Mathae 19:13 - সান্তালী বাইবেল

¹³ Unre kạṭicʼ gidrạ Jisu ṭhenko ạguketʼkoa jemon uni do onkoe capoko are koeako. Menkhan celako do onkoko dhomkaoketʼkoa.

Santali Common Language New Testament

¹³ Unre kạṭicʼ gidrạ Jisu ṭhenko ạguketʼkoa jemon uni do onkoe capoko are koeako. Menkhan celako do onkoko dhomkaoketʼkoa.

Mathae 19:13 Iomraidhean Croise

Genesis 48:1

Niạ thoṛa din tayom Joseph do khobore ńamkeda, acʼ baba doe ruạkʼkana. Unre uni do acʼren banar hopon Manase ar Ephrayem soṅgekate onḍeye calaoena.

Jirimiạ 32:39

Iń do nonkan mon ar ontoriń emakoa onko do eken iń secʼgeko ạwilokʼa; onate onko do ako apnarte ar onkoren hopon ar hoponerakoakʼ bhạlại lạgitʼ jao okte ińko botorạńạ.

Mathae 16:22

Unre Patras do begar idikedete nisṛạueye ehopʼkeda, “E Probhu Isor noa do am khon sahaṛokʼma. Am cetanre nonka do tisge oho hoydaṛelena.”

Mathae 19:12

Ente adom do eṅgat kukhi khon mạ̃yạ̃ṛigeko janam akana, onate onko do bako baplakʼ kana. Ar adom do hoṛgeko mạ̃yạ̃ṛi ocoyetʼkoa, onate onko hõ bako baplakʼkana, arhõ adomko do serma rajre bolokʼ iạte baṅ baplakʼko muruk akada. Onate okoeye manao daṛeakʼ uni doe manaoma.”

Mathae 20:31

Khange gadel hoṛ do thir hapekʼa mente unkinko dhomkaoketʼkinạ. Menkhan unkin do artetʼ ãṭ aṛaṅte hohoatekin menkeda, “E Probhu Dạudren Hopon mãyãwạlińme baṛe.”

Aposkạmi 2:39

Ape lạgitʼ, aperen gidrạ lạgitʼ ar okoe do sạṅgińre menakʼko, metakʼme aboren Probhu Isor do okoeko acʼren hoṛ hoyokʼ lạgitʼe hohowako, onko sanamko lạgitʼ noa gokʼakʼ do emakana.”

1 Korinthiko 7:14

ente rinicʼtetʼ hotete uni bepạtiạricʼ jãwãe ar jãwãetetʼ hotete uni bepạtiạricʼ rinicʼtetʼ doe sonot ocoakana; ar onka baṅ hoylen khan aperen gidrạko do besaphako hoykokʼa, menkhan Isor samaṅre onko do besapha doko baṅkana.

1 Samuel 1:24

Ado gidrạ toa nunui bạgiketʼ khan Hanna do pea ḍaṅgra, gel irạl keji holoṅ, harta reakʼ thulire mitʼ thuli darkha rasa ar gidrạ soṅgekate Silote Probhu Isorakʼ oṛakʼteye calaoena. Unre gidrạ do huḍińgeye tahẽkana.