Mark 9:25 - সান্তালী বাইবেল

²⁵ Ado gadel hoṛ ńir hijukʼkane ńelketʼko khan Jisu do bạṛicʼ jiu dhomkao kedeteye metadea, “E kala ar guṅgạ jiu, hukumam kạnạń uni khon oḍok calakʼme; ar tishõ unire alom bolo ruạṛokʼa.”

Santali Common Language New Testament

²⁵ Ado gadel hoṛ ńir hijukʼkane ńelketʼko khan Jisu do bạṛicʼ jiu dhomkao kedeteye metadea, “E kala ar guṅgạ jiu, hukumam kạnạń uni khon oḍok calakʼme; ar tis hõ unire alom bolo ruạṛokʼa.”

Mark 9:25 Iomraidhean Croise

Sakariạ 3:2

Probhu Isor do Soetane metadea, “E Soetan, Probhu Isor do ame tạkicʼ daram mema. Jerusalem okoeye bachao akawan uni do ame tạkicʼ daram mema. Nui hoṛ do cetʼ seṅgel khon or oḍok akatʼ ṭhuṭkutʼ doe baṅkana?”

Mathae 12:22

Inạ tayom bhut capaṛ akawade mitʼṭen hoṛ do Jisu ṭhenko ạgukedea. Uni do guṅgạ ar kãṛãgeye tahẽkana. Ar Jisu do uniye bogekedea.

Mathae 17:18

Ado Jisu uniye dhomkaokede khan bạṛicʼ jiu do uni khone oḍok calaoena, ar koṛa do unregeye boge utạrena.

Mark 9:15

Ar hoṛko do Jisuko ńelkede khan ạḍitetʼko hahaṛayena ar ńir senkateko joharadea.

Mark 9:24

Unre gidrạren apat do ãṭ aṛaṅateye menkeda, “Iń doń pạtiạukʼ kangea; ar ńit hõ ińre oka bepạtiạu menakʼ ona baṛe ocokʼ kạtińme.”

Mark 9:26

Unre bạṛicʼ jiu do kikiạuate koṛae mocṛa mucṛikedea ar uni khone oḍok calaoena. Onate koṛa do gocʼicʼ lekae ńelente ḍher hoṛgeko menkeda, “Uni doe gocʼena.”

Luk 11:14

Eṭakʼ mitʼ jokhecʼ Jisu do mitʼṭen guṅgạ bhute oḍok giḍiyedekan tahẽkana. Ado bhute oḍok calaoen khan, guṅgạ hoṛ do katha roroṛe ehopʼena. Ar noate hoṛko do ạḍiko hahaṛayena,

Luk 4:35

Jisu do bạṛjicʼ jiu dhomkao kedeteye metadea, “Thirokʼme ar uni khon oḍok calakʼme.” Unre bạṛicʼ jiu do onko talare uniye mocṛao bhindạṛkedea ar jãhãnakʼ begor hạ̃nete uni khone oḍok calaoena.

Luk 4:41

Unre ạḍi utạr hoṛko khon bạṛicʼ jiuko oḍok calaoena. Onko bạṛicʼ jiu do kikiạuate memenko ehopʼena, “Am dom Isorren Hopon kana.” Onko do Mạsi kanae menteko baḍae akade tahẽkana. Ona iạte uni do onkoakʼ mocae bondketʼtakoa.

Luk 8:29

Uni hoṛ do noa iạtegeye menkeda, ente Jisu do bạṛicʼ jiu uni khon oḍok calakʼe hukumade tahẽkana. Ar bạṛicʼ jiu do ghane ghạṛicʼ uni hoṛe sapʼ tirupʼede tahẽkana. Ar sikṛite tolkateko horhoyede tahẽkanre hõ uni do onae topakʼetʼ tahẽkana, ar bạṛicʼ jiu hotete hahaṅkar jaegakoreye ạcur baṛaekan tahẽkana.

Luk 9:42

Ado tinre koṛa do Jisu ṭhene hijukʼkan tahẽkana unre bạṛicʼ jiu do uniye mocṛao bhinḍạṛkedea. Onate Jisu do bạṛicʼ jiue dhomkaokedea ar koṛae bogekedete eṅgat-apat ṭhene jimạkadea.

Aposkạmi 16:18

Uni do ḍher din hạbicʼe nonka idikeda. Mucạtʼre Pạul doe ạṛisen khan beṅgetʼ ạcurkate uni bạṛicʼ jiue metadea, “Jisu Mạsi ńutumteń hukumam kana, nui khon oḍok calakʼme.” Ar unrege uni bạṛicʼ jiu do uni khone oḍok calaoena.

Jihudạwakʼ ciṭhi 1:9

Menkhan mukhiyạ serma goḍet Mikạyel do Moseyakʼ hoṛmo iạte Soetan sãoteye reṭe peṭekʼkan tahẽkanre uni upạrte jãhãn henosta reakʼ katha menkate dusiye do bae dilleda. Bickom uni doe menleda, “Probhu Isor do ame dhomkaome ma.”