Mathae 11:28 - সান্তালী বাইবেল

²⁸ “Ape okoe do laṅga ar bojhatepe ten akan, dela iń ṭhen hijukʼpe, ińgeń jirạu ocopea.

Santali Common Language New Testament

²⁸ “Ape okoe do laṅga ar bojhatepe ten akan, dela iń ṭhen hijukʼpe, ińgeń jirạu ocopea.

Mathae 11:28 Iomraidhean Croise

Jobakʼ 14:1

Maejiuakʼ kukhireye janam akan manwa do thoṛa din lạgitʼ kanae, uni do jalateye perecʼgea.

Jobakʼ 5:7

Cetʼleka seṅgel do coṭ secʼ pạsirokʼ, onkage duk jom lạgitʼ manwa doe janamokʼ kana.

Sereńko 116:7

E ińakʼ jiwi, arhõ khạtirokʼme, ente Probhu Isor do ḍhergeye bhạlại akatʼmea.

Sereńko 32:4

ente siń ar ńindạ amakʼ ti do unre iń cetanre hamalge tahẽkana; ar setoṅ din reakʼ dãk leka ińakʼ hoṛmo reakʼ daṛe hõ komae idikʼkan tahẽkana. (Sela)

Sereńko 38:4

Ińakʼ bedhoromre iń doń unum akana; ona do nonkan bojha leka hoyakana ar bạń gokʼ daṛeakʼ kana.

Sereńko 94:13

Uni do muhin hilokʼre dile ńama, one bedhoromko lạgitʼ ghaḍlakʼ ạuri tear sạtokʼ hạbicʼ.

Sosolhayic̕ 1:14

Siń cando latarre jãhãnakʼge cekae hoyokʼ ona jotogeń ńelkeda; ariń ńelkeda jotowakʼge ạuṛiyakʼgea, eken hoe tayomte ńir calakʼkan chaḍa ar cetʼge baṅkana.

Sosolhayic̕ 1:8

Jotowakʼge ạcur ạcurte hijukʼa ar nijorokʼ kana; onako manwa do bae lại caba daṛeakʼa. Mẽtʼ do ńeńelte bae tirpidokʼa, ar lutur hõ ańjomte baṅge perejokʼa.

Sosolhayic̕ 4:8

Mitʼṭen hoṛ doe eskargea-uniren do gidrạ hõ bạnukʼkotaea; ar boeha hõ bạnukʼkotaea; enhõ uniyakʼ khaṭaokʼ reakʼ ses do bạnukʼtaea ar dhon duribte hõ mẽtʼ do baṅ tirpitokʼ kantaea. Uni doe kuliyana, “Okoe lạgitʼ iń khaṭaokʼ kana? Ar hesecʼ sekrecʼjokʼ khon do cedakʼ iń pharak akana?” Niạ do ạuṛiyakʼgea, ar haron bạḍkana.

Jesaea 1:4

Hae! Onko do kạite perecʼ mitʼṭen jạtrenkoge, dusi reakʼ bojhate perecʼ hoṛge, behoketʼren bõskoge, bạṛicʼakʼ kạmiyetʼkan hoponkoge. Onko do Probhu Isorko bạgi giḍi akadaea ar Israelren uni sonoticʼko nihạ̃t akadea arko dea giḍi akadea.

Jesaea 11:10

Enhilokʼ Jesaea reakʼ kahle do sanam jạtrenko lạgitʼ mitʼṭecʼ jhạnḍi lekae teṅgona; ar sanam jạtrenko do uni ṭhenko jarwakʼa ar uniyakʼ ṭhạ̃i do ṭhonokanakʼ hoyokʼtaea.

Jesaea 28:12

Uni do onkoe metatʼko tahẽkana, “Niạ kangea ona jirạukʼ jaega do, laṅga akan hoṛ do nonḍegeko jirạu joṅma. Ńelpe, ona kangea aosan jaega do.” Menkhan onko do ona bako ańjomleda.

Jesaea 61:3

jemon Sionre okoeko hirdạukʼkan onkoakʼ bohokʼre torocʼ bodolte abhraniń emako; hirdạukʼkan bodolte rạskạ reakʼ sunum ar as chuṭạukʼ akan bodolte sarhaoe reakʼ kicricʼ iń em daṛeako. Onko do dhorom reakʼ elon dareko ńumogokʼa; Probhu Isorge ona doe rohoe akada jemon onko hotete acʼakʼ mạhima sodorokʼtae.

Jesaea 66:2

Niạko sanamakʼ do ińakʼ titeń benao akada ar onatege niạko do hoyakana. Okoe doe nindhạnge, okoeyakʼ ontor do talga tạuạkʼ akantae ar okoe ińe botorạń iń do unigeń beṅgetʼaea.

Jirimiạ 31:25

Iń do laṅga akankoń cerṭha ocokoa ar nacarkoakʼ ontor doń daṛe ocoytakoa.”

Jirimiạ 35:16

Rekabiạren hopon Jonadabren bõsko do akoren hapṛamkoakʼ emakʼ hukumko batao ạguyetʼkana, menkhan ape do ińakʼ katha bape ańjomletʼtińạ.

Jirimiạ 6:16

Probhu Isor do acʼren hoṛko nonkae metakokana, “Dobạṭiạkore teṅgokate ńelpe ar sedae jug reakʼ suṛucʼ horko kulijoṅpe; bhage hor do okare menakʼa mente ar ona horte calakʼpe. Onate ape do apan ạpin jiwi lạgitʼ jirạupe ńama. Menkhan apepe meneda, ‘ale do ona horte bale taṛama.’

Mathae 11:29

Ińakʼ arãṛ gogpe ar iń ṭhen khon cetʼ joṅpe, ente iń do mạ̃hir ariń nindhạngea.

Mathae 23:4

Onko do hamal hamal bojha tolkate hoṛkoakʼ tarenreko ladea, menkhan ako do kạtupʼte hõ bako laṛao legaea.

Johan 6:37

Baba okoekoe emawạń onko jotoge iń ṭhenko hijukʼa. Okoe iń ṭhene hijukʼ uni do oka lekate hõ ohoń oḍok giḍilea,

Johan 7:37

Ado porob reakʼ mucạtʼ din do mitʼṭecʼ asol din tahẽkana. Enhilokʼ Jisu doe teṅgoyente ãṭ aṛaṅteye menkeda, “Jãhãe hoṛ tetaṅede khan uni do iń ṭhene hijukʼma ar dakʼe ńũ idijoṅma.

Aposkạmi 15:10

Enḍekhan aboren hapṛamko se abo okaṭakʼ bojha babon gokʼ daṛe akatʼ ona bojha pạtiạu akan boṅgan hoṛ jạtrenkoakʼ tarenre gokʼakote cedakʼ ape do Isor biḍạue lạgitʼpe kurumuṭukana?

Aposkạmi 20:35

Iń okań ceka akatʼ ona sanamakʼge ape koń udukʼakatʼpea je, nonkan kajak khaṭao hotete nijorko goṛowako do lek kana ar Probhu Jisuakʼ noa katha jemon disạ dohokʼ baṅma, ‘hatao khon emokʼrege bickom ḍher bhor do ńamokʼa.’ ”

Galathiko lạgitʼ Pạul Apostolakʼ ciṭhi 5:1

Mạsi do aboe sạdhinketʼ bona jemon sạdhin bon tahẽdaṛeakʼ. Onate teṅgo keṭecʼ akan tahenpe, jemon okoe hõ golam ar aloko benao daṛeape.

2 Thessalonikiko 1:7

ar ape okoe dukpe ńametʼ uni do ale sãoteye aosanpea. Probhu Jisu do tinre acʼren daṛean serma goḍetko sãote jolokʼkan seṅgelre serma khone sodorokʼa unrege noako do hoyokʼa. Okoe Isor bako baḍae akade ar Probhu Jisu reaṅ bhage sombat reakʼ katha bako bataoetʼkan unre uni do onkoe sạjạikoa.

Ibriko 4:1

Isorakʼ jirạu joṅ jaegate bolokʼ reakʼ oka gokʼakʼ tahẽkan ona gokʼakʼ do ńit hõ abo lạgitʼ menakʼgea. Onate abo do sontorakae tahen jạruṛ tabona, jemon okoe hõ ona gokʼakʼ reakʼ bhor khon bin lek mente aloe ńamokʼ.

Johan sodor 22:17

Sonot Jiu ar bạhu kuṛi dokin meneda, “Dela hijukʼme,” Ar okoe noa kathae ańjometʼ uni hõe menma, “Dela hijukʼme.” Okoe tetaṅede kan uni doe hijukʼma ar okoe dakʼ ńũi menetʼkan uni do begor damte jion dakʼe ńũ idi joṅma.