Mathae 18:7 - সান্তালী বাইবেল

⁷ Hae hae! Kại horte idiko lạgitʼ tinạkʼ uskạu baṅ amre menakʼ! Ente uskạu do hijukʼgea; enhõ hae uni hoṛ do, one okoe hotete ona uskạuko hijukʼkan!

Santali Common Language New Testament

⁷ Hae hae! Kại horte idiko lạgitʼ tinạkʼ uskạu baṅ amre menakʼ! Ente uskạu do hijukʼgea; enhõ hae uni hoṛ do, one okoe hotete uskạuko hijukʼkan!

Mathae 18:7 Iomraidhean Croise

Genesis 13:7

Onate Abram ar Lotren gutiko talare jaoge jhogṛa hoyokʼkan tahẽkana. Ona chaḍa onako oktere Kananrenko ar Pheresiko hõ ona disạmreko girobasokʼ kan tahẽkana.

2 Samuel 12:14

Menkhan noam kạmi akatʼte am do Probhu Isorren bạiriko nindạu reakʼ ạtem ematʼkoa. Ona iạte amren okoeṭakʼ gidrại janam akan uni do khạṭigeye gujukʼa.”

Mathae 16:23

Jisu do ạcurente Patrase metadea, “Eya Soetan iń samaṅ khon pharakokʼme. Am do iń tạkʼkicʼicʼ kanam. Isor reakʼakʼko do bam moneyakʼ kana menkhan manwa reakʼakʼgem moneyakʼ kana.”

Mathae 26:24

Manwa Hopon reaṅ sonot sostorre okaleka olakan onkage uni doe gujukʼa, menkhan uni hoṛre do hae hae, okoe bạirikoakʼ tire Manwa Hopone soprot ocoye! Uni do aloe janamlen khange honaṅ boge hoykokʼtaea.”

Mark 13:7

Ape do lạṛhại reakʼ saḍekope ańjomlere alope bilbilạukʼa. Noako do hoyokʼgea, menkhan unrehõ mucạdokʼ okte do baṅkana.

Luk 17:1

Jisu do acʼren celakoe metatʼkoa, “Kại horte idiko lạgitʼ uskạu do hijukʼte hõ hijukʼgea, menkhan hae uni hoṛ do, one okoe hotete ona udgạuko hijukʼkan!

Johan 17:12

Iń do tinạkʼ din onko sãoreń tahẽkan unạkʼ din amakʼ oka ńutumem emakawạdiń ona ńutumteń rukhiyạ ạguakatʼkoa. Iń doń horho akatʼkoa ar onko mod khon okoe hõ bako nosṭo akana. Eken okoeyakʼ nosṭokʼ reakʼ katha tahẽkan unigeye nosṭo akana, jemon sonot sostor reakʼ katha purạukʼ.

Aposkạmi 1:16

“E boehako, ḍher din lahare sonot Jiu do Dạud rajakʼ mocate Jihudạ reaṅ oka kathae roṛletʼ, sonot sostor reakʼ ona katha do purạukʼ reakʼ jạruṛ tahẽkana. Ar okoeko Jisuko sapʼlede, onko do uni Jihudạge hore udukʼatʼko tahẽkana.

1 Korinthiko 11:19

Ente ape talare dola duli do tahengea, jemon Isor samaṅre ape modre biḍạukʼ ṭarhaokʼkoko sodorokʼ.

1Timothi 6:1

Okoe golamiko khạṭaokʼkan onko sanamkoge akoren kisạ̃ṛko manot ocokʼlek menteko bujhạukoma, jemon okoe hõ Isorakʼ ńutum ar aboakʼ sikhạuna aloko nindạu daṛeakʼ.

Titus lạgitʼ Pạul Apostolakʼ ciṭhi 2:5

ar apnartetʼko sambṛaokʼma, napaeko tahenma, gharońjko disạima, dayakʼkoko hoyokʼma ar jãwãe gobolreko tahenma, jemon okoe hõ Isorakʼ katha aloko bemanot.

Titus lạgitʼ Pạul Apostolakʼ ciṭhi 2:8

Okoe hõ aloko dusạu daṛeam onate onkan sạri cecetʼakʼ emokʼme, jemon am upạrten hoṛko do lajaoreko paṛaokʼ, ente abon reaṅ bạṛicʼ roṛ reakʼ do cetʼge baṅ tahentakoa.

Jihudạwakʼ ciṭhi 1:4

Noa do jạruṛgea, ente sedaere okoe hoṛkoakʼ sạjại reaṅ katha sostorre olakan onko do ape talare hape hapeteko bolo akana. Noko hoṛkore Isor bhokti do bạnukʼanaṅ; ar aboren Isorakʼ daya do lucạ lamoṭ menteko ạnḍuṅeda ar okoe aboren mitʼ goṭen mạlik are Probhu kan uni Jisu Mạsi do bako aṅgoc edekana.

1 Samuel 2:17

Probhu Isorakʼ mẽtʼre juạn naekekinakʼ kại do ạḍi bạṛicʼ ńelena, ente unkin do Probhu Isor ńutumte samaṅokʼakʼ jiniskokin nindạuetʼ tahẽkana.