Mathae 2:13 - সান্তালী বাইবেল

¹³ Gonok ponḍetkoko calaoen khan Probhu Isorren mitʼṭen goḍet do kukmũte Joseph ṭhen ńel ocoyenteye menkeda, “Ma beretʼme, gidrạ ar eṅgattetʼ sotokʼkinte Misor disạmte dạṛme ar ạuriń metam hạbicʼ onḍege tahẽ hataṛokʼme, ente Herod do gidrạ goje iạteye sendra lạgidokʼ kana.”

Santali Common Language New Testament

¹³ Gonok ponḍetkoko calaoen khan Probhuren mitʼṭen goḍet do kukmũte Joseph ṭhen ńel ocoyenteye menkeda, “Ma beretʼme, gidrạ ar eṅgattetʼ sotokʼkinte Misor disạmte dạṛme ar ạuriń metam hạbicʼ onḍege tahenme, ente Herod do gidrạ goje iạteye sendra lạgidokʼ kana.’”

Mathae 2:13 Iomraidhean Croise

1 Rapajko 11:17

Menkhan Hadad do acʼ apatren adom kạmiyạko sãote Misorteye dạṛleda. Ona jokhecʼ uni do gidrạgeye tahẽkana.

1 Rapajko 3:5

Gibeonre ńindạ jokhecʼ Probhu Isor do kukmũ talate Solomon ṭhene sodorena. Isor do uniye metadea, “Iń ṭhen okam khoj ona reakʼ jotowakʼge amiń emama.”

Jobakʼ 33:15

Kukmũte, ńindạ reakʼ cholre, aṭetʼre acetko jạpitʼkakʼre,

Jobakʼ 33:17

jemon manwa do akoakʼ bedhorom kạmi khonko ruạṛokʼ ar bạḍại khonko pharak hijukʼ.

Exodus 1:22

Tayomte Pharao do acʼren porjako cetanre noae hukumkeda, “Ibriko talare koṛa hoponko janamlen khan ape do Nil gaḍarepe khadlekoa, menkhan kuṛi hopon do jiwetʼpe dohokoa.”

Mathae 1:20

Ado Joseph noako reakʼ tinreye gunạnokʼkan tahẽkana unre Probhuren mitʼṭen goḍet do kukmũte uni ṭhen ńel ocoyenteye menkeda, “E Dạud bõsren Joseph; Mạriạm baplaye do alom botorokʼa, ente uniyakʼ kukhire okoeye janam akan uni do sonot Jiu reakʼ daṛetegeye janam akana. Uniren do mitʼṭen koṛa gidrại hoyokʼtaea.

Mathae 10:23

Mitʼ nagrahare santao arko khedlepere eṭakʼ nagrahate dạṛpe. Sạrigeń metapekana, Israel disạm reakʼ sanam nagraha ar atokore ạuripe kạmi purạurege Manwa Hopon doe hijukʼa.

Mathae 2:12

Ar Isor do Herod ṭhen aloko ruạṛ calakʼa mente kukmũte onkoe sontorkatʼkoa. Unre onko do eṭakʼ horte akoakʼ disạmteko ruạṛ calaoena.

Mathae 2:14

Unre Joseph do beretʼkate gidrạ ar eṅgattetʼe sotokʼketʼkinte ńindạge Misor disạmteye calaoena ar Herod ạuriye gujukʼ hạbicʼ onḍegeye tahẽyena. Noa do hoyena nạbi hotete Probhu Isore roṛletʼakʼ katha jemon purạukʼ; enkathae, “Iń do Misor khon ińren Hoponiń hoho ạgukedetińạ.”

Mathae 2:16

Herod do gonok ponḍetkoko eṛekedea menteye baḍaeketʼ khan ạḍi ãṭe raṅgaoena. Ar onko ṭhen khone baḍaeletʼ tahẽkan okte reakʼ hisạb lekate bar bochor ar ona khon latar umerren tinạkʼ koṛa gidrạ Betlehem ar ona aḍepase jaegakoreko tahẽkan onko joto gocʼko lạgitʼe hukumkeda.

Mathae 2:22

Ona jokhecʼ Jihudạre Herod tayom uniren hopon Arkhilạus do raje tahẽkana. Ar Joseph do noa kathae ańjomketʼ khan onḍe calakʼ doe botorena. Tayomte uni do kukmũte hukume ńamketʼ khan Gạlil Prodesteye calaoena,

Aposkạmi 10:22

Onko hoṛko menkeda, “Subedar Korneliusge ale doe kolakatʼlea. Uni do mitʼṭen dhorom ar Isor bhokti hoṛ kanae. Ar sanam Jihudikoge uniko sarhaoede kana. Isorren mitʼṭen goḍet do uniye hukumade tahẽkana jemon acʼakʼ oṛakʼte ame hoho idi ocomete amakʼ kathakoe ańjomtam.”

Aposkạmi 10:7

Ado okoeṭakʼ serma goḍet sãoteye galmaraokan tahẽkan uniye calaoen khan Kornelius do barea guti ar mitʼṭen gokʼṛoyicʼ palṭone hohowadea. Nui palṭon hõ Isor bhokti hoṛe tahẽkana.

Aposkạmi 12:11

Unre Patras do disạ ạcurenteye menkeda, “Ńitokʼ do sạrigeń bujhạu daṛeakʼ kana, Probhu Isorge acʼren goḍete kolkedete Herodakʼ ti ar Jihudikoakʼ sanam bạṛicʼ phorphundi khone bańcao akadińạ.”

Aposkạmi 12:7

Unre Probhu Isorren mitʼṭen goḍet do ackage hecʼkate onḍeye teṅgoyena. Onate hajot oṛakʼ reakʼ ona kandhare marsal bamberena. Serma goḍet do Patras kokhare ceṭakʼkedeteye ebhenkedea are metadea, “Usạra beretʼ hodokʼme.” Ar inạtege Patrasakʼ banar ti khon sikṛi do ńurgotʼena.

Aposkạmi 16:36

Unre daroga do Pạule metadea, “Disạm cakʼlaoyicʼ do Silạs ar am aṛakʼ ben lạgitʼe roṛgotʼ akada. Onate ma ńitokʼ do oḍokokʼ ben ar sulukte calao joṅben.”

Aposkạmi 5:19

Menkhan ńindạ jokhecʼ Probhu Isorren mitʼṭen goḍet do hajot reakʼ silpińkoe jhicʼkeda ar bahrete oḍok ạguketʼkoteye metatʼkoa,

Aposkạmi 7:19

Uni raj do aboren hoṛkoe ṭhokayetʼko tahẽkana ar aboren hapṛamko hõ ạḍiye santaoketʼkoa. Ar onkoren bale gidrạkoko janamokʼkan tahẽkanre onko do gocʼko lạgitʼ bahreteye giḍi ocoketʼkoa.

Josuạ 3:13

Ar tinre goṭa prithimiren Probhu Isorakʼ goha-sinduk gokʼ idikan naekeko jordan gaḍa reakʼ dakʼreko bolokʼa ar unre ạtukʼkan dakʼ do thir hapekʼa ar ona reakʼ dakʼ do ḍhip leka teṅgo tahena.”

Josuạ 3:17

Ar tin hạbicʼ sanam Israelko jordan gaḍa ạuriko parom cabakʼ un hạbicʼ Probhu Isorakʼ goha-sinduk gokʼ idiyetʼkan naekeko do jordan gaḍare kuṭhạ̃ṛ otreko teṅgo tahẽyena; ar sanam hoṛ do kuṭhạ̃ṛgekoge parom calaoena.

Josuạ 4:10

Gaḍa paromokʼ babotre Mose do Josuại hukumade tahẽkana. Onate hoṛko lạiyako lạgitʼ Josuại em akawade Isorakʼ hukum leka hoṛko jotowakʼ ạuriko cekae hạbicʼ goha-sinduk gogokʼ naekeko do gaḍareko teṅgo tahẽkana ar hoṛko do usạra gaḍako paromena.

Josuạ 4:18

Ar onate Probhu Isorakʼ goha-sindukko gokʼ idiyetʼkan tahẽkan naekeko do tala gaḍa khon ghuṭuteko rakapʼ hecʼen sãote gaḍa dakʼ do arhõ ạtukʼ ehopʼena ar lahate leka dakʼ do banar sa se rakapʼena.

Johan sodor 12:14

Unre uni maejiu do maraṅ okocʼ mitʼṭen pajhaṛakʼ barea phạ̃kṛạ̃kʼe emocoyena jemon hahaṅkarte acʼakʼ jaegateye uḍạu calao daṛeakʼ. Ar onḍe uni do bińakʼ mẽtʼãhã samaṅ khon danaṅre pe bochor tala hạbicʼe ạsul ocokʼa.

Johan sodor 12:4

Uni do acʼakʼ canḍbolte sermaren pe hạṭiń reakʼ mitʼ hạṭiń ipilkoe or ạguketʼkote dhạrtiteye lebda giḍikatʼkoa. Ar okoe maejiuren gidrại hoy lạgidokʼkan tahẽkan uni samaṅre biń doe teṅgoyena jemon gidrại janam lekhangeye utʼgotʼkae.

Johan sodor 12:6

ar uni maejiu do hahaṅkarteye dạṛkeda. Isor do ona hahaṅkar jaegare uni lạgitʼ mitʼṭecʼ jaegae ṭhik dohoakatʼ tahẽkana, jemon mitʼ hajar barsae turui gel din onḍeye ạsul ocokʼ.