Mathae 19:28 - সান্তালী বাইবেল

²⁸ Jisui metatʼkoa, “Sạrigeń metapekana, okoe ińren celape hoyakan, nãwã janamokʼre Manwa Hopon tinre acʼakʼ ṭhonok reakʼ siṅghạsonreye duṛupʼa unre ape hõ gelbar siṅghạsonre duṛupʼkate Israelren gelbar khũṭkope bicạrkoa.

Santali Common Language New Testament

²⁸ Jisui metatʼkoa, “Sạrigeń metapekana, okoe ińren celape hoeakan, nawa janamokʼre Manwa Hopon tinre acʼakʼ ṭhonok reakʼ siṅghạsonreye duṛupʼa unre ape hõ gelbar siṅghạsonre duṛupʼkate Israelren gelbar khũṭkope bicạrkoa.

Mathae 19:28 Iomraidhean Croise

1 Rapajko 18:31

Uni do Jakobren hoponkoakʼ mimitʼ gusṭi lạgitʼ mimitʼ goṭecʼkate gel bar goṭecʼ dhiriye hataoana. Nui Jakobge Probhu Isore metade tahẽkana, “Amakʼ ńutum do hoyokʼa Israel.”

2 Bõsbudạ 9:19

Ona turui goṭecʼ dhap reakʼ banarsa aṛere jotote gelbar goṭen dhạcri kulakʼ muṭhạn tahẽkana. Eṭakʼ jãhãn rajosṭire nonkan siṅghạson do tishõ baṅ benao akan tahẽkana.

Esra 6:17

Isorakʼ oṛakʼ uḍhạu lạgitʼ onko do mitʼsae ḍaṅgra, bar sae bheḍa ar pon sae bheḍa hoponko samaṅketʼkoa. Ona chaḍa sanam Israelkoakʼ kại ńutumte samaṅokʼ lạgitʼ Israel gusṭiko reakʼ lekha lekate onko do gelbar goṭen meromko samaṅketʼkoa.

Exodus 15:27

Niạ tayom onko do Elimko metakʼ mitʼṭecʼ jaega ṭhenko seṭerena. Onḍe do gelbar goṭecʼ dakʼ jharna ar eae goṭecʼ khijur dare tahẽkana. Ona dakʼ jharna sorrege onko doko ḍerayena.

Exodus 24:4

Ar Mose do Probhu Isor okako kathae menletʼ onako jotowakʼe ol dohokeda. Dosar hilokʼ Mose do ạḍi setakʼre buru latarre mitʼṭecʼ pinḍe benaokeda ar Israelkoren gelbar khũṭ reakʼ katha disạkate gelbar goṭecʼ khunṭiye benaokeda.

Exodus 28:21

Israelren gelbar goṭen hoponko lạgitʼ jotote gelbar goṭecʼ mạnik dhiriko tahena. Ar ona reakʼ mimitʼ goṭecʼre gelbar khũṭren mitʼṭecʼkate ńutum do rokʼ caṛhao hoyokʼa, mohor chapakʼ lekage.

Jesaea 65:17

“Ńelpe, iń do nãwã serma ar nãwã dhạrtiń sirjạua. Lahateakʼ do baṅ disạkʼa. Ar monre hõ baṅ rakapʼa.

Jesaea 66:22

Probhu Isore meneda, “Oka nãwã serma ar nãwã dhạrtiń sirjạu ar cetʼleka iń samaṅre ona ṭikạu tahen onkage apeakʼ ńutum ar aperen bõsko hõko ṭikạu tahena.

Levitikus 24:5

“Am do mĩhĩ holoṅ hataokate gelbar goṭecʼ piṭhạm rapaga. Ar mimitʼ goṭecʼ piṭhạ lạgitʼ do pe keji turui sae gram holoṅem hataoa.

Mathae 16:27

Manwa Hopon do acʼren goḍetko soṅgekate apat reakʼ ṭhonokanteye hijukʼa. Ar mimitʼ hoṛ akoakʼ kạmi lekae halawakoa.

Mathae 19:27

Unre Patras do uniye metadea, “Ńelme, sanamakʼ bạgikate amren celale hoyakana; ale do cetʼle ńama?”

Mathae 20:21

Jisu do uniye metadea, “Cetʼem khojkana?” Uni doe menkeda, “Noa hukum emokʼme, amakʼ rajre jemon nukin modre mitʼ hoṛ do amakʼ jojomsa aṛere ar eṭagicʼ do amakʼ leṅgasa aṛere kin duṛupʼ ńam.”

Mathae 25:31

“Manwa Hopon do acʼren serma goḍetko sãote acʼakʼ ṭhonokanteye hecʼlenre uni do ṭhonok reakʼ siṅghạsonreye duṛupʼa.

Mathae 6:33

Menkhan pạhilre ape do Isorakʼ raj ar dhorom ńam maṛaṅpe. Enḍekhan ona sanamakʼpe ńama.

Mathae 8:20

Jisu do uniye metadea, “Toyoko do bhugạkʼ menakʼtakoa ar cẽṛẽkoakʼ hõ tukạ menakʼa, menkhan Manwa Hopon do bohokʼ dohoytae lạgitʼ jaega hõ bạnukʼtaea.”

Mark 10:37

Unkin dokin menkeda, “Am do tinre ṭhonokantem rajokʼa unre ạliń modre mitʼ hoṛ do amakʼ jojomsa aṛere ar mitʼ hoṛ do amakʼ leṅgasa aṛere jemon liń duṛupʼ daṛeakʼ.”

Aposkạmi 3:21

Isor do lahate leka sanamakʼ arhõe beretʼ ruạṛa mente ḍher laha khonge sonot nạbiko hoteteye roṛletʼa. Ar tin hạbicʼ acʼakʼ onako katha bae purạu unhạbicʼ Jisu do sermare tahen hoyokʼtaea.

2Timothi 2:12

Sombhurikate bon sahao daṛeakʼ khan, enḍekhan uni tulucʼ raj hõ bon calaoa. Ar uni bon baṅle khan, enḍekhan uni hõ aboe baṅbona.

Josuạ 3:12

Ar ńitokʼ ape do Israelren gelbar gusṭiko khon mimitʼ hoṛkate gelbar goṭen hoṛ bachao joṅpe.

2 Patras 3:13

Menkhan abo do Isorakʼ gokʼakʼ lekate nãwã serma ar nãwã dhạrti lạgitʼ bon koyokʼ horeda. Onḍe do sanamakʼge Isorakʼ monejoṅakʼ leka hoyokʼa.

Johan sodor 11:16

Uni do jaejug hạbicʼe rajokʼa.” Ar okoe bargel pon mukhiyạko Isor samaṅre akoakʼ siṅghạsonreko duṛupʼ akan tahẽkan, onko doko ombakʼente Isor sewawadeteko menkeda,

Johan sodor 12:1

Tayomte sermare mitʼṭecʼ maraṅ cinhạ ńelena; mitʼṭen maejiu, one okoe do siń candoteye oyo akan ar uniyakʼ jaṅga latare do ńindạ candogeye tahẽkana. Uniyakʼ bohokʼre do gelbar goṭecʼ ipilte gathao akatʼ mitʼṭecʼ mukuṭ tahẽkana.

Johan sodor 20:4

Ona tayom adomakʼ siṅghạsonkoń ńelkeda, ar okoe onareko duṛupʼ akan tahẽkan onko do bicạr reakʼ ektiạriko em ocoakan tahẽkana. Isorakʼ katha ar Jisu reakʼ cecetʼakʼ lekate calakʼ iạte okoe do bohokʼko makʼ ńur ocoakan tahẽkan, onko hoṛakʼ jiwikoń ńelkeda. Onko do uni janwar ar uniyakʼ muṭhạn hõ bako sewawakʼkan tahẽkana ar moloṅre se tire cinhạ hõ bako hataoleda. Onko doko jiwetʼente mitʼ hajar bochor hạbicʼ Mạsi tulucʼ rajosṭiko calaokeda.

Johan sodor 21:5

Okoe ona siṅghạsonre duṛupʼ akane tahẽkan uni doe menkeda, “Ńelme, iń do jotowakʼge nãwãteń benao aroyeda.” Uni do arhõe menkeda, “Noa katha olme, ente noa kathako do pạtiạr ar sạrigea.”

Johan sodor 22:2

Ona gaḍa reakʼ dene banar aṛere do jion dare tahẽkana. Onare do gelbar lekan jo jokʼkan tahẽkana. Ar jao candoge onare do jokʼa ar ona reakʼ sakamte sanam jạtren hoṛko bogekʼkan tahẽkana. Sarap do ar baṅ tahena.

Johan sodor 22:5

Ńindạ do ar baṅ tahena ar onko do diuhe reakʼ marsal se siń cando reakʼ marsal hõ baṅ jạruṛakoa, ente Probhu Isor do acʼge onkoren marsale hoyokʼa. Ar jaejug hạbicʼ onko do rajko calaoa.

Johan sodor 3:21

“Jitạukʼkate cetʼleka iń do ińren Baba tulucʼ uniyakʼ siṅghạsonreń duṛupʼ akan, onkage okoeye jitạukʼa, uni do iń tulucʼ ińakʼ siṅghạsonre duṛupʼ reakʼ ạidạriń emaea.

Johan sodor 4:4

Ona siṅghạson reakʼ beṛhaete arhõ bargel pon siṅghạson tahẽkana, ar ona siṅghạsonkore do bargel pon murubbiko duṛupʼakan tahẽkana. Onkoakʼ kicricʼko do ponḍge tahẽkana ar bohokʼre do sona reakʼ mukuṭ tahẽkantakoa.

Johan sodor 7:4

Ona tayom onko mohor chap akan hoṛkoakʼ lekhań ańjomkeda. Israelren sanam bõsko mod khon jotote mitʼ sae pongel pon hajar hoṛko mohor chap ocoakana: