Mathae 16:19 - সান্তালী বাইবেল

¹⁹ Iń do serma raj reakʼ kạṭhikoń emama, ar jãhãnakʼge dhạrtirem tol ona do sermare hõ tolge tahena ar jãhãnakʼge dhạrtirem raṛae ona do sermare hõ raṛage tahena.”

Santali Common Language New Testament

¹⁹ Iń do serma raj reakʼ kạṭhikoń emama, ar jãhãnakʼge dhạrtirem tol ona do sermare hõ tolge tahena ar jãhãnakʼge dhạrtirem raṛae ona do sermare hõ raṛage tahena.”

Mathae 16:19 Iomraidhean Croise

Jesaea 22:22

Uniyakʼ tarenre Dạud bõs reakʼ choṛaniń dohoaea; uni do onae jhija ar celege ona do bako siń daṛeakʼa, ar uniye sińlere ona do cele hõ bako jhicʼ daṛeakʼa.

Mathae 18:18

“Sạrigeń metapekana, dhạrtire okakope tola ona do sermare hõ tolge tahena, ar dhạrtire okape raṛae ona do sermare hõ raṛage tahena.

Johan 20:23

Ape do jãhãekoakʼ kạipe ikạitako, enḍekhan onkoakʼ do ikạkʼtakoa. Ar jãhãekoakʼpe tahẽ ocoytako khan onkoakʼ do tahẽakan tahentakoa.”

Aposkạmi 15:7

Ado aemako galmaraoketʼ khan Patras do teṅgoyenteye metatʼkoa, “E boehako, ape mape baḍaege, ḍher din lahare apeko tala khon Isor do ińe bachao akadińạ jemon boṅgan hoṛ jạtrenko hõ ińakʼ moca khon bhage sombat reakʼ katha ańjomkateko pạtiạukʼ.

2 Korinthiko 2:10

Ar jãhãnakʼ babotre jodi jãhãeakʼgepe ikạitae enḍekhan iń hõ uniyakʼ iń ikạitaea. Sạriyakʼge iń do jãhãnakʼiń ikạ akatʼ khan enḍekhan Mạsi samaṅre ape lạgitʼgeń onka akada,

1 Thessalonikikko 4:8

Onate okoe noa cecetʼakʼ bae hetawakʼ uni do manwa do baṅ, bickom okoe acʼren sonot Jiue dan akawatʼpe uni Isorge bae hetawae kana.

Johan sodor 1:18

ar ińkangeạń jaejug jiwetʼicʼ. Iń doń gocʼlena, ar ńelme, jug cetan jug hạbicʼ jiwetʼ minạńa. Iń ṭhen do moron ar patal puri reakʼ choṛan menakʼa.

Johan sodor 11:6

Nukin hoṛ tinạkʼ din kin nạbiya unạkʼ din jemon aloe dag onate serma siń lạgitʼ ektiạri tahen tạkina. Ar dakʼ mãyãm ocoy ar tinạkʼ dhao sanakin unạkʼ dhao jãhãn dukte dhạrti hạ̃n reakʼ ektiạri hõ tahen tạkina.

Johan sodor 3:7

“Philạḍelphiạ nagraha reakʼ manḍerren goḍet ṭhen noa katha olme: Okoe do sonot are sạriyicʼkan, ar okoe ṭhen Dạudakʼ choṛan menakʼ, one uniye jhicʼlere okoege bako siń daṛeakʼ are sińlere okoe hõ bako jhicʼ daṛeakʼ,

Johan sodor 9:1

Ona tayom mõṛẽyicʼ serma goḍet siṅgại oroṅkeda, ar unre mitʼṭecʼ ipiliń ńel ńamkedea. Uni do serma khon dhạrtiteye ńurhạ akan tahẽkana. Ar uni ipil do athan kunḍ reakʼ choṛane emocoyena.