Mathae 15:19 - সান্তালী বাইবেল

¹⁹ Ente ontor khonge bạṛicʼ cintạ, khũn, laṭghaṭ, kombṛo, eṛe goha, ar opomanko do oḍok hijukʼa.

Santali Common Language New Testament

¹⁹ Ente ontor khonge bạṛicʼ cintạ, khũn, laṭghaṭ, kombṛo, eṛe goha, ar opomanko do oḍok hijukʼa.

Mathae 15:19 Iomraidhean Croise

Genesis 6:5

Probhu Isor do dhạrtiren manwakoakʼ dusṭạmi ḍher idikʼkantako, ar ontor reakʼ hudis bundisko bạṛicʼgetako onakoe ńelkeda.

Genesis 8:21

Probhu Isor do ona dãṛẽ reakʼ jut so iạteye kusiyena ar mon monteye menkeda, “Manwa iạte ar tishõ ot do ar bạń sarapakʼa, ente cetʼleka sanam jiwiyankoń marao cabaketʼko onka do ar tishõ bạń onkaea.

Sereńko 119:113

Bar monan hoṛko do bạń kusiyakoa, menkhan amakʼ hukum doń dulạṛeda.

Kạhtukko 22:15

Gidrạ do sobhabtegeko bebujgea, menkhan ḍanṭao ṭheṅga do uni khon onae laga pharaka.

Kạhtukko 24:9

Khaṭo bujan hoṛakʼ soṛojontro do kại kana; ar landa dhutʼicʼ do hoṛkoko hirkhạwaea.

Kạhtukko 4:23

Jotowakʼ khon amakʼ ontorge pahra dohoyme, ente ontor khonge amakʼ jion reakʼ jotowakʼ do oḍokʼ hijukʼa.

Kạhtukko 6:14

mon reakʼ phẽpṛa iạte sanam ghạṛicʼ bạṛicʼakʼ phundiye aṭaoa uni do reṭepeṭe reakʼ itạgeye er idiyeda.

Jesaea 55:7

Bedhorom hoṛ do acʼakʼ hore bạgiyakʼma ar dusṭạmi hoṛ do acʼakʼ sanam hudisakʼkoe bạgiyakʼma. Uni do Probhu Isor secʼe ạcur ruạṛokʼma, inạkhan uni cetanre Probhu Isor doe mãyãkʼa; aboren Isor secʼgeye ruạṛ ma, ente uni do asambheṛe ikạitaea.

Jesaea 59:7

Onkoakʼ jaṅga do kại secʼge ńir calakʼtakoa; onko do bindusạnkoakʼ mãyãm joro ocoytako lạgitʼko usạrayeda. Onkoakʼ joto hudiskoge bạricʼgetakoa; onkoakʼ horre do jarkhar ar harkhetge menakʼa.

Jirimiạ 17:9

“Mon do sanamakʼ khon ṭhokgea, ona do oka lekate hõ baṅ bogekʼa. Manwa ontor do okoe hõ bae bujhạu daṛeakʼa.

Jirimiạ 4:14

E Jerusalem, amakʼ ontor reakʼ bạṛicʼakʼko ạrupʼ saphaeme jemon bańcaoem ńam. Ar mon reakʼ bạṛicʼ hudisko hõ ar tinạkʼ dinem dohokakʼa?

Numeri 22:29

Biliam do gadha eṅgae roṛ ruạṛadea, “Am do bokam ńam akadińạ. Ińakʼ tire tarwaṛe tahẽlen khan enḍekhan ńitge amiń samakʼ gocʼkema.”

Mathae 15:20

Ar noakotege hoṛ doe bhõnḍokʼa, menkhan ti begor ạbukte jom lekhan manwa do bae bhõnḍokʼa.”

Mathae 5:28

Menkhan ińiń metapekana, jãhãe hoṛ bạṛicʼ sanate maejiue beṅgetʼae uni do unrege acʼakʼ ontorre uni tulucʼe laṭghaṭeda.”

Mathae 9:4

Jisu do onkoakʼ mon reakʼ hudisakʼkoe baḍaeketʼ khane metatʼkoa, “Mone monte bạṛicʼakʼ do cedakʼpe hudiseda?

Aposkạmi 8:22

Amakʼ dusṭami khon mon ạcurtam ar Probhu Isor ṭhen koejoṅme; enḍekhan amakʼ mon reakʼ noa bạṛicʼ hudis pasere pase uni doe ikạiytam.

Romiko lạgitʼ Pạul Apostolakʼ ciṭhi 7:18

Ińiń baḍaea ińre, metakʼme ińakʼ jel reakʼ sanare bhage mente do cetʼge bạnukʼa. Ar okaṭakʼ sạrige bhageakʼ kan ona kạmi reakʼ sana do menakʼgea menkhan daṛe do bạnukʼtińa.