Mathae 16:16 - সান্তালী বাইবেল

¹⁶ Simon Patrase roṛ ruạṛkeda, “Am do Mạsi, jiwetʼ Isorren Hopon kanam.”

Santali Common Language New Testament

¹⁶ Simon Patrase roṛ ruạṛkeda, “Am do Mạsi, jiwetʼ Isorren Hopon kanam.”

Mathae 16:16 Iomraidhean Croise

Sereńko 2:7

Raj doe mena, Probhu Isor okae gathao akatʼ Iń do onań lại jạhira; Uni doe metadińạ, am dom ińren hopon kana, teheńge iń do amren apatiń hoyena.

Sereńko 42:2

Isor lạgitʼ, jiwetʼ Isor lạgitʼge ińakʼ jiwire tetaṅedeń kana; tinre iń do uni samaṅre senkateń teṅgona?

Daniel 6:26

Ińiń hukumetʼ kana, ińakʼ rajosṭiren sanam hoṛ do jemon Danielren Isorko botorae arko ḍobokʼaema, ente uni kangeae jiwetʼ ar jaejugicʼ Isor do. Uniyakʼ rajosṭi do tishõ baṅ maraokʼtaea, ar uniyakʼ ạidạri do tishõ baṅ mucạdokʼtaea.

Mathae 1:16

Jakob do Mạriạmren jãwãe Joseph jonome emadea; ar nui Mạriạm khonge Mạsiko metae Jisu doe janamlena.

Mathae 14:33

Ar lạukạre okoeko tahẽkan onko do Jisu sewawadeteko menkeda, “Sạrige am dom Isorren Hopon kana.”

Mathae 16:15

Unre Jisui metatʼkoa, “Menkhan ape do okoe kạnạń mentepe meneda?”

Mathae 26:63

Menkhan Jisu do hapegeye tahẽyena. Maraṅ naeke do arhõe metadea, “Jiwetʼ Isorreń kiriạ ocoyetʼme kana, lạiyaleme, am do Mạsi, Isorren Hopon kanam se baṅ?”

Mathae 27:54

Subedar ar uni tulucʼ Jisuko horhoyede tahẽkanko do dhạrti laṛao ar eṭakʼ ghoṭnako ńelkate ạḍi bạṛicʼko botorena arko menkeda, “Sạrige uni do Isorren Hopongeye tahẽkana.”

Mathae 4:3

Unre Soetan do hecʼkate uniye metadea, “Isorren Hopon kan khanem enḍekhan noako dhiri baṛe piṭhạ hoeocoyme.”

Mark 14:61

Jisu do thirgeye tahẽyena, cetʼge bae roṛ ruạṛleda. Maraṅ naeke do arhõe kulikedea, “Am do cetʼ sarhaoanicʼ Isorren Hopon Mạsi kanam?”

Luk 2:11

Teheń do Dạud nagrahare aperen babańcaoicʼe janam akana. Uni doe Probhu Mạsi kana.

Johan 1:49

Noate Nathanael do Jisui metadea, “E Guru, am do Isorren Hopon kanam ar amge Israelkoren raj do.”

Johan 11:27

Marthae menkeda, “Hẽ Probhu, iń doń pạtiạukʼ kangea, amge Isorren Hopon dhạrtite hijukʼicʼ do.”

Johan 20:31

Menkhan noako olena jemonpe pạtiạukʼ, Jisu do Mạsi, Isorren Hopon kanae mente, arpe pạtiạukʼte uni hotete jion tahentape.

Johan 6:57

Iń do jiwetʼicʼ Babageye kol akadińạ ar uni iạtege jiwetʼ minạńa. Onkage iń jojomicʼ hõ iń hotete jiwetʼe tahena.

Johan 6:68

Simon Patras do Jisui metadea, “E Probhu Isor, ale do okoe ṭhenle calakʼa? Jaejug jion reakʼ katha ma coṅ am ṭhenge.

Johan 6:69

Alele biswạs akana arle baḍae akada, am do Isorren uni sonoticʼ kanam.”

Aposkạmi 14:15

“E ho gateko, ape do cedakʼ noakope onkayeda? Ạliń hõ coṅ ape leka duk suk jojom manwakange liń. Ạliń do ape ṭhen bhage sombat liń porcareda jemon noa ạuṛiyakʼko khon jiwetʼ Isor secʼpe, ạcurokʼ. Unige serma ar ot ar jalapuri ar onare menakʼ jotowakʼe sirjạu akada.

Aposkạmi 8:36

Ado hortekin calakʼkan tahẽkanre nonkan mitʼṭecʼ jaegarekin hecʼena one okare do dakʼ tahẽkan. Unre uni raj kạmiyạ hoṛ doe menkeda, “Nõkʼõe ńelme, nonḍe do dakʼ menakʼa; ar ińiń bạptis ocokʼre tạkicʼakʼ jãhãnakʼ cetʼ menakʼa?” Unre Philipe menkeda, amakʼ goṭa montem pạtiạu akan khan ma bogege. (Uni hoṛ do roṛ ruạṛketʼteye menkeda pạtiạukʼ kangeạń Jisu Mạsi do Isorren Hopon kanae mente).

Aposkạmi 9:20

Ona tayom uni do bin bilomte eṭakʼ eṭakʼ sunạgogkore noa menkate porcare ehopʼena je, Jisu kangea Isorren Hopon do.

Romiko lạgitʼ Pạul Apostolakʼ ciṭhi 1:4

ar acʼren sonot Jiute uni do maraṅ daṛe salakʼ gocʼko khone jiwetʼ beretʼente Isorren Hopon menteye sodorlena.

2 Korinthiko 1:19

Okoeyakʼ katha Siluạnus, Timothi ar iń do ape ṭhenle porcar akatʼ uni Jisu Mạsi, Isorren Hopon do mitʼ ghuṛire “Hẽ” ar “Baṅ” doe baṅkana;

2 Korinthiko 3:3

Apege Mạsiyakʼ ciṭhi ar aleakʼ kạmiko reakʼ jo kanpe ona do pusṭạutege ńelogokʼ kana. Noa ciṭhi kạlite olakʼ do baṅkana menkhan jiwetʼ Isorren Jiu hotetege olakana. Noa do jãhãn dhiri paṭare baṅ olakana, menkhan manwakoakʼ ontorrege olakana.

2 Korinthiko 6:16

Isorakʼ mundilre boṅga muṭhạnkoakʼ jaega do okare? Aboge coṅ jiwetʼ Isorakʼ tahen oṛakʼkan bon. Sonot sostore meneda, “Iń do ińren hoṛko talareń girobasokʼa, ar onko tulucʼ iń dãṛãna. Iń do onkoren Isorriń hoyokʼa, ar onko do ińren hoṛko hoyokʼa.”

Dosar Biboron 5:26

Manwako modre okoe menaea, abo leka seṅgel tala khon jiwetʼ Isorakʼ aṛaṅ ańjomkate hõ jiwetʼ menaegea mente?

1 Thessalonikikko 1:9

ente cetʼ lekape ataṅ daram akatʼle ona do hoṛkoko baḍae ocoyetʼlea. Onko do arhõko baḍae ocoakatʼlea je, ape do boṅga buruko ṭhen khon ruạṛkate cetʼleka jiwetʼ ar sạri Isor ṭhenpe hecʼakana jemon unipe sewawaete,

1Timothi 4:10

Onate murukte bon mehnoteda arbon lạgiyạ paṛao akana, ente abo do jiwetʼ Isorre bon as akana. Uni do sanam manwakoren babańcaoicʼ kanae, asokaete okoe do unireko pạtiạu akan.

Ibriko 10:31

Jiwetʼ Isorakʼ tire paṛaokʼ do ạḍi botoranakʼ kangea.

Ibriko 12:22

Ape do Sion buru ar jiwetʼ Isorakʼ nagraha ṭhenpe hecʼakana. Ona nagraha do hoyokʼ kana serma reakʼ Jerusalem. Ar hajar hajar serma goḍetkoakʼ rạskạ porob ṭhenpe hecʼakana;

Ibriko 3:12

E boehako, sontor akae tahenpe! Ape modre okoeyakʼ monrehõ bạṛicʼ ar bepạtiạu jemon alo tahen. Nonkan mon do jiwetʼ Isor khon pharakokʼa.

Ibriko 9:14

Menkhan okoe do jaejug sonot Jiu hotete Isor ṭhen acʼtetʼge niphuṭ dãṛẽ lekateye emen uni Jisuakʼ mãyãm do aboakʼ bibekre bin joanakʼ kạmi khon arhõ bạ̃ṛtiye sapha bona, jemon jiwetʼ Isor bon sewa daṛeae.

1 Johan 4:15

Ar jãhãege Jisu do Isorren Hopon kanae menteye aṅgoce, Isor do unireye tahena ar uni hõ Isorreye tahenkana.

1 Johan 5:20

Arhõ bon baḍaea, Isorren Hopone hecʼente bujhạu reakʼ daṛeye emakatʼbona jemon sạri Isor bon baḍae orom daṛeae. Ar okoe doe sạri Isor kan abo do uni tulucʼ bon kolom mitʼ akana, metakʼme uniren Hopon Jisu Mạsi tulucʼ menakʼ bona. Unige sạri Isor ar unige jaejug jion do.

1 Johan 5:5

Okoeko pạtiạukʼkan Jisu do Isorren Hopon kanae mente, eken onkoge dhạrtiko bhagaoa.

Johan sodor 7:2

Ona tayom mitʼṭen serma goḍet do purub secʼ khon rakapʼ hijukʼiń ńelkedea. Uni ṭhen do jiwetʼ Isorakʼ mohor chapakʼ tahẽkana. Ar okoe serma goḍetko do dhạrti ar jalapuri hạ̃n reakʼ ektiạriko emoco akan onko ponea serma goḍetko do ãṭ aṛaṅteye metatʼkoa,