Mathae 10:41 - সান্তালী বাইবেল

⁴¹ Mitʼṭen nạbi jãhãege nạbi menteye ataṅe, enḍekhan nạbi okaṭakʼ kuṛạiye ńam, uni hõ ona kuṛạigeye ńama. Isor sewawae hoṛ jãhãege Isor sewawae hoṛ menteye ataṅe enḍekhan Isor sewawae hoṛ oka kuṛạiye ńam, uni hõ ona kuṛạigeye ńama.

Santali Common Language New Testament

⁴¹ Mitʼṭen nạbi jãhãege nạbi menteye ataṅe, enḍekhan nạbi okaṭakʼ kuṛạiye ńam, uni hõ ona kuṛạigeye ńama. Isor sewawae hoṛ jãhãege Isor sewawae hoṛ menteye ataṅe enḍekhan Isor sewawae hoṛ oka kuṛạiye ńam, uni hõ ona kuṛạigeye ńama.

Mathae 10:41 Iomraidhean Croise

Genesis 20:7

Ńitokʼ do acʼren jãwãe ṭhen idi ruạṛkaeme. Uni do mitʼṭen nạbi hoṛ kanae. Uni do am lạgitʼe koeya, ar onate amakʼ jiwi do rukhiyạkʼtama. Menkhan jodi uni bam ruạṛkae, enḍekhan disạime, am ar amren hoṛ sanamgeko gujukʼa.”

Jesaea 3:10

Dhorom hoṛko metakope, bhạlại hoyokʼtakoa, ente onko do akoakʼ kạmi reakʼ kuṛạiko ńama.

Mathae 16:27

Manwa Hopon do acʼren goḍetko soṅgekate apat reakʼ ṭhonokanteye hijukʼa. Ar mimitʼ hoṛ akoakʼ kạmi lekae halawakoa.

Mathae 25:44

“Unreko metaea, ‘E Probhu Isor, tis baṅ reṅgecʼletʼme, se tetaṅletʼme, se upriạ, se laṅgaṭ, se ruạ, se hajotre ńelkate bale sapʼ soratʼme?’

Mathae 25:45

“Uni do roṛ ruạṛ akoteye metakoa, ‘sạrigeń metapekana, noko ińren huḍiń utạrko modre jãhãe mitʼ hoṛ tinạkʼge bape nonkawade, unạkʼge iń hõ bape onkawạdińa.’ ”

Mathae 6:1

“Husiạrokʼpe, hoṛ ṭhen ńel ocokʼ leka do alope dhorom koroma; arpe onkae khan aperen sermaren Baba ṭhen khon jãhãn kuṛại do bape ńama.

Mathae 6:18

jemon eṭakʼko aloko baḍae daṛeakʼ, am dom upạsetʼ kana. Enḍekhan amren Baba okoe do bae ńelokʼkanre hõ hạjirge menae ar danaṅ khon jotowakʼe ńeńelkan unige kuṛạiye emama.

Mathae 6:4

Jemon amakʼ dan emokʼ do okoge tahentam. Enḍekhan okoe danaṅ khon jotowakʼe ńeńelkan uni amren Baba do kuṛạiye emama.

Mathae 6:6

Menkhan amem koejoṅre bhitri oṛakʼre bolokate duạr sińme, ar amren Baba, okoe do bae ńelokʼkanre hõ hạjirge menae, uni ṭhen koejoṅme. Enḍekhan amren Baba okoe do danaṅ khon jotowakʼe ńeńel kan, unige kuṛạiye emama.

Mathae 7:8

Ente mitʼke mitʼ kokoyicʼ do milạuaea; ar ńam baṛayicʼ doe ńama ar ṭhopʼ ṭhopʼetʼkạnicʼ do jhicʼaea.

Aposkạmi 16:15

Ar noate uni ar acʼ gharońjren sanamkogeko bạptisena. Inạ tayom uni do noa menkateye neotaketʼlea, “Probhu Isorre biswạs akanpe hudisedeń khan dela ińakʼ oṛakʼre hijukʼte tahenpe.” Ar noa katha menkate acʼakʼ oṛakʼteye idiketʼlea.

Romiko lạgitʼ Pạul Apostolakʼ ciṭhi 16:23

Ar iń okoeyakʼ oṛakʼreń tahenkan ar manḍerren hoṛko okoeyakʼ oṛakʼrele jarwa midokʼkan, uni Gaius hõ apekoe joharape kana. Noa nagrahare ṭaka-poesa hisạb dohoy reakʼ bhar okoe cetanre menakʼ uni Erastus ar aboren boeha Kuartus hõ apekin joharape kana.

1 Korinthiko 9:17

Iń do apnar kusiteń porcaretʼ khan, enḍekhan kuṛại do menakʼgetińạ, ar apnar kusite bạń porcaretʼ kanrehõ iń cetanre ona bhar menakʼte onań kạmikana.

Ibriko 6:10

Isor doe hok bicạricʼ kana; onate apeakʼ kạmi ar uniren hoṛko sapʼ sohotʼakote okaṭakʼ dulạṛpe udukʼ akawade arpe udukʼetʼkan, ona do bae hiṛińa.

2 Johan 1:8

Ape do sontor akae tahenpe, jemon apepe kạmiakatʼ reakʼ kuṛại purạtepe ńam daṛeakʼ.