Mathae 12:7 - সান্তালী বাইবেল

⁷ ‘Iń do mãyãgeń kusiyakʼ kana, dãṛẽ do baṅ’ sostor reakʼ noa kathape baḍaele khan begor dusi hoṛ do ohope dusilekoa.

Santali Common Language New Testament

⁷ ‘Iń do mãyãgeń kusiyakʼ kana, dãṛẽ do baṅ’ sostor reakʼ noa kathape baḍaele khan honaṅ begor dos akatʼ hoṛ do ohope doslekoa.

Mathae 12:7 Iomraidhean Croise

Jobakʼ 32:3

Uni do onko pene gateko cetanre hõ ạḍiye edreyena, ente onko do Jobakʼ katha reakʼ roṛ ruạṛ bako emdaṛeakʼ kan tahẽkanre hõ uniko dusiyede tahẽkana.

Sereńko 109:31

ente uni do reṅgecʼ orecʼko aṛereye tahena, jemon behok reakʼ bicạr khon onkoakʼ jiwiye rukhiyạitako.

Sereńko 94:21

Onko do dhorom hoṛko upạrte dolko pakaoa ar dhoromko gujukʼ sạjại emako lạgitʼko dusikoa.

Kạhtukko 17:15

Bạṛicʼicʼ dhorom metae hoṛ ar dhoromicʼ bạṛicʼ metae hoṛ, Probhu Isor do unkin banargeye hirkhawạkin kana.

Hosea 6:6

Iń do pạtiạrgeń khojkana dãṛẽ do baṅ; jeredokʼ samaṅokʼakʼ khon Isorge jemon mońjteko baḍaeye onageń khojkana.

Mathae 22:29

Jisui roṛ ruạṛatʼkoa, “Bhuletʼ kanape, ente ape do sostor hõ bape baḍaea, ar Isorakʼ daṛe reaṅ hõ bape baḍaekana.

Mathae 9:13

Iń do mãyãgeń kusiyakʼ kana, dãṛẽ do baṅ, sonot sostorre noa katha reakʼ mane cetʼkana mente ona baṛe ḍunḍhạukate ńelpe. Ente dhorom hoṛ hohoako lạgitʼ do baṅ, menkhan kại hoṛko lạgitʼgeń hecʼakana.”

Mark 12:33

Ar goṭa ontorte, goṭa bujte ar goṭa daṛete uni dulạṛe ar am aḍepaseren hoṛ apnar leka dulạṛko do janwar ar eṭakʼ joto lekan dãṛẽko khon hõ sorosgea.”

Aposkạmi 13:27

Jerusalemren hoṛko ar onkoren mukhiyạko do Jisu bako oromledea. Noa chaḍa nạbikoakʼ okaṭakʼ katha jirạukʼ mãhãre jaoge paṛhao idikʼkan tahẽkan, ona katha hõ onko do bako bujhạu daṛeada; onate Jisuko dusikedete ona kathako purạukeda.

Jakob 5:6

Ape do dhorom hoṛkope dusi akatʼkoa arpe gocʼ akatʼkoa, ar onko do bako tạkicʼ daramletʼpea.

Josuạ 5:5

Ar sanamkogeko khatna ocolen tahẽkana; menkhan Misor khon oḍok hecʼen tayom horre ar hahaṅkarre okoekoakʼ janam hoylen onko do okoehõ bako khatna ocoakan tahẽkana.

1 Samuel 15:22

Unre Sạmuele menkeda, “Probhu Isorakʼ hukumpe batao lekhan uni tinạkʼe kusikʼ, unạkʼ do jeredokʼakʼ samaṅokʼakʼ ar janwar samaṅokʼakʼte bae kusikʼa. Janwar samaṅokʼakʼ khon uniyakʼ hukum manao ar bheḍawakʼ itil khon uniyakʼ katha bataotaege ḍher bhagea.