Mathae 12:2 - সান্তালী বাইবেল

² Ona ńelte Phạrusiko do Jisuko metadea, “Ńelme, dhorom reakʼ niạm lekate jirạukʼ mãhãre okaṭakʼ lek baṅkan amren celako do onageko kạmikana.”

Santali Common Language New Testament

² Ona ńelte Phạrusiko do Jisuko metadea, “Ńelme, dhorom reakʼ niạm lekate jirạukʼ mãhãre okaṭakʼ lek baṅkan amren celako do onageko kạmiyeda.”

Mathae 12:2 Iomraidhean Croise

Exodus 23:12

“Haptare turui din khaṭaokʼpe menkhan eae mãhã hilokʼ do cetʼge alope kạmiya. Onate aperen ḍaṅgra ar gadha do jirạuko ńama ar apeakʼ oṛakʼreko janam akan guti-kạ̃ṛmĩko ar eṭakʼ jạtren hoṛko hõ khaṭaokʼ khon rehayko ńama.

Exodus 35:2

Hapta reakʼ turui dinpe khaṭaokʼa menkhan eaeakʼ din do ape lạgitʼ mitʼṭecʼ begarakʼ din hoyokʼa, Probhu Isor ńutumte jirạukʼ dinge. Enhilokʼ okoeye kạmi uni doe gocʼ ocokʼa.

Jesaea 58:13

“Jirạukʼ mãhãpe manao ar ińakʼ sonot dinre apnar tirpitokʼ lạgitʼ bape kạmi; menkhan jirạukʼ mãhã do hạ̃sakʼ ar Probhu Isorakʼ din do manotanakʼ mentepe bujhạu, ar apnar kusileka sen baṅkate ona dinpe sonot ar apeakʼ kusileka bape kạmi se bạṛicʼ kathako bape roṛ,

Mathae 12:10

Onḍe do mitʼṭen hoṛe tahẽkana one okoe do mitʼ ti borocʼge tahẽkantae. Phạrusiko do uniko kulikedea, “Dhorom reakʼ niạm lekate jirạukʼ mãhãre jãhãe bogeye do ganokʼgea?”

Mathae 12:3

Jisui metatʼkoa, “Dạud ar uniren soṅgetenko tinre reṅgecʼletʼkoa unre onko cetʼko cekaleda mente ona do cetʼ bape paṛhao akada? Uni ma Isorakʼ oṛakʼre bolokate samaṅ akatʼ reakʼ piṭhạ coṅe jomletʼ.

Mark 2:24

Ona ńelte Phạrusiko do Jisuko metadea, “Dhorom reakʼ niạm lekate jirạukʼ mãhãre oka baṅ ganokʼ ona do cedakʼko kạmikana?”

Luk 14:3

Jisu do sostor baḍaeko ar Phạrusikoe kuliketʼkoa, “Moseyakʼ ạn lekate jirạukʼ mãhãre jãhãe bogeko do cetʼ ganokʼgea?”

Luk 23:56

Ona tayom ruạṛ senkate uniyakʼ hoṛmore lạgitʼ mahkaokʼ sunum ar mosolako tearkeda. Ar ona tayom do Moseyakʼ hukum leka jirạukʼmãhã hilokʼ doko jirạuena.

Luk 6:2

Unre adom Phạrusikoko menkeda, “Dhorom reakʼ ạn lekate jirạukʼ mãhãre baṅ ganoakʼ do cedakʼpe onkayeda?