Mathae 16:21 - সান্তালী বাইবেল

²¹ Un khonge Jisu do acʼren celako lạiyakoe ehopʼena je, acʼ do Jerusalemte calakʼ hoyokʼtaea ar murubbiko, maraṅ naekeko, ar sostor baḍaeko hotete ạḍi okocʼ duk jojom hoyokʼtaea. Are gocʼ ocokʼa ar pe mãhã hilokʼre gocʼko khon uni do jiwetʼ beredokʼ hoyokʼtaea.

Santali Common Language New Testament

²¹ Un khonge Jisu do acʼren celako lạiakoe ehopʼena je, acʼ do Jerusalemte calakʼ hoyokʼtaea ar murubiko, maraṅ naekeko, ar sostor baḍaeko hotete ạḍi okocʼ duk jojom hoyokʼtaea. Are gocʼ ocokʼa ar pe mãhã hilokʼre gocʼko khon uni do jiwetʼ beredokʼ hoyokʼtaea.

Mathae 16:21 Iomraidhean Croise

Nehemiạ 12:7

Salu, Amok, Hilkiạ ar Jedaya. Noko do Jesua oktere naeke ar onko bõsren mathako tahẽkana.

Mathae 12:40

Cetʼ leka Jona do maraṅ okocʼ hakoakʼ lacʼre pe siń ar pe ńindại tahẽkan, onkage Manwa Hopon hõ pe siń ar pe ńindạ ot bhitrireye tahena.

Mathae 16:22

Unre Patras do begar idikedete nisṛạueye ehopʼkeda, “E Probhu Isor noa do am khon sahaṛokʼma. Am cetanre nonka do tisge oho hoydaṛelena.”

Mathae 16:28

Sạrigeń metapekana, nonḍe teṅgo akanko modre adom hoṛ menakʼkoa onko do Manwa Hopon acʼakʼ rajre ạuriko ńele hạbicʼ bako gujukʼa.”

Mathae 17:12

Menkhan ińiń metapekana, Eliạ doe hecʼlengea ar bako ńel oromledea. Ar hoṛko cetʼleka sanaletʼko onkage uni cetanreko kạmikeda. Manwa Hopon hõ onkage hoṛko hotete duk jojom hoyokʼtaea.”

Mathae 17:9

Ado buru khonko pheḍ hijukʼkan tahẽkanre uni do noae hukumatʼkoa, “Okape ńelketʼ, ona do Manwa Hopon gocʼko khon ạuriye jiwetʼ beredokʼ hạbicʼ okoe hõ alope lạiyakoa.”

Mathae 20:28

Manwa Hopon do sapʼsor ocokʼ do bae hecʼakana, bickom sapʼsosor lạgitʼge, ar ạḍi utạr hoṛko bodolte chaḍaokʼ reakʼ dam menkate acʼakʼ jiwi emokʼgeye hecʼakana.”

Mathae 26:2

“Baḍaegeape bar din tayom khange bańcaokʼ porob do hoyokʼa, ar Manwa Hopon do kuruskae lạgitʼko soprotea.”

Mathae 26:47

Jisui roroṛkan tahẽkanrege, ńelpe, Jihudạ do onḍeye hecʼena. Uni do gelbar celako modren mitʼ hoṛe tahẽkana. Uni sãote ạḍi utạr hoṛ do tarwaṛe ar ṭhengawanteko hecʼena. Onko do maraṅ naekeko ar murubbikoko kol akatʼko tahẽkana.

Mathae 27:12

Maraṅ naekeko ar murubbiko aemako dusikedea menkhan Jisu do cetʼ hõ bae roṛ ruạṛleda.

Mathae 27:63

“Hujur, disạkedale, uni bulạuicʼ do jiwetʼ tahẽkanreye menleda, ‘pe mãhã khangeń jiwetʼ ruạṛokʼa.’

Mathae 28:6

Nonḍe do bạnugicʼan. Uni do cetʼlekae menletʼ onkageye jiwetʼ beretʼ akana. Dela, hijukʼte uniye giticʼlen jaega ńel ben.

Mark 8:31

Jisu do acʼren celako noa menkate cetʼakoe ehopʼena, Manwa Hopon do ạḍi okocʼ duk jojom hoyokʼtaea. Uni do murubbiko, maraṅ naekeko ar sostor baḍaekoko nihạ̃tea. Are gocʼ ocokʼa, ar pe mãhã hilokʼre uni do arhõ gocʼko khon jiwetʼ beredokʼ hoyokʼtaea.

Mark 9:12

Jisui roṛ ruạṛatʼkoa, “Noa katha do sạrikangea je, pạhilre Eliại hijukʼa ar sanamakʼ do lahate lekae teṅgo aroya. Menkhan Manwa Hopon reaṅ sonot sostorre cekate baṅ olakan, uni do ạḍi okocʼ duk jojom hoyokʼtaea ar hoṛko do uniko nihạ̃tea?

Luk 17:25

Menkhan pạhilre uni do ạḍi utạr duk ar saset jojom hoyokʼtaea. Ona chaḍa noa piṛhiren hoṛko do uniko nihạ̃tea.

Luk 24:46

“Ol menakʼa, Mạsi do duk jojom hoyokʼtaea ar pe din hilokʼre gocʼko khone jiwetʼ beredokʼa.

Luk 9:31

Onko do ṭhonokanteko ńelena. Ar Jerusalemre purạu lạgidokʼkan Jisuakʼ gujukʼ reaṅko galmarokan tahẽkana.