Mathae 11:21 - সান্তালী বাইবেল

²¹ “Hae amre, E Khorashin, hae amre E Bethsaeda! Aben talare oka hahaṛa kạmiko hoyakan, ona do Tur ar Sidon reakʼ nagrahare hoylen khan ḍher din laharege onko do gõṛẽ kicricʼ horokʼkate ar torocʼre duṛupʼkate kại khon monko ạcurketakoa.

Santali Common Language New Testament

²¹ “Hae amre, E Khorashin, hae amre E Bethsaeda! Aben talare oka hahaṛa kạmiko hoeakan, ona do Tur ar Sidon reakʼ nagrahare hoelen khan ḍher din laharege onko do gõṛẽ kicricʼ horokʼkate ar torocʼre duṛupʼkate kại khon monko ạcurketakoa.

Mathae 11:21 Iomraidhean Croise

Jobakʼ 42:6

Onate okań men akatʼ ona do ńitokʼ iń chibaṅakʼ kana, ar dhuṛi ar torocʼre duṛupʼ kateń kastaokʼ kana.”

Jirimiạ 13:27

Iń do amakʼ laṭghaṭ, hinhạukʼ ar nilạjiạ loṭghuṭgeń ńelakada; ṭạnḍi ar buru boṭkocʼre amakʼ hirkhạwakʼ kạmiko hõń ńelakada. Amre do hae hae E Jerusalem! Ar tinạkʼ din besapha akan dom tahena?”

Joel 3:4

“Ńitokʼ do E Tur, Sidon ar Philisṭi reakʼ sanam ṭoṭhako, iń sãote apeakʼ do cetʼ? Ape do cetʼ iń cetanrepe hala hạkʼli kana? Iń cetanre hala hạlipe menetʼ khan ape okape cekae iń hõ apeakʼ bohokʼre usạrate onań paṛao ocoya.

Amos 1:9

Probhu Isore meneda, “Tur reakʼ pea ghạṭ iạte, hẽ, ponea ghạṭ iạte iń do khạṭige onkoń sạjạikoa, ente boeha tulucʼ boehawakʼ bondobos nihạ̃t giḍikate onko do adom atoren sanam hoṛ bondikate Edomakʼ tireko jimạ akatʼkoa.

Mathae 11:22

Sạrigeń metaben kana, bicạr dinre abenakʼ khon Tur ar Sidon reakʼge boroṅ sahaokʼa.

Mathae 15:21

Ado Jisu ona jaegae bạgiyatʼte Tur ar Sidon elakateye calaoena.

Mathae 18:7

Hae hae! Kại horte idiko lạgitʼ tinạkʼ uskạu baṅ amre menakʼ! Ente uskạu do hijukʼgea; enhõ hae uni hoṛ do, one okoe hotete ona uskạuko hijukʼkan!

Mathae 26:24

Manwa Hopon reaṅ sonot sostorre okaleka olakan onkage uni doe gujukʼa, menkhan uni hoṛre do hae hae, okoe bạirikoakʼ tire Manwa Hopone soprot ocoye! Uni do aloe janamlen khange honaṅ boge hoykokʼtaea.”

Mark 3:8

Jisu okakoe kạmi akatʼ ona reakʼ katha ańjomkate Jihudạ, Jerusalem, Edom, Jordan gaḍa hanasaren, Tur ar Sidon nagraha beṛhae secʼren gadel hoṛko do uni ṭhenko hecʼena.

Mark 6:45

Ona tayom Jisu do celako usạrae lạgitʼe metatʼkoa, jemon onko do lạukạre decʼkate doreão hanasako paromokʼte Bethsaeda atoteko calao hataṛokʼ, ar acʼ do gadel hoṛ bidạkoe ehopʼena.

Mark 7:24

Inạ tayom Jisu do ona jaega bạgikate Tur ar Sidon elakateye calaoena. Uni do mitʼṭecʼ oṛakʼteye boloyena ar okoe hõ aloko baḍaeyea menteye menwana, menkhan bae oko tahẽ daṛeada.

Mark 7:31

Noa tayom Jisu do Tur elakae bạgi oṭowatʼte Sidon nagraha talate Gạlil doreão sor Dekapoli elaka reakʼ atokoteye calaoena.

Mark 8:22

Jisu ar acʼren celako do Bethsaeda atoteko calaoena. Ar onḍe do mitʼṭen kãṛã hoṛ Jisu ṭhenko ạgukedea ar joṭedea menteko nehõradea.

Luk 4:26

Menkhan onko okoe ṭhen hõ Eliạ do bae kol ocolena, eken Sidon ṭoṭha reakʼ Sareptaren rạnḍi maejiu ṭhengeye kol ocolena.

Luk 6:17

Ado acʼren celako sãote buru khon pheḍkate mitʼṭecʼ soman jaegareye teṅgoyena. Onḍe do acʼren ạḍi utạr celakoko jarwa akan tahẽkana. Ona chaḍa Jihudiạ, Jerusalem, Tur ar Sidonko metakʼ doreão aṛeteakʼ nagrahako khon ạḍi utạr hoṛ do onḍeko hecʼakan tahẽkana.

Luk 9:10

Ado oneye kolletʼko celakoko ruạṛ hecʼen khan cetʼ cetʼko kạmiketʼ ona joto do Jisuko lạiyadea. Unre Jisu doe soṅgeketʼkote Bethsaeda sor mitʼṭecʼ nisun jaegateye senena.

Johan 1:44

Philip do Bethsaeda atoren hoṛe tahẽkana, Andreas ar Patras hõ ona atorengekin tahẽkana.

Johan 12:21

Onko do Philip ṭhen hecʼkate nehõradeteko metadea, “E baba ale do Jisule ńelea.” Philip do Gạlil reakʼ Bethsaeda atoren hoṛe tahẽkana.

Aposkạmi 12:20

Ona oktere Herod do Tur ar Sidon nagraharen hoṛko cetanre ạḍiye edreyena. Unre onḍenko hoṛ do riạu mitʼkate Herod sãote ńapamokʼ lạgitʼko calaoena. Ar Blastos ńutuman rajakʼ giticʼ oṛakʼren kạmiạyicʼko rạmjạukedete onko do raj sãote sulukokʼ reakʼko koekeda, ente Herod rajakʼ disạm khonge ako lạgitʼ jomakʼ do hijukʼ kan tahẽkana.

Aposkạmi 27:3

Dosar hilokʼ aleakʼ jahaj do Sidonrele teṅgokeda. Julius do Pạul sãote ạḍi mońje beoharkeda ar cerṭhakʼ lạgitʼ uniren gateko ṭhene sen ocoadea jemon acʼren gateko jạruṛokʼakʼ jiniskoko emdaṛeae.

Jihudạwakʼ ciṭhi 1:11

Hae onko hoṛ do! Onko do Kạin reakʼ horteko calao akana, ar lab lạgitʼ Biliamakʼ bulạureko khadle akana ar Koraho reakʼ ṭhokteko nosṭoyena.

Johan sodor 11:3

Menkhan ińren banar gohakin nonkan ektiạriń emakinạ onate unkin do gõṛẽ kicricʼ horokʼkate mitʼ hajar bar sae turui gel din hạbicʼ kin nạbiya.”

Johan sodor 6:12

Ona tayom iń ńelkeda, uni do turuiyakʼ mohor chape raṛaketʼ khan ạḍi ãṭ dhạrti laṛaoena. Siń cando do ekalteye hende cabayena ar ńindạ cando do mãyãm lekae arakʼena.