁶ Herod do gonok ponḍetkoko eṛekedea menteye baḍaeketʼ khan ạḍi ãṭe raṅgaoena. Ar onko ṭhen khone baḍaeletʼ tahẽkan okte reakʼ hisạb lekate bar bochor ar ona khon latar umerren tinạkʼ koṛa gidrạ Betlehem ar ona aḍepase jaegakoreko tahẽkan onko joto gocʼko lạgitʼe hukumkeda.

Santali Common Language New Testament

¹⁶ Herod do gonok ponḍetkoko eṛekedea menteye baḍaeketʼ khan ạḍi ãṭe raṅgaoena. Ar onko ṭhen khone baḍaeletʼ tahẽkan okte reakʼ hisạb lekate bar bochor ar ona khon latar umerren tinạkʼ koṛa gidrạ Betlehem ar ona aḍepase jaegakoreko tahẽkan onko joto gocʼko lạgitʼe hukumkeda.

Mathae 2:16 Iomraidhean Croise

Genesis 39:17

Uni do Poṭiphor noa katha baḍae ocokedeteye metadea, “Okoeṭakʼ Ibri guti abo ṭhenem ạgu akade uni do nosṭoyiń lạgitʼ ińakʼ oṛakʼteye bololena.

Genesis 49:7

Unkinakʼ kurkurạukʼ edre, ar kurmutạha do sarapanakʼ baṛe hoyokʼma. Unkin gusṭirenko do Jakobakʼ bõsko talareń hạṭińkoa, ar Israelko talareń chirchạturkoa.

2 Rapajko 8:12

Hosael do uniye kulikedea, “E ińren mạlik cedakʼem rakʼeda?” Elisaeye roṛ ruạṛkeda, “Ente iń doń baḍaegea Israelkoakʼ cetʼkom loksantakoa mente. Am do onkoakʼ gaṛkore seṅgelem jeretʼakʼa, ar tarwaṛete onkoren juạnkom gocʼkoa, onkoren kạṭicʼ gidrạ do otrem tawakʼ gocʼkoa ar onkoren bhạrti hoṛmowan maejiukoakʼ lacʼ dom getʼ cirạitakoa.”

Jobakʼ 12:4

Iń do Isoriń hohoaekan tahẽkana are ańjometʼtiń tahẽkana, enhõ ińren gateko do ińko landa-dhutʼạń kana.

Kạhtukko 28:15

Hạnḍrạukʼka dhạcri kul ar ghis ghisạu baṛaekan bana cetʼleka, onkage uni bạṛicʼ hoṛ do one okoe nandankoren cakʼlaoicʼe hoyokʼkan.

Kạhtukko 28:17

Okoe hoṛ khũnkate bạṛicʼ cintạreye paṛao akan uni do ạuriye gujukʼ hạbicʼe ńir baṛaea; ar okoehõ aloko goṛowaema.

Jesaea 26:21

Ńelpe, dhạrtiren hoṛko kại reakʼ sạjại emako lạgitʼ Probhu Isor do acʼakʼ tahen ṭhạ̃i khone oḍok hijukʼ kana. Dhạrti do acʼre joro akan mãyãme sodora; ar acʼre khũn akanko do bae dapalkoa.

Jesaea 59:7

Onkoakʼ jaṅga do kại secʼge ńir calakʼtakoa; onko do bindusạnkoakʼ mãyãm joro ocoytako lạgitʼko usạrayeda. Onkoakʼ joto hudiskoge bạricʼgetakoa; onkoakʼ horre do jarkhar ar harkhetge menakʼa.

Daniel 3:13

Noa katha ańjomkate Nebukadnesar raj do edreteye seṅgelena ar Sedrok, Mesak ar Abed-nego teko hoho ạguko lạgitʼ hoṛe kolketʼkoa. Ar onko do raj samaṅreko ạgu ocoyena.

Hosea 10:14

ona iạte ape upạrte lạṛhại reakʼ kạumạu rakapʼa ar apeakʼ sanam gaṛko do marao ocokʼa, cetʼleka Solomon do lạṛhại hilokʼ Beth-Arbele maraoletʼ. Unre hopon ar hoponerako sãote eṅgatko hõ otreko tawakʼ ocolena.

Numeri 22:29

Biliam do gadha eṅgae roṛ ruạṛadea, “Am do bokam ńam akadińạ. Ińakʼ tire tarwaṛe tahẽlen khan enḍekhan ńitge amiń samakʼ gocʼkema.”

Numeri 24:10

Niạ katha ańjomkate Balak do Biliam cetanre ạḍiye raṅgaoena. Ar acʼakʼ tiye ghusiketʼteye menkeda, “Ińren bạiriko sarapako lạgitʼ iń hoho ạguletʼmea menkhan am do niạ ghalokʼ pe dhaoem bhoratʼkoa.

Mathae 2:1

Jihudạ disạm reakʼ Betlehem atore Jisuakʼ janam do hoylena. Unre Herod do raje tahẽkana. Ar purub disạmren gonok ponḍetko do Jerusalemte hecʼkateko menkeda,

Mathae 2:17

Onate Jirimiạ nạbi hotete noa roṛlenakʼ katha purạuena: enkathae,

Mathae 2:7

Unre Herod do onko gonok ponḍetko oko okoteye hohoatʼkoa ar oka okte ipile ńellen onae kuli ṭhikketʼkoa.

Johan sodor 12:4

Uni do acʼakʼ canḍbolte sermaren pe hạṭiń reakʼ mitʼ hạṭiń ipilkoe or ạguketʼkote dhạrtiteye lebda giḍikatʼkoa. Ar okoe maejiuren gidrại hoy lạgidokʼkan tahẽkan uni samaṅre biń doe teṅgoyena jemon gidrại janam lekhangeye utʼgotʼkae.

Johan sodor 17:6

Ariń ńelkedea, uni maejiu do Isorren hoṛkoakʼ mãyãm ar okoe do Jisu reaṅ gohako emakatʼ onkoakʼ mãyãm ńũteye bul akana.

Bikʼcạrko 16:10

Unre Dolila do Samsone metadea, “Am do bokam benaokedińa, ar iń ṭhen eṛem roṛakada. Niạ dhao do ṭhikte lạiyạńme cetʼte am do tol daṛekokʼa?”