Mark 9:19 - সান্তালী বাইবেল

¹⁹ Unre Jisui metatʼkoa, “E bepạtiạuko! Ar tinạkʼ din ape sãoteń tahena? Ar tinạkʼ iń sahaokatapea? Dini iń ṭhen ạguiyepe.”

Santali Common Language New Testament

¹⁹ Unre Jisui metatʼkoa, “E bepạtiạuko! Ar tinạkʼ din ape sãoteń tahena? Ar tinạkʼ iń sahaokatapea? Dini iń ṭhen ạguyepe.”

Mark 9:19 Iomraidhean Croise

Sereńko 78:22

ente Isorre onko do bako pạtiạulena; uni do onkoe bańcao daṛeakoa mente ona kathare hõ bako bhorsalena.

Numeri 14:11

Probhu Isor do Moseye metadea, “Onko do ar tinạkʼ din ińko nihạ̃tińạ? Onko talare cinhạkoń udukʼ akatʼrehõ ar tinạkʼ din ińre bepạtiạuko tahena?

Numeri 14:22

noko hoṛren mitʼ hoṛhõ ona disạm do bako ńela, one okaṭakʼ disạm lạgitʼ onkoren hapṛamko ṭheniń kiriạlen. Ente noko hoṛ do Misorre ar hahaṅkarre ńelakʼ ińakʼ hahaṛa kạmi ar cinhạ kạmiko ńelkate hõ ińko nihạ̃t akadińạ ar gel dhaoko biḍạu aṭkar akadińạ. Okoe ińko nihạ̃t akadiń onko do okoehõ ona disạm bako ńel tioga.

Numeri 14:27

“Noko bạṛicʼ jạtrenko do ar tinạkʼ din iń upạrteko karacʼ kurujokʼa? Iń do onkoakʼ karacʼ kurujokʼ iń ańjomakada.”

Mathae 17:17

Jisui roṛ ruạṛkeda, “E bepạtiạu ar peṛta piṛhirenko! Ar tinạkʼ din ape sãoreń tahena? Ar tinạkʼ diniń sahaokatapea? Dini iń ṭhen ạguiyepe.”

Mark 16:14

Inạ tayom Jisu do acʼren gelmitʼ celako ṭhene ńel ocoyena. Unre onko doko jojomkan tahẽkana. Ar onkoakʼ bepạtiạu ar keṭecʼ mon iạte uni doe nisrạuketʼkoa, ente gocʼko khone jiwetʼ beretʼen tayom okoeko ńellede onkoakʼ katha bako pạtiạuatʼ tahẽkana.

Mark 9:18

Ar uni tinreye sabea unre uni do otreye tawakʼ bhindạṛea. Ar moca photo photokʼtaea are togocʼ ḍaṭaea. Iń do amren celako uni jiu oḍok giḍiye lạgitʼ iń nehõratʼko tahẽkan a, menkhan bako daṛeada.”

Mark 9:20

Ado uni ṭhenko ạgukedea. Unre bạṛicʼ jiu do Jisui ńelkede khan koṛaye mocṛa mucṛikedea. Ar otreye bhindạṛkedete moca do photo photoyentaea ar guṛdạukʼe ehopʼena.

Luk 24:25

Khange Jisu do unkine metatʼkinạ, “Aben do cetʼge baben bujhạu akada. Abenakʼ mon do goṛdho akana, onate nạbikoko roṛakatʼ katha hõ baben pạtiạuakʼ kana.

Luk 9:41

Unre Jisui menkeda, “E bepạtiạu ar peṛta piṛhirenko! Ar tinạkʼ din ape tulucʼ iń tahena ar tinạkʼ diniń sahaokatapea? Dini hoponme nonḍe ạguiyem.”

Johan 12:27

Ińakʼ jiwi do ńitokʼ khad badaokʼkan tińạ. Iń do cetʼ niạ kathageń mena, ‘E Baba, noa ghuṛi khon de bańcaoiń me?’ Menkhan niạ lạgitʼge coṅ noa okte hạbicʼ mań hecʼakana.

Johan 20:27

Ona tayom uni do Thomae metadea, “Amakʼ kạṭupʼ nonḍe ạguiytam ar ińakʼ banar ti ńelme ar amakʼ ti tiyạrkate kokhare sogeńme. Ar bin pạtiạricʼ do alom hoyokʼa bickom pạtiạuicʼge hoyokʼme.”

Dosar Biboron 32:20

Uni doe menkeda, “Iń do onko khon ińakʼ mẽtʼãhãń danaṅtińạ, ar sesre cetʼ hoyokʼtako onań ńela; ente onko do peṛta pirthimi ar bin pạtiạran hoponko kanako.