Mark 9:18 - সান্তালী বাইবেল

¹⁸ Ar uni tinreye sabea unre uni do otreye tawakʼ bhindạṛea. Ar moca photo photokʼtaea are togocʼ ḍaṭaea. Iń do amren celako uni jiu oḍok giḍiye lạgitʼ iń nehõratʼko tahẽkan a, menkhan bako daṛeada.”

Santali Common Language New Testament

¹⁸ Tinreye sabea unre uni do otreye tawakʼ bhindạṛea. Ar moca do photo photokʼtaea are togocʼ ḍaṭaea. Iń do amren celako uni jiu oḍok giḍiye lạgitʼ iń metatʼkoa, menkhan bako daṛeada.”

Mark 9:18 Iomraidhean Croise

Jobakʼ 16:9

Isor do ạḍitetʼe ghạl akadińạ edrete iń doe cirạ akadińạ; iń ńelteye togocʼ ḍaṭayetʼ kana; ar iń upạrte mẽtʼ jolokʼkantaea.

Sereńko 112:10

Bedhorom hoṛ do ona ńelteye ạṛisokʼa; uni do ḍaṭae togoja are cabakʼa. Bedhoromkoakʼ as do nasaokʼtakoa.

Mathae 15:22

Ar ńelpe, Kananren mitʼṭen maejiu do oḍok hecʼkate hohoateye menkeda, “E Probhu, Dạudren Hopon, mãyãwạńme baṛe, ente hoponerań do bạṛicʼ jiue capaṛ akawadete ạḍitetʼe sasetokʼ kana.”

Mathae 17:16

Amren celako ṭheniń ạguledea menkhan onko do bako boge daṛeadea.”

Mathae 8:12

Menkhan rajosṭiren hoponko do bahre ńutreko giḍi ocokʼa. Onḍe do rakʼjoṅ ar togocʼ ḍaṭa hoyokʼa.”

Mark 11:23

Sạrigeń metapekana, jãhãege begor digdhạte noa burui metakʼ, ‘nonḍe khon uṭhạukʼte jalapurire khadlekʼme,’ are pạtiạukʼ baṅma, okae menetʼ ona do hoyokʼa mente, enḍekhan uni lạgitʼ do hoyokʼgea.

Mark 9:17

Gadel hoṛ bhitri khon mitʼ hoṛe roṛ ruạṛkeda, “E Guru, ińren koṛa am ṭheniń ạgu akadea. Unire do mitʼṭen guṅgạ jiuge menaea.

Mark 9:19

Unre Jisui metatʼkoa, “E bepạtiạuko! Ar tinạkʼ din ape sãoteń tahena? Ar tinạkʼ iń sahaokatapea? Dini iń ṭhen ạguiyepe.”

Mark 9:20

Ado uni ṭhenko ạgukedea. Unre bạṛicʼ jiu do Jisui ńelkede khan koṛaye mocṛa mucṛikedea. Ar otreye bhindạṛkedete moca do photo photoyentaea ar guṛdạukʼe ehopʼena.

Mark 9:26

Unre bạṛicʼ jiu do kikiạuate koṛae mocṛa mucṛikedea ar uni khone oḍok calaoena. Onate koṛa do gocʼicʼ lekae ńelente ḍher hoṛgeko menkeda, “Uni doe gocʼena.”

Aposkạmi 7:54

Noako katha ańjomkate onko mukhiyạko do Stephan upạrte ạḍi bạṛicʼko raṅgaoena ar uni upạrteko togocʼ ḍaṭakeda.

Jihudạwakʼ ciṭhi 1:13

Noko do birbão talare jalapuri reakʼ ḍheoko leka kanako; ar jalapuri reakʼ photo leka nokoakʼ lajao paṛao kạmiko do capekʼ kana. Noko do ạcur baṛaekan ipil lekanako; jaejug lạgitʼ kaṛaṅ kucạṅ ńutge noko lạgitʼ do jogao dohoakana.