Mathae 17:5 - সান্তালী বাইবেল

⁵ Ado Patras kathae roroṛkan tahẽkanrege mitʼṭecʼ jhalkaokʼkan rimil do onkoe umul esetʼketʼkoa. Ar ona rimil khon mitʼṭen aṛaṅ ańjomena, “Nuige ińren dulạṛiạ Hopon, iń do unireń kusi akana. Ape do uniyakʼ ańjomtaepe.”

Santali Common Language New Testament

⁵ Ado Patras kathae roroṛkan tahẽkanrege mitʼṭen jhalkaokʼkan rimil do onkoe umul esetʼketʼkoa. Ar ona rimil khon mitʼṭen aṛaṅ ańjomena, “Nuige ińren dulạṛiạ Hopon, iń do unireń kusi akana. Ape do uniakʼ ańjomtaepe.”

Mathae 17:5 Iomraidhean Croise

Jobakʼ 38:1

Unre Probhu Isor do birbão hoe khon Jobe roṛ ruạṛadea. Uniye menkeda,

Sereńko 81:7

Muhinrem paṛaoente ińem hohoạdińa ar iń doń bańcaoketʼmea; ar huḍur saḍe reakʼ danaṅ khoniń roṛ ruạṛatʼmea; ar Meriba reakʼ dakʼ ṭheniń biḍạuketʼmea. (Sela)

Exodus 19:19

Ar sakwa reakʼ saḍe do arhõ murukte saḍekʼ ehopʼena. Unre Mose do Isor sãote kathae roṛkeda ar Isor hõ ãṭ aṛaṅteye roṛ ruạṛadea.

Jesaea 42:1

Probhu Isore meneda, “Ńelpe, ińren guti, one uniń goṛowae kan; ariń bachao akade ar one unireń kusi akan. Ińren Jiu do unireń dohoyea ar uni do boṅgan hoṛ jạtrenko ṭhen hok reakʼ bicạre lại jạhira.

Jesaea 42:21

Probhu Isor doe kusiyena ar acʼakʼ dhorom ńutumte acʼakʼ ạnko maraṅ are ṭhonok ocoakada.

Mathae 12:18

Ńelpe, ińren guti one uniń bachao akade, unige ińren dulạṛiạ, one unireń kusi akan. Ińren Jiu do unireń dohoyea, uni do boṅgan hoṛ jạtrenko ṭhen hok reakʼ bicạre lại jạhira.

Mathae 17:6

Noa katha ańjomkate celako do ạḍiko botorena ar otreko taber hapeyena.

Mathae 3:17

Unre serma khon mitʼṭen aṛaṅ ańjomena, “Nuige ińren dulạṛiạ Hopon, one unireń kusi akan.”

Mark 1:11

Unre serma khon mitʼṭen aṛaṅ ańjomena, “Amge ińren dulạṛiạ Hopon, iń do amreń kusi akana.”

Mark 9:7

Ar ona jokhecʼ mitʼṭecʼ rimil do rakapʼ hecʼente onkoe umul esetʼketʼkoa, ar ona rimil khon noa katha ańjomena, “Nuige ińren dulạṛiạ Hopon, uniyakʼ ańjomtaepe.”

Luk 3:22

Ar sonot Jiu do parwa leka uni cetanreye pheḍ hecʼena, ar serma khon noa katha ańjomena, “Amge ińren dulạṛiạ Hopon, iń do amreń kusi akana.”

Johan 3:16

“Isor do dhạrtirenko nonkae dulạṛketʼkoa acʼren eskar janam Hopongeye emkedea, jemon unire pạtiạukʼ mitʼke mitʼ hoṛ aloko nosṭokʼ bickom jaejug jion tahentako.

Johan 3:35

Baba do Hopone dulạṛede kana ar uniyakʼ tirege jotowakʼe emakada.

Johan 5:37

Uni Babage, one okoe do ińe kol akadiń, uni acʼge iń reaṅ gohae emakada. Ape do tis hõ uniyakʼ aṛaṅ bape ańjom akatʼtaea ar mẽtʼãhã hõ bape ńelakatʼtaea.

Aposkạmi 1:9

Noa kathae lạiyatʼko khan celako samaṅrege Jisu doe rakapʼ ocoyena ar mitʼṭecʼ rimil reakʼ danaṅteye calaoena.

Aposkạmi 7:37

Nui kangeae uni Mose one uni Israelkoe metatʼko tahẽkan, ‘aperen Isor do aperen Israel boehako tala khon iń leka mitʼṭen nạbiye teṅgoapea.’

Ephesiko lạgitʼ Pạul Apostolakʼ ciṭhi 1:6

Uni doe nonkaleda jemon acʼren dulạṛiạ Hopon hotete begor damte oka mạhimate perecʼ dayae dan akatʼbon uniyakʼ sarhao hoyokʼtae.

Dosar Biboron 18:15

Aperen Probhu Isor do Israel boehako tala khon iń leka mitʼṭen nạbiye teṅgoapea. Ar uniyakʼ katha leka ape do calakʼ hoyokʼtapea.

Dosar Biboron 18:19

Uni nạbi do ińakʼ ńutumte oka kathae lại ar jãhãege ona katha bae ańjom, enḍekhan ińge uni hoṛ do dạyireń paṛao ocoyea.

Dosar Biboron 5:22

“Probhu Isor do noako hukum ona buru cetanre seṅgel, rimil ar kaṛaṅ ńut khon sanamko ṭhen ãṭ aṛaṅteye sodorleda. Ona chaḍa uni do ape ṭhen ar jãhãnakʼ bae menleda. Tayomte uni do barea dhiri reakʼ paṭare onako olkate ińe emadińạ.

Kolossiko lạgitʼ Pạul Apostolakʼ ciṭhi 1:13

Ente uni do ńut reakʼ rajosṭi khone bańcaoketʼbonte acʼren dulạṛiạ Hoponakʼ rajosṭiteye ucạṛ ạguketʼbona.

Ibriko 5:9

Nonkate tinreye sạbit ocoyena unre acʼakʼko bataotae sanamko lạgitʼ jaejug bańcaokʼ reakʼ hore hoyena.

Johan sodor 1:7

Ńelpe, uni do rimilteye hijukʼkana. Ar mitʼke mitʼ mẽtʼ do uniko ńelea; ar okoeko sobokʼ bhugạkʼlede onko hõ uniko ńelea ar dhạrtiren sanam jạtrenko do uni iạte koṛamko ceṭagokʼa. Ar onage hoyokʼ ma baṛe, Amen.

Johan sodor 14:14

Tayomte iń do mitʼṭecʼ ponḍ rimiliń ńelkeda, ar ona rimilre manwa Hopon leka mitʼ hoṛe duṛupʼ akan tahẽkana. Uniyakʼ bohokʼre do jitạukʼ reakʼ sona mukuṭ ar tire do laser datrom tahẽkana.