Mathae 19:6 - সান্তালী বাইবেল

⁶ Ar barea dokin baṅkana, menkhan mitʼ hoṛmo kanakin. Onate Isor okae joṛao mitʼakatʼ manwa do ona aloe topagma.”

Santali Common Language New Testament

⁶ Ar barea dokin baṅkana, menkhan mitʼ hoṛmo kanakin. Onate Isor okae joṛao mitʼ akatʼ manwa ona aloe topagma.”

Mathae 19:6 Iomraidhean Croise

Kạhtukko 2:17

Uni do juạn okterege jãwãetetʼe bạgi akadea ar Isorakʼ bondobose bebatao akada.

Malaki 2:14

Arpe meneda, “Cetʼ iạte bae ataṅeda? Ona reakʼ karon do hoyokʼkana, Probhu Isor do aperen mimitʼ hoṛko ar onkoren juạn okteren bạhukoakʼ bapla reakʼ gohae hoylena; menkhan onkoren bạhu do onkoren sãoten hoṛkanako, onkoren bapla bondobosren bạhukanako, enhõ onko do uni tulucʼ phạsiarako hoyakana.

Malaki 2:16

Israelren Probhu Isore meneda, “Bạhu bạgiye doń hirkhạwakʼ kana.” Ona chaḍa phạdkoren Probhu Isore meneda, “Kicricʼe horokʼetʼ leka okoe do sasantaoakʼte apnare sajaokʼkan uniyakʼ kạmi doń hirkhạwakʼ kana. Onate ape do apeakʼ ontor babotre sontor akae tahenpe, ar phạsiạrako do alope hoyokʼa.”

Mathae 19:5

‘ona iạte herel do eṅgat-apat bạgikate acʼren bạhu tulucʼ mitʼ akane tahena ar unkin do mitʼ hoṛmokin hoyokʼa?’

Mathae 19:7

Unre Phạrusikoko metadea, “Cedakʼ enḍekhan Mose do bapag dolel olaete bạhu bạgiye reakʼ hukume emakana?”

Mark 10:9

Onate Isor okae joṛao mitʼakatʼ manwa do ona aloe topagma.”

Romiko lạgitʼ Pạul Apostolakʼ ciṭhi 7:2

Jãwãetetʼ tinạkʼ din jiwetʼe tahen, unạkʼ din bạhu hõ ạn-tạrire tolgeye tahenkana. Menkhan jãwãetetʼe gocʼlen khan ona ạn-tạri reakʼ tonol khon bạhu doe sạdhin ocokʼa.

Ephesiko lạgitʼ Pạul Apostolakʼ ciṭhi 5:28

Jãwãeko cetʼ leka apnarakʼ hoṛmoko dulạṛetʼkan ṭhik onkage apnarren bạhuko hõ dulạṛko lek kantakoa. Rinicʼtetʼe dulạṛedekan hoṛ do apnargeye dulạṛokʼ kana.

Ibriko 13:4

Sanamkoge bapla do manot salakʼko beṅgetʼakʼma. Jãwãe ar bạhu talare bapla tonol do sonot dohoy lek kana, ente jãhãlekanakʼ laṭghaṭkange, ar jãhãe ona dusireko dusige khan Isor do onkoe sạjạikogea.