Mathae 10:22 - সান্তালী বাইবেল

²² Iń khạtirte sanam hoṛko hirkhạwapea, menkhan okoe mucạtʼ hạbicʼ ṭarhaoe tahen unigeye bańcaokʼa.

Santali Common Language New Testament

²² Iń khạtirte sanam hoṛko hirkhạwapea, menkhan okoe mucạtʼ hạbicʼ ṭarhaoe tahen unigeye bańcaokʼa.

Mathae 10:22 Iomraidhean Croise

Kạhtukko 29:27

Dhorom hoṛ do behoketʼ hoṛko hirkhạ mẽtʼteko ńelkoa, ar sojhe horte calakʼ hoṛ do bedhorom hoṛko hirkhạwaea.

Mathae 10:39

Okoe acʼakʼ jiwi bańcaotae reakʼe monejoṅ uni do sạriyakʼ reakʼ jione adtaea. Menkhan okoe iń lạgitʼ acʼakʼ jiwiye adtae uni do sạriyakʼ reakʼ jione rukhiyạitaea.

Mathae 24:13

Menkhan mucạtʼ hạbicʼ okoeye ṭarhao tahen uni do bańcaoe ńama.

Mathae 24:9

“Unre santaope lạgitʼko soprotʼpea arko gocʼpea. Iń iạte sanam hoṛko hirkhạwapea.

Mathae 5:11

“Bhạgangeape iń iạte hoṛko opoman arko santao lepere ar ạuṛiyakʼte sanam lekan bạṛicʼakʼ reaṅko roṛlepere.

Mark 13:13

Iń iạte sanamkogeko hirkhạwapea, menkhan mucạtʼ hạbicʼ okoeye ṭarhao tahen uni do bańcaoe ńama.

Luk 21:17

Iń iạte joto hoṛko hirkhạwapea,

Luk 21:19

Ape do ṭarhao akaepe tahente sạri jionpe labjoṅa.

Luk 6:22

Bhạgangeape, Manwa Hopon iạte hoṛko hirkhạwapere, ar somaj khonko oḍoklepere arko landa dhutʼapere ar apeakʼ ńutum ańjomteko tholere.

Luk 8:15

Ar bhage hasare ńũren itạte do onko lạgitʼge roṛ akana, okoe do khạṭi ar soṛa monte ona katha ańjomkate kajakteko sapʼ dohojoṅ kan ar onare ṭarhao akae tahente jionreko gele belekʼkan.

Johan 17:14

Am okakom menakawạdiń onakogeń baḍae ocoakatʼkoa. Dhạrtiren hoṛ do onkoko kurud akatʼkoa, ente iń do cetʼleka noa dhạrtiren iń baṅkan onkage onko hõ noa dhạrtiren doko baṅkana.

Johan 7:7

Dhạrtiren hoṛko ape do bako kurudapea menkhan iń doko kurudạńgea, ente onko reaṅ noa gohań emeda je, onkoakʼ joto kạmi do bạṛicʼgetakoa.

Aposkạmi 9:16

Ar iń iạte tinạkʼ duk jojom hoyokʼtaea onań udukʼaea.”

Romiko lạgitʼ Pạul Apostolakʼ ciṭhi 2:7

Okoe sombhuri salakʼ bhage kạmikote Isor ṭhen khon ṭhonok, man ar bin maraokʼ jionko khojkan, onkoge Isor do jaejug jione emakoa.

2 Korinthiko 4:11

Ale jiwetʼle tahenkanko do siń sạṭupʼ Jisu khạtirte moron ṭhenle soprot ocokʼkana, jemon Jisuakʼ jion hõ aleakʼ gujukʼ hoṛmore sodorokʼ.

Galathiko lạgitʼ Pạul Apostolakʼ ciṭhi 6:9

Bhageakʼ kạmi kạmite alo bon mokońokʼma, ente babon loraolen khan okte nạpitre phosol bon ńama.

Ibriko 3:14

Ente pạhilre okaṭakʼ bhorsa tahẽkan, onare mucạtʼ hạbicʼ teṅgo ṭak akan bon tahẽlen khan, abo do Mạsi tulucʼ bakhradarko bon hoyokʼa.

Ibriko 6:11

Alele khojkana, ape mimitʼko jemon mucạtʼ hạbicʼ inạ jidge tahentape. Onate purạtepe khạṭi joṅa je, apeakʼ as do purạukʼtapea.

Jakob 1:12

Bhạgangeae uni do one okoe biḍạureye sombhuriyetʼkan, ente lek kanae menteye sạbudlen khan uni do jit reakʼ mala lekate jione ńama. Ar okoe Isorko dulạṛedekan onko do jion emako lạgitʼe gokʼakatʼkoa.

1 Johan 3:13

E boehako, dhạrtiren hoṛko kurudapere ape do alope hahaṛakʼa.

Johan sodor 2:10

Am do okako dukem jom lạgidokʼkan onate thoṛa hõ alom botorokʼa. Ańjomme, Soetan do ape modren adomko biḍạupe lạgitʼ hajotreye bhoraopea, ar gel din hạbicʼ ape do kosṭope joma. Am do gujukʼ hạbicʼ pạtiạr akae tahenme, enḍekhan jitạukʼ reakʼ mala leka jioniń emama.

Johan sodor 2:17

Ańjom lạgitʼ lutur menakʼtae hoṛ doe ańjomma, sonot Jiu do manḍerrenko cetʼe metakokana. Ar okoeye jitạukʼ uni do okoakatʼ Manna khon thoṛa Manna ar mitʼṭecʼ ponḍ dhiriń emaea. Ona dhiri cetanre mitʼṭecʼ nãwã ńutum ol tahena one okoehõ ona do bako baḍaekan, eken okoe onae ńam unigeye baḍae daṛeakʼa.

Johan sodor 2:26

Baba cetʼleka sanam jạtrenko cetanre ektiạriye emakawạdiń, onkage okoeye jitạukʼ ar mucạtʼ hạbicʼ ińakʼ sana lekae kạmi idi uni hõ ona ektiạriń emaea. Uni do mẽṛhẽtʼ ṭheṅgate onkoe ḍanṭaokoa ar hasa reakʼ bhajan lekae rạputʼ gejerkoa. Ar okoeye jitạukʼa unige iń do bhurkạ ipil hõń emaea.

Johan sodor 2:3

Amakʼ do sobori menakʼtamgea ar iń lạgitʼ hõ ạḍi kosṭom sahao akada, ar bam laṅga akana.

Johan sodor 2:7

“Ańjom lạgitʼ lutur menakʼtae hoṛ doe ańjomma, sonot Jiu do manḍerrenko cetʼe metakokana mente! Jitạukʼicʼ do Isorakʼ Parades reakʼ jion dare reakʼ joyiń jom ocoyea.

Johan sodor 3:21

“Jitạukʼkate cetʼleka iń do ińren Baba tulucʼ uniyakʼ siṅghạsonreń duṛupʼ akan, onkage okoeye jitạukʼa, uni do iń tulucʼ ińakʼ siṅghạsonre duṛupʼ reakʼ ạidạriń emaea.