Mathae 19:21 - সান্তালী বাইবেল

²¹ Jisui menkeda, “Am do khạṭi utạrokʼem menetʼ khan enḍekhan senkate amakʼ sanam sompotti ạkhrińkate reṅgecʼ orecʼko danakome. Onate sermaere dhon hoyokʼtama. Ar ona tayom do hecʼkate ińren cela hoyokʼme.”

Santali Common Language New Testament

²¹ Jisui menkeda, “Am do khạṭi utạrokʼem menetʼ khan enḍekhan senkate amakʼ sanam sompotti ạkhrińkate reṅgecʼ orecʼko danakome. Onate sermaere dhon hoyokʼtama. Ar ona tayom do hecʼkate ińren cela hoyokʼme.”

Mathae 19:21 Iomraidhean Croise

Genesis 17:1

Abramakʼ umer do tinre are gel are bochor tahẽkana unre Probhu Isor do uni ṭhen ńel ocoyenteye menkeda, “Iń kangeạń sanam daṛean Isor. Am do iń sãote helmel dohoyme ar ińakʼ sana leka calakʼme.

Genesis 6:9

Nohawakʼ jion reakʼ katha. Noha do mitʼṭen dhorom hoṛe tahẽkana. Ar acʼ okteren hoṛko modre uni eskarge dhorom hoṛ doe tahẽkana. Uni do Isor sãote jaoge helmel tahẽkantaea.

Jobakʼ 1:1

Kus disạmre Job ńutuman mitʼṭen hoṛe tahẽkana. Uni do bindusạn ar dhorom hoṛgeye tahẽkana. Uni do Isore botorae kan tahẽkana ar bạṛicʼakʼ khon sạṅgińreye tahenkan tahẽkana.

Sereńko 37:37

Sạbit hoṛkoakʼ jion secʼ beṅgedme; ar onko dhorom hoṛko ńelkom. Okoe sulukko dulạṛetʼ onkoren bõs doko tahengea.

Mathae 16:24

Ona tayom Jisu do acʼren celakoe metatʼkoa, “Jãhãe ińakʼ horte hijukʼ sanayede khan uni do acʼakʼ kusi sanaleka aloe calakʼma; menkhan acʼakʼ kuruse gogma ar ińe pańjańma.

Mathae 19:20

Uni juạn koṛa doe menkeda, “Noako joto doń manao ạguakada, ado ar cetʼko cekae hoyokʼtińạ?

Mathae 19:22

Noa katha ańjomkate kisạ̃ṛ juạn do ạḍi bhabnakateye calaoena, ente uni do ạḍi utạr dhon tahẽkantaea.

Mathae 19:28

Jisui metatʼkoa, “Sạrigeń metapekana, okoe ińren celape hoyakan, nãwã janamokʼre Manwa Hopon tinre acʼakʼ ṭhonok reakʼ siṅghạsonreye duṛupʼa unre ape hõ gelbar siṅghạsonre duṛupʼkate Israelren gelbar khũṭkope bicạrkoa.

Mathae 4:19

Jisui metatʼkinạ, “Dela iń sãote hijukʼ ben, iń do hoṛ sasapʼ hoṛiń benao bena.”

Mathae 5:48

Onate aperen sermaren Baba cetʼlekae khạṭige, onkage ape hõ khạṭi hoyokʼpe.

Mathae 8:22

Jisu do uniye metadea, “Gocʼkoge akoren gocʼko topa ocoakome, menkhan am do iń pańjayińme.”

Mathae 9:9

Jisu onḍe khone calakʼkan tahẽkan jokhecʼ Mathaeko metae mitʼ hoṛ do mạsul uṭhạu reakʼ oṛakʼre duṛupʼ akane ńelkedea. Jisu do uniye metadea, “Dela ińren cela hoyokʼme.” Ar unrege Mathae doe beretʼente Jisui pańjakedea.

Mark 10:21

Jisu do uniye beṅgetʼadea ar dulạṛ salakʼe metadea, “Mitʼṭecʼ jinis dom bạki oṭo akawada. Do calakʼme, ar oka menakʼtam ona ạkhrińkate reṅgecʼ orecʼko dan akome. Onate sermare dhonem ńama. Ar inạ tayom do hecʼkate ińren cela hoyokʼme.”

Mark 2:14

Inạ tayom horteye parom calakʼkan tahẽkanre Alphaeren hopon Lewi do mạsul uṭhạu reakʼ oṛakʼre duṛupʼ akane ńelkedea. Jisu do uniye metadea, “Dela hijukʼte, ińren cela hoyokʼme.” Unre Liwi doe beretʼente Jisui pańjakedea.

Mark 8:34

Noa tayom celako ar gadel hoṛko acʼ ṭhen hoho sorkateye metatʼkoa, “Jãhãege ińakʼ horte hijukʼe menetʼ khan uni do acʼakʼ sana leka aloe calakʼma; bickom acʼakʼ kurus gokʼkateye pańjayiń ma.

Luk 12:33

Ape do menakʼ tapeakʼko ạkhrińkate dan emokʼpe. Ar baṅ marekʼ ṭaka reakʼ thạilạkʼ tear joṅpe, metakʼme okaṭakʼ dhon jaejug hạbicʼ ṭikạu tahen onage sermare jarwajoṅpe. Onḍe do kombṛo hõ bako hijukʼa ar tejoko hõ bako bạṛija.

Luk 14:33

Ado mucạtʼre Jisui menkeda, “Onkage apeko modre jãhãe begor hudis cintạte acʼakʼ jotowakʼko bae bạgi oṭowakʼ khan, uni do ińren cela ohogeye hoydaṛelena.

Luk 16:9

Ińiń metapekana, bedhorom dhonte gate benao joṅpe, jemon ona dhon cabalenre jaejug tahen reakʼ jaegareko ataṅ darampe.

Luk 18:22

Noa katha ańjomkate Jisu do uniye metadea, “Ńitokʼ hõ mitʼṭen kạmi dom sarecʼ akada. Amakʼ okaṭakʼ menakʼtam onako ạkhrińme ar reṅgecʼ orecʼko hạṭińakome, enḍekhan am do sermare dhonem ńama. Ar ona tayom do hecʼkate ińren cela hoyokʼme.”

Luk 5:27

Inạ tayom Jisu do bahreteye calaoena ar mạsul uṭhạu oṛakʼre Lewi ńutuman mitʼṭen mạsul-uṭhạuicʼ do duṛupʼakane ńelkedea. Jisu do Lewiye metadea, “Dela hijukʼte, ińren cela hoyokʼme.”

Luk 6:40

Cela do guru khon bae maraṅa, menkhan joto cecetʼakʼe ńamlere guru lekae hoyokʼa.

Luk 9:23

Ona tayom sanamkoe metatʼkoa, “Jãhãege ińakʼ horte hijukʼe menetʼ khan uni do acʼakʼ kusileka aloe calakʼma; ar dinạmge acʼakʼ kurus gokʼkate ińe pańjańma.

Johan 10:27

Ińren bhiḍiko do ińakʼ aṛaṅko ańjomeda. Ar iń doń baḍae oromakatʼkoa ar onko do ińko pańjayediń kana.

Johan 12:26

Jãhãege ińakʼe kạmikan khan uni do ińe pańjańma. Iń okareń tahena ińren kạmiyạko hõ onḍegeko tahena. Jãhãege ińakʼe kạmikan khan Baba do uniye manotea.

Aposkạmi 2:45

Onko do akoakʼ khet baṛge ar dhon-duribko ạkhrińkate mimitʼkoakʼ jạruṛokʼakʼ lekako em hạṭińako kan tahẽkana.

Ibriko 10:34

ar okoeko hajot ocoakan tahẽkan onkoakʼ duktepe duklena. Apeakʼ jinisko luṭlenre rạskạ salakʼpe manaoleda, entepe baḍaekan tahẽkana, arhõ bhage ar jaejug dhon menakʼtapea mente.