Mathae 19:9 - সান্তালী বাইবেল

⁹ Ińiń metapekana, jãhãege laṭghaṭ chaḍa eṭakʼ karonte acʼren bạhui bạgiye ar eṭagicʼe baplaye uni doe loṭghuṭiya.”

Santali Common Language New Testament

⁹ Ińiń metapekana, jãhãege laṭghaṭ chaḍa eṭakʼ karonte acʼren bạhui bạgiye ar eṭakʼgicʼe baplaye uni doe loṭghuṭiya.”

Mathae 19:9 Iomraidhean Croise

Genesis 20:3

Menkhan ńindạ jokhecʼ Isor do Abimelek kukmuteye metadea, “Okoe maejiuem ạgu akade, uniren do jãwãe menaetaea. Unim ạgu akadete am do gujukʼ secʼem mohnḍa akana.”

2 Bõsbudạ 21:11

Uni do Jihudạ reakʼ burukore than boṭkocʼkoe benaokeda ar ona lạgitʼ Jerusalemren hoṛko do boṅgako sewawakoko ehopʼena ar Jihudạren hoṛko do bạṛicʼ horteko senena.

Jirimiạ 3:1

Probhu Isore meneda, “Jãhãe hoṛ acʼren bạhui bạgiye ar uni maejiu do uni ṭhen khon senkate eṭakʼ hoṛ tulucʼe baplakʼ, enḍekhan uni herel hoṛ do cetʼ arhõ uni maejiu ṭhene ruạṛ calakʼa? Uniye ruạṛ calaolen khan ona disạm do cetʼ baṅ bhonḍokʼa. Menkhan am do ḍherko sãote tahẽkate kusumbiko lekam laṭghaṭ akada; ar ńit do cekate arhõ iń ṭhenem ruạṛ hijukʼa?

Jirimiạ 3:8

Bạṛicʼ horte senakan Israel do bapag doleliń emade tahẽkana ar sanam lekan laṭghaṭ iạte uniń sạṅgiń giḍiledea. Menkhan iń doń ńelkeda uniren bepạtiạricʼ boeha kuṛi Jihudạ hõ jãhãn botorge bạnukʼtaea; uni hõ senkateye loṭghoṭikeda.

Jeheskel 16:15

“ ‘Menkhan am dom namḍakente amakʼ mońjtetʼrem bhorsayena arem laṭghaṭkeda. Ar jãhãege am aṛeteko parom calakʼkan tahẽkan uni sãotegem laṭghaṭetʼ tahẽkana ar amakʼ mońjtetʼ do uniyakʼge hoyokʼkan tahẽkana.

Jeheskel 16:29

Ona tayom hõ am do amakʼ laṭghaṭem ḍher idiketʼtama ar bạnijkoakʼ disạm Babel sãote hõm laṭghaṭkeda, menkhan enhõ bam tirpitlena.

Jeheskel 16:8

“ ‘Iń do am aṛeteń parom calakʼkan tahẽkanre am secʼ beṅgetʼkateń ńelkeda, amakʼ do dulạṛokʼ reakʼ okte hoyakantama; ona iạte ińakʼ kicricʼ reakʼ hĩs am cetanreń dapalketʼte amakʼ uluṅiń esetʼketʼtama. Iń do am ṭheniń kiriạyena ar am tulucʼ baplakʼ reakʼ iń bondoboskeda, ar onate ińrenem hoyena.

Mathae 19:10

Unre celako do uniko metadea, “Jãwãe ar bạhu talare nonkage hoyokʼ khan, baplakʼge baṅ bhagea.”

Mathae 19:8

Jisui metatʼkoa, “Apeakʼ keṭecʼ mon iạte Mose do bạhu bạgiye reakʼe aṛakʼ akawatʼpea Menkhan pạhil khon nonka do baṅ tahẽkana.

Mathae 5:32

Menkhan ińiń metapekana, jãhãe hoṛ laṭghaṭ chaḍa eṭakʼ karonte bạhuttetʼe bạgiye uni doe loṭghuṭi ocoyea, ar jãhãege uni bạgi ocoyicʼ maejiue baplaye, uni hõe loṭghuṭiya.

Luk 16:18

“Okoe acʼren bạhu bạgikate eṭakʼicʼe baplaye, uni doe laṭghaṭeda. Ar jãwãe khon bapag akan maejiu okoeye baplaye, uni hõe laṭghaṭeda.

1 Korinthiko 5:1

Ańjomokʼ kana, ape talare loṭghuṭi hoyokʼ kana, ar ona loṭghuṭi do nunạkʼ hirkhạwakʼge je, boṅgan hoṛ jạtrenko talare hõ onkanakʼ do bạnukʼanaṅ. Ente mitʼṭen hoṛ do acʼren kạki eṅgattetʼ acʼren bạhu menteye dohoakadea.

1 Korinthiko 7:39

Jãwãetetʼ tinạkʼ din jiwetʼe tahen, unạkʼ din rinicʼtetʼ do tolgeye tahena, menkhan jãwãetetʼe gocʼlen khan uni doe sạdhinokʼa, ar jãhãegeye kusiyae unigeye bapla daṛeaea, menkhan uni hoṛ do Probhu Isorrenge jemone hoyokʼ.

1 Korinthiko 7:4

Rinicʼtetʼakʼ hoṛmo do eken acʼ eskarakʼ do baṅkana menkhan onare jãwãetetʼakʼ hõ ektiạri menakʼtaea ar onkaleka jãwãetetʼakʼ hoṛmo hõ acʼ eskarakʼ do baṅkana, menkhan onare rinicʼtetʼakʼ hõ ektiạri menakʼa.