Mathae 15:32 - সান্তালী বাইবেল

³² Inạ tayom Jisu do celako hohoatʼkoteye metatʼkoa, “Noko gadel hoṛkoreń mãyãkʼ kana, ente teheń pe mãhã hoyokʼ kana onko do iń sãote menakʼkoa, ar noko ṭhen jãhãn jomakʼge bạnukʼa. Ar reṅgecʼte bidạkako hõ baṅ sanań kana; ente hoedaṛeakʼa onko do horkoreko lorao botecʼjokʼa.”

Santali Common Language New Testament

³² Inạ tayom Jisu do celako hohoatʼkoteye metatʼkoa, “Noko gadel hoṛkoreń mãyãkʼ kana, ente teheń pe mãhã hoyokʼ kana onko do iń sãote menakʼkoa, ar noko ṭhen jãhãn jomakʼge bạnukʼa. Ar reṅgecʼte bidạkako hõ baṅ sanań kana; ente hoedaṛeakʼa onko do horkoreko lorao botecʼkokʼa.”

Mathae 15:32 Iomraidhean Croise

2 Rapajko 4:42

Bakʼal Salisa khon mitʼṭen hoṛ do Isorren hoṛ lạgitʼ pạhil samṭaoakʼ phosol khon bargel goṭecʼ jao reakʼ piṭhạ ar ona sãote thoṛa thuṛi nãwã phosol hõe ạgu darakeda. Elisaeye menkeda, “Noa do jom lạgitʼ hoṛko hạṭińakome.”

Mathae 12:40

Cetʼ leka Jona do maraṅ okocʼ hakoakʼ lacʼre pe siń ar pe ńindại tahẽkan, onkage Manwa Hopon hõ pe siń ar pe ńindạ ot bhitrireye tahena.

Mathae 14:13

Johanakʼ gujukʼ reakʼ sombate ańjomketʼ khan Jisu do eskarge onḍe khon lạukạte mitʼṭecʼ nisun jaegateye calaoena. Ar gadel hoṛ do onako ańjomketʼ khan eṭakʼ eṭakʼ atoko khon ot otte uniko pańjakedea.

Mathae 15:33

Ado celakoko metadea, “Noa nisun jaegare nunạkʼ hoṛ jom bi ocoko lạgitʼ piṭhạ do okare bon ńamkea?”

Mathae 20:34

Unre Jisu do mãyã hecʼadea ar unkinakʼ mẽtʼe joṭetʼketʼtạkina, ar unrege unkin do ńeńelkin ehopʼena, ar unikin pańjakedea.

Mathae 27:63

“Hujur, disạkedale, uni bulạuicʼ do jiwetʼ tahẽkanreye menleda, ‘pe mãhã khangeń jiwetʼ ruạṛokʼa.’

Mathae 9:36

Uni do gadel hoṛe ńelketʼko khan mãyã hecʼadea, ente onko do gupiyicʼ begor bhiḍi leka laṅga arko asokʼ ṭayokʼ akan tahẽkana.

Mark 9:22

Bạṛicʼ jiu do goje lạgitʼte jaoge seṅgelre ar dakʼreye giḍi akadea. Ado jãhãnakʼem daṛeakʼ khan dayakate onkaeme.”

Luk 7:13

Probhu Jisu do uni rạnḍi maejiu ńelte mãyã hecʼadeteye metadea, “Alom raga.”

Aposkạmi 27:33

Ado ạuri marsalokʼre Pạul do sanamko thoṛa jom lạgitʼ nehõratʼkoteye metatʼkoa, “Teheń gelpon din hoyokʼkana, ar cetʼ hoyokʼa baṅ hoyokʼa ona reakʼ bhabnate upạsge menakʼpea ar cetʼge bape jom akada.

Ibriko 4:15

Aboren maraṅ naeke do nonkanicʼ doe baṅkana one okoe aboakʼ ńijortetʼre abo tulucʼ duk bae ńam, ente abo leka uni hõ joto secʼ khonge kại reakʼ biḍạu samaṅreye teṅgolena menkhan bae kạileda.