Mathae 1:19 - সান্তালী বাইবেল

¹⁹ Mạriạmren jãwãe Joseph do dhorom hoṛe tahẽkante hoṛko samaṅre Mạriạm lajaore paṛao ocoye do bae khojlakʼa; onate uni do mone monete Mạriạm bạgiye reakʼe goṭakeda.

Santali Common Language New Testament

¹⁹ Mạriạmren jãwãe Joseph do dhorom hoṛe tahẽkante hoṛko samaṅre Mạriạm lajaore paṛao ocoye do bae khojlakʼa; onate uni do mone monete Mạriạm bạgiye reakʼe goṭakeda.

Mathae 1:19 Iomraidhean Croise

Genesis 38:24

Noa pe cando tayom Jihudạ doe ańjom ńamkeda, kimintetʼ doe laṭghaṭ akada ar onateye bhạrti hoṛmo akana. Noa katha ańjomkate Jihudạ doe menkeda, “Uni do oḍokete seṅgelreye khadle ocokʼma.”

Genesis 6:9

Nohawakʼ jion reakʼ katha. Noha do mitʼṭen dhorom hoṛe tahẽkana. Ar acʼ okteren hoṛko modre uni eskarge dhorom hoṛ doe tahẽkana. Uni do Isor sãote jaoge helmel tahẽkantaea.

Levitikus 19:20

“Eṭakʼicʼ sãote baplakʼ reakʼ ṭhik akantae ar ṭakate bae chaḍao ocoakan nonkan jãhãe kạ̃ṛmĩ sãote jãhãegeye giticʼmidokʼ enḍekhan uni do sạjạiye hoyokʼa. Ar unkin do bakin gocʼ ocokʼa ente kuṛi do bae chaḍao ocoakana.

Levitikus 20:10

“Jãhãege acʼ aḍepaseren maejiu sãote, metakʼme eṭakʼ jãhãe hoṛren bạhu sãote aloe laṭghaṭ ma, ar baṅ khan laṭghaṭicʼ ar loṭghuṭiyicʼ unkin bana hoṛgekin gocʼ ocokʼa.

Mark 10:4

Onkoko menkeda, “Bapag dolel olaete bạgiye reakʼe hukum akada.”

Mark 6:20

menkhan Herod do Johane botoraekan tahẽkana. Ente Johan do mitʼṭen dhorom ar sonot hoṛ menteye baḍae akade tahẽkana, ar onate uni do muskilakʼko khone rukhiyạyede tahẽkana. Herod do Johanakʼ kathako ańjomkate monre jut bae ạikạuetʼ tahẽkanre hõ uniyakʼ kathako ańjom doe kusikʼkan tahẽkangea.

Luk 2:25

Unre Jerusalemre Simon ńutuman mitʼṭen dhorom ar Isor bhukti hoṛe tahẽkana. Uni do Israelkoakʼ jiwi raṛecʼe ńel hohorkan tahẽkana.

Aposkạmi 10:22

Onko hoṛko menkeda, “Subedar Korneliusge ale doe kolakatʼlea. Uni do mitʼṭen dhorom ar Isor bhokti hoṛ kanae. Ar sanam Jihudikoge uniko sarhaoede kana. Isorren mitʼṭen goḍet do uniye hukumade tahẽkana jemon acʼakʼ oṛakʼte ame hoho idi ocomete amakʼ kathakoe ańjomtam.”

Aposkạmi 27:39

Ado setakʼ bela ona jaega do bako ńel orom daṛeada, menkhan onko do mitʼṭecʼ huḍiń macha jalapuriko ńel ńamkeda one ona reakʼ aṛe do gitilte perecʼge tahẽkan. Unreko goṭakeda jahaj do ona aṛere idikateko ḍhaṅkakʼa.

2 Korinthiko 1:15

Ar noa katha sạrikana mente baḍaekate iń do laharege ape ṭhen calakʼ lạgitʼ iń goṭaleda, jemon bar dhao bhorpe ńam daṛeakʼ.

Dosar Biboron 22:20

“Menkhan sạrikan khan ar kuṛi do kũạ̃ritetʼ mente bae pormanlen khan,