Mathae 18:12 - সান্তালী বাইবেল

¹² Mitʼ hoṛren mitʼ sae bhiḍiko tahentae. Ar onko modren mitʼ goṭene chingạulen khan onko are gel are goṭen burure bạgi oṭoakote uni chingạu akanicʼ cetʼ bae ńam baṛayea?

Santali Common Language New Testament

¹² Mitʼ hoṛren mitʼ sae bhiḍiko tahentae. Ar onko modren mitʼ goṭene chingạulen khan onko are gel are goṭen burure bạgi oṭoakote uni chingạu akanicʼ cetʼ bae ńam baṛayea?

Mathae 18:12 Iomraidhean Croise

1 Rapajko 21:17

Unre Tisbiren Eliạ ṭhen Probhu Isorakʼ niạ katha sodorena,

Sereńko 119:176

Atʼ akan bhiḍi leka iń doń chingạu akana; amren golam baṛe sendra ńameń me, ente amakʼ hukumko do bạń hiṛiń akada.

Jesaea 53:6

Abo sanamkoge bhiḍiko leka bon asokʼ ṭayokʼlena; abo mimitʼko do apan ạpin horte bon mohnḍalena. menkhan Probhu Isor do aboakʼ sanam ghạṭko acʼreye ladeyana.

Jirimiạ 50:6

“Ińren hoṛ do atʼ akan bhiḍiko lekako hoyakana; onkoren gukʼpiko do bạṛicʼ horteko ghańjeṛ idi akatʼkoa. Onko gukʼpiko iạte onko do buru burukore ar boṭkocʼ boṭkocʼko calakʼkana ar akoakʼ chaṛko hiṛińakada.

Jeheskel 34:12

Gukʼpiyicʼ cetʼ leka acʼren pasnao akan palrenkoe tolasko onkage ińren bhiḍi hõń tolaskoa. Rimil ar ńut reakʼ dinre oka ṭhạ̃ikoreko pasnao akan iń do onḍe khoniń bańcao ạgukoa.

Jeheskel 34:16

Ar okoeko atʼakan onkoń sendra ạgukoa ar okoe do eṭakʼ hor secʼko ghańjeṛ akan onko doń ruạṛ ạgukoa. Ar hạn akanko do ghaokoń bedhaokatakoa ar nijorko do jorankoń hoyocokoa, menkhan lodgopʼ ar daṛeanko doń marao giḍikoa, ente iń do dhorom reakʼ bicạr talate ińren palrenkoń ńel jutkoa.

Jeheskel 34:28

Onko do jạt jạtkoren luluṭ jinis do ar bako hoyokʼa, bir janwarko ṭhen hõ bako jom ocokʼa. Onko do khạtirjomako tahena ar celege bako botor ocokoa.

Jeheskel 34:4

Ape do nijor akanko bape daṛe ocoletʼkoa, ruạkʼko bape boge ocoletʼkoa, ghạl akankoakʼ ghaoko bape bedhao letʼtakoa. Ar okoe bạṛicʼ horteko sen akan onko hõ bape ruạṛ ạguletʼkoa ar atʼ akan hoṛkoakʼ khoj tolas hõ bape hataoleda, bickom kajak ar kurmutạha lekape ḍanṭao akatʼkoa.

Jeheskel 34:6

Ińren bhiḍiko do goṭa buru-nalakoreko ạcur baṛaekana. Goṭa dhạrtireko chirchạtur akana; okoehõ onkoakʼ khoj tolas do bako hatao akada.

Mathae 12:11

Jisui metatʼkoa, “Ape modre jãhãeren mitʼṭen bhiḍiye tahentae, ar jirạukʼ mãhãre khạ̃yũkʼreye ńurlenre uni do cetʼ bae tul rakabea?

Mathae 18:13

Sạrigeń metapekana, uniye ńamlere onko bako chingạu akan are gel areko khon chingạuicʼ iạte uni do arhõ bạ̃ṛtiye rạskạkʼa.

Mathae 21:28

Ona tayom Jisui menkeda, cetʼlekape bujhạuekea? “Mitʼ hoṛren barea hoponkin tahẽkana. Uni do acʼren maraṅicʼ hopon ṭhen senkateye menkeda, ‘E beṭa teheń do darkha bagwante senkate kạmime.’

Mathae 22:42

“Ape do Mạsi reaṅ cetʼpe bujhạueda? Uni do okoe bõsren kanae? Onkoko menkeda, “Dạud bõsren.”

1 Korinthiko 10:15

Iń do budanko menteń baḍaeyetʼpete noakoń galmaraoape kana; ar okań roṛetʼkan, ona do apege bicạrpe.

1 Patras 2:25

Bhiḍiko lekape chingạu adokʼkan tahẽkana, menkhan ńitokʼ do okoe apeakʼ jiwikoe ńeletʼkan uni gupiyicʼ ṭhenpe ạcur ruạṛ akana.