Mathae 12:32 - সান্তালী বাইবেল

³² Manwa Hopon upạrte jãhãege jãhãnakʼe roṛ ona do ikạkʼtaea, menkhan sonot Jiu upạrte kathae roṛlekhan baṅ ikạkʼtaea, niạ jugre hõ baṅ ar darakan jugre hõ baṅ.

Santali Common Language New Testament

³² Manwa Hopon birudre jãhãege jãhãnakʼe roṛ ona do ikạkʼtaea, menkhan sonot Jiu birudre kathae roṛlekhan baṅ ikạkʼtaea, niạ jugre hõ baṅ ar darakan jugre hõ baṅ.

Mathae 12:32 Iomraidhean Croise

Jobakʼ 36:13

“Isor baṅ botorae hoṛ do raṅgaoko dohoyeda; uniye tolleko khan hõ goṛo ńam lạgitʼ do bako guhera.

Mathae 11:19

Ar Manwa Hopon do hecʼkateye jom-ńũiyetʼte hoṛkoko meneda, ‘hạni ńelepe, mitʼṭen lebṛa ar darkha rasa hoṅgoricʼ, mạsul uṭhạuko ar bạṛicʼ hoṛkoren gate.’ Menkhan ạkil je khạṭige ona reakʼ porman do acʼakʼ kạmikorege menakʼa.”

Mathae 12:31

Noa iạtegeń metapekana, manwakoakʼ joto lekan kại ar Isor upạrte opoman katha do ikạkʼtaea, menkhan sonot Jiu upạrte opoman katha do tishõ baṅ ikạkʼtakoa.

Mathae 12:8

Baḍaekakʼpe, Manwa Hopon kangeae jirạukʼ mãhãren mạlik do.

Mathae 13:22

Jạnum jhạuạre eren itạ reakʼte do nonkanko lạgitʼge roṛ akana okoe do ona kathako ańjomketʼ, menkhan gharońj reakʼ dạndi ar dhon reakʼ mãyãte ona katha doko ten dohokakʼ kana. Onate onkore jãhãn jo do baṅ hoyokʼ kana.

Mathae 13:39

Okoe bạiri onae er oṭoletʼ uni doe Soetan kana, ar phosol samṭao okte do jug reakʼ mucạtʼ kana, ar phosol samṭaoko do sermaren goḍetko kanako.

Mathae 13:40

Sama ghãs jarwakate cetʼ leka seṅgelre atar giḍikʼ, onkage jug reakʼ mucạtʼre hõ hoyokʼa. Manwa Hopon do acʼren serma goḍetkoe kolkoa.

Mathae 13:55

Nui do cetʼ kaṭmistiriren hopon doe baṅkana? Uniren eṅgat do cetʼ Mạriạm doe baṅkana? Ar uniren boehako do cetʼ Jakob, Joseph, Simon ar Jihudạ, doko baṅkana?

Mathae 8:20

Jisu do uniye metadea, “Toyoko do bhugạkʼ menakʼtakoa ar cẽṛẽkoakʼ hõ tukạ menakʼa, menkhan Manwa Hopon do bohokʼ dohoytae lạgitʼ jaega hõ bạnukʼtaea.”

Mark 10:30

uni do niạ purire mitʼ sae doboṛ ḍher oṛakʼ-duạr, boeha-misera, eṅgat-apat, gidrạko ar ot-baṛgekoe ńama ar ona são sãote uni doe santao ocokʼa; ar hana purire do jaejug jione ạidạri joṅa.

Mark 3:28

Sạrigeń metapekana, manwakoakʼ sanam kại ar Isor upạrte henosta katha do ikạkʼtaea,

Mark 3:29

menkhan sonot Jiu upạrte henosta katha do tisge baṅ ikạkʼtaea. Uni hoṛakʼ kại do jaejug hạbicʼ tahentaea.”

Luk 12:10

Manwa Hopon upạrte jãhãege jãhãnakʼe roṛ uni do ikạkʼtaea, menkhan sonot Jiu upạrte jãhãege henosta kathae roṛ uni do baṅ ikạkʼtaea.

Luk 16:8

Ado uni gutiye bedhoromgere hõ bud salakʼe kạmiketʼte kisạ̃ṛ do uniye sarhaokedea. Noate bujhạukʼ kana, noa puriren hoponko do ako bidạlrenko talare marsalren hoponko khon hõ bạ̃ṛtiko budangea.

Luk 18:30

onko mimitʼko do noa piṛhire hõ ḍherko ńama ar darakan piṛhirehõ jaejug jionko hameṭ joṅa.”

Luk 23:34

Unre Jisui menkeda, “E baba, ikạkakome, ente bako baḍaea cetʼko cekayeda mente.” Onko do gulibãṭkate Jisuakʼ kicricʼko hạṭińana.

Luk 7:34

Ar Manwa Hopon do hecʼkateye jom ńũiyetʼtepe meneda, ‘ńelepe, uni do lebṛa ar ńu bhuteṛicʼ, mạsul uṭhạuko ar boṅgan hoṛkoren gate kanae.’

Johan 7:12

Ar hoṛko hõ bhiṛ talare Jisu reaṅko phasar phusuretʼ tahẽkana. Adomko doko menkeda, “Uni do bhage hoṛ kanae.” Arhõ adomko doko menkeda, “Baṅ, uni do hoṛkoe bulạuetʼkoa.”

Johan 7:39

Noa do uni Jiu reaṅe roṛkeda, one okoe acʼre pạtiạukʼte sonot Jiuko ńame. Unre sonot Jiu do bae emakan tahẽkana, ente unhạbicʼ Jisu hõ bae ṭhonok ocoakan tahẽkana.

Johan 7:52

Phạrusiko do Nikodemusko roṛ ruạṛadea, “Am hõ cetʼ Gạlilren hoṛ kanam? Sonot sostor ḍunḍhạukate ńelme, Gạlilre jãhãe nạbi janamokʼ reakʼ katha do bạnukʼa.”

Aposkạmi 3:19

Onate kại khon mon ạcurtape ar Isor secʼ ruạṛokʼpe jemon apeakʼ kạiko meṭaokʼtape;

Ephesiko lạgitʼ Pạul Apostolakʼ ciṭhi 1:21

Uni do serma reakʼakʼ sanam lekan ektiạri, daṛe ar mạlikiko Mạsi gobolreye dohokeda. Ar mitʼke mitʼ ńutum cetanre baṅ do nahakʼ jugre baṅ do darakan jugre, ona sanam cetanre Mạsiyakʼ ńutume dohokeda.

1Timothi 1:13

Lahate Mạsiyiń opomane kan ar khekhedicʼ ar ṭhok hoṛiń tahẽkanre hõ uni do noa kạmireye bahalkedińa. Uni do ińe daya akawạdińa, ente bepạtiạu ar bin baḍaete onakoń kạmikan tahẽkana.

1Timothi 1:15

Noa katha do sạrikana ar purạ puri ataṅ reakʼ hõ lek kana je, kại hoṛ bańcaoko lạgitʼge Jisu Mạsi do noa dhạrtiteye hecʼlena. Ar onko kạkạiko modre iń kangeạń maraṅ kạiyan hoṛ do.

1Timothi 4:8

Hoṛmo bhańjaore porho do ńamokʼgea, menkhan Isor bhokti do joto secʼ khon porhowanakʼ kana; onare do nahakʼ reakʼ ar darakan jion reakʼ as menakʼa.

1Timothi 6:17

Noa puriren kisạ̃ṛko hukumakome jemon onko do aloko usul monokʼ ar nasaokʼ dhonre aloko bhorsakʼ, menkhan Isorrege bhorsa akaeko tahenma. Unige mạṅgnite jotowakʼe kulạu anṭao abon kana rạskạte beoharjoṅ lạgitʼ.

2Timothi 4:10

ente Demas do nonḍenakʼ dhạrtiye dulạṛetʼkante iń bạgikate Thessalonikiteye calaoena. Ona chaḍa Kreskes do Galatiạteye calaoena ar Titus do Dalmatiạte;

Titus lạgitʼ Pạul Apostolakʼ ciṭhi 2:12

Noa dayage aboye cetʼabon kana jemon Isor bebhokti ar dhạrti reakʼ lalocko bon baṅakʼte nahakʼ jugre apnar bon sambṛaokʼte Isor bhokti salakʼ dhorom jion bon khemao,

Jakob 1:27

Rạnḍi maejiu ar tũạr amarko dukokʼ jokhecʼ hiriko ar dhạrti reakʼ joto lekan bạṛicʼakʼ khon apnartetʼ sahaṛ akae tahenge hoyokʼkana Isorakʼ mẽtʼre sạri dhorom ar khạṭitetʼ.