Mathae 1:12 - সান্তালী বাইবেল

¹² Babelte bondikate idiko tayom Jikhoniạ do Sealtiel jonome emadea; Sealtiel do Serubabel jonome emadea;

Santali Common Language New Testament

¹² Babelte bondikate idiko tayom Jikhoniạ do Sealtiel jonome emadea; Sealtiel do Serubabel jonome emadea;

Mathae 1:12 Iomraidhean Croise

2 Rapajko 24:14

Ona chaḍa Jerusalemren sanamko, metakʼme sanam gutiko ar lạṛhại birko, sanam kạrigolko ar kamarko jotote uni do gel hajar hoṛe bondi idiketʼkoa. Disạmren reṅgecʼ hoṛ chaḍa ar celege bako sarecʼ lena.

2 Rapajko 25:27

Jihudạren raj Jehoyakine bondi idi ocokʼ reakʼ pegel eae bochorre Ewil Merodak do Babelren raje hoyena. Uni do inạ bochor reakʼ gelbar cando reakʼ bargel eaeyakʼ dinre Jehoyakin do hajot khone aṛakʼkedea.

1 Bõsbudạ 3:17

Bondi Jikoniaren hopon Solṭiel,

Esra 3:2

Ar ona tayom Josadakren hopon Jesua ar uni sãoten naekeko ar Solṭielren hopon Serubabel ar uni sãoten hoṛko do jeredokʼ samaṅokʼakʼ porobokʼ lạgitʼ Isorren hoṛ Moseyakʼ ạn-ạrire olakʼ lekate Israelren Isorakʼ pinḍko benaokeda.

Esra 5:2

Unre Sealṭiyelren hopon Serubabel ar Josadakren hopon Jesua do Jerusalemre Isorakʼ oṛakʼ arhõ benao aroekin ehopʼena. Ar Isorren nạbikin hõ onko sãote tahẽkate goṛoako kin ehopʼena.

Nehemiạ 12:1

Okoeko naeke ar liwiko do Sealṭiyelren hopon Serubabel ar Jesua sãote bondi dosa khonko ruạṛ hecʼlen onko doko hoyokʼkana: Naekeko modre Seraya, Jeremiạ, Esra,

Jirimiạ 22:24

Probhu Isore meneda, “E Jihudạ rajren Jehoyakimren hopon Konia, iń ńutumte kiriạkateń meneda, ińakʼ jojom ti reakʼ chapakʼ mundạmem hoylenre hõ enhõ iń do amiń or totʼ giḍikama.

Jirimiạ 22:28

Nui Konia do nonkan mitʼṭecʼ nihạ̃t giḍiyicʼ rạputʼ bhajan kanae one okoehõ bako khoje? Cedakʼ uni ar uniren hoponko do bin opromakʼ disạmreko lebda giḍi ocokʼa?

Jirimiạ 22:30

Probhu Isore meneda, “Am do olme, nui hoṛren cele gidrạge bạnukʼkotaea. Uni do bae jo baha daṛeakʼa ar uniren hoponko hõ bako jo bahakʼa. Onkoren okoehõ Dạudakʼ siṅghạsonre do bako duṛupʼa se Jihudạ disạmre bako rajokʼa.”

Hagae 1:1

Darjawes rajakʼ rajokʼ dosar bochorre Sealṭielren hopon Serubabel do Jihudạren disạm cakʼlaoicʼe tahẽkana ar Jehosadokren hopon Josuạ do maraṅ naekeye tahẽkana. Ar inạ bochorge turui cando reakʼ pạhilakʼ dinre Probhu Isor do Hagae nạbi hotete onkoe metatʼkoa,

Hagae 1:12

Unre Sealṭiel hopon Serubabel, Jehosadek hopon maraṅ naeke Josuạ ar eṭakʼ sanam hoṛko do akoren Probhu Isorakʼ katha leka ar uniye kollede Hagae nạbiyakʼ katha lekako kạmikeda, ente onko do Probhu Isorko botorae kan tahẽkana.

Hagae 1:14

Inạ tayom Probhu Isor do Jihudạren disạm cakʼlaoicʼ Serubabelren, maraṅ naeke Josuạ ar sarecʼ sanam hoṛkoakʼ ontorre udgạuketʼtakoa. Onate onko do jotoge hecʼkate phạdkoren Probhu Isorakʼ oṛakʼ benao lạgitʼ kạmiko ehopʼkeda.

Hagae 2:2

“Am do Sealṭiel hopon Jihudạren disạm cakʼlaoicʼ Serubabel, Jehosadak hopon maraṅ naeke Josuạ ar sarecʼ sanam hoṛkom kulikoa,

Hagae 2:23

E Sealṭiel hopon ińren guti Serubabel, iń Probhu Isor do enhilokʼ ińakʼ chachap reakʼ mundạm lekań hoyocomea, ente iń do amiń bachao akatʼmea.’ Iń phạdkoren Probhu Isorge noa katha doń menetʼkana.”

Mathae 1:11

Josiạ do Jekhoniạ jonome emadea ar uniren boehako Babel disạmte bondikate idiko jokhecʼ.

Mathae 1:13

Serubabel do Abihud jonome emadea; Abihud do Eliạkim jonome emadea; Eliạkim do Asor jonome emadea;

Mathae 1:17

Ado nonka leka Abraham khon Dạud hạbicʼ gelpon piṛhi; Dạud khon Babelte bondikate idiko hạbicʼ gelpon piṛhi; ar Babelte bondi idiko tayom khon Mạsi hạbicʼ gelpon piṛhi.

Luk 3:27

Joda do Johananren hopon, Johanan do Resaren hopon, Resa do Serubabelren hopon, Serubabel do Sealtielren hopon, Sealtiel do Neriren hopon;