Mathae 10:27 - সান্তালী বাইবেল

²⁷ Okaṭakʼ ńutreń lại apekan, ona do marsalre roṛpe. Ar luturte okaṭakʼpe ańjometʼkan ona do sạṛim cetan khon porcarpe.

Santali Common Language New Testament

²⁷ Okaṭakʼ ńutreń lại apekan, ona do marsalre roṛpe. Ar luturte okaṭakʼpe ańjometʼkan ona do sạṛim cetan khon porcarpe.

Mathae 10:27 Iomraidhean Croise

Jesaea 22:1

Dorson reakʼ buru-nala babotre Probhu Isorakʼ katha do nonka: Am do ńitokʼem ceka akante, amren hoṛko do chat cetanteko rakapʼ kana?

Mathae 24:17

Ar sạṛimre menaeicʼ do oṛakʼ khon jãhãnakʼ hatao lạgitʼ latarte aloe pheḍokʼma.

Luk 12:3

Onate ńutre jãhãnakʼgepe roṛakatʼ ona do marsalreko ańjoma. Ar bhitri oṛakʼre jãhãnakʼge khae khoepe roṛakatʼ ona do sạṛim cetan khon lại saḍekʼa.

Luk 8:10

Unre Jisui metatʼkoa, “Ape do Isorakʼ raj reakʼ okoakʼkope baḍae ocoakana, menkhan eṭakʼko ṭhen do phen talateń lạiyeda, jemon ńeńel tulucʼ aloko ńel ar ańjom tulucʼ aloko bujhạu.

Johan 16:1

“Iń do noako joto kathań lạiyatʼpea jemon monre alope tạkijokʼ.

Johan 16:13

Menkhan uni sạriyakʼren Jiu tinreye hijukʼa unre uni do hore udukʼapete sạriyakʼreye ạyurpea. Uni do acʼte bae roṛa, menkhan okaṭakʼe ańjom onageye roṛa ar okaṭakʼ hoyokʼ lạgidokʼ ona hõe baḍae ocopea.

Johan 16:25

“Noako sikhạuna katha do phenkoteń galmaraoatʼpea. Ente nonkan okte hijukʼkana one unre iń do phenkote ar bạń galmarao apea, menkhan pusṭạute Baba reaṅ iń lạiya.

Johan 16:29

Unre uniren celakoko metadea, “Ńelme ńitokʼ do sodortegem roṛeda, jãhãn phente do bam lạiyeda.

Aposkạmi 17:17

Uni do sunạgogre Jihudiko ar Isor botoraekan Junạniko tulucʼ galmaraoe ehopʼena. Ona chaḍa bajarte okoekoko hijukʼkan tahẽkan, onko tulucʼ hõ din ke dine galmaraokan tahẽkana.

Aposkạmi 5:20

“Do calakʼpe, ar mundilre teṅgokate disạm hoṛko ṭhen jaejug jion reakʼ katha lại jạhirpe.”

Aposkạmi 5:28

“Uni hoṛ reaṅ alo cetʼako lạgitʼ kajaktele hukumatʼpe tahẽkana, menkhan ape do apeakʼ cecetʼakʼte Jerusalempe perecʼ akada ar uni hoṛakʼ mãyãm alere paṛao ocoy reakʼpe moneakada.”

2 Korinthiko 3:12

Ale do nonkanakʼ as menakʼtalete sodortele roṛetʼkana.