Mark 9:12 - সান্তালী বাইবেল

¹² Jisui roṛ ruạṛatʼkoa, “Noa katha do sạrikangea je, pạhilre Eliại hijukʼa ar sanamakʼ do lahate lekae teṅgo aroya. Menkhan Manwa Hopon reaṅ sonot sostorre cekate baṅ olakan, uni do ạḍi okocʼ duk jojom hoyokʼtaea ar hoṛko do uniko nihạ̃tea?

Santali Common Language New Testament

¹² Jisui roṛ ruạṛatʼkoa, “Noa katha do sạrikangea je, pạhilre Eliại hijukʼa ar sanamakʼ do lahate lekae teṅgo aroea. Menkhan Manwa Hopon reaṅ sonot sostorre cekate baṅ olakan, uni do ạḍi okocʼ duk jojom hoyokʼtaea ar hoṛko do uniko nihạtea?

Mark 9:12 Iomraidhean Croise

Sereńko 74:22

E Isor, am do ma beretʼdokʼte bicạr lạgitʼ amakʼ mambla hạjirme; alom hiṛińa bebuj hoṛko do goṭa din amko landa dhutʼam kana.

Jesaea 49:7

Hoṛko okoeko nihạ̃t giḍi akade arko hirkhạwaekan, okoe doe disạm cakʼlaokoren golamkan, uni Israelren sonoticʼ ar chakʼḍaoicʼ do Probhu Isor niạ kathae metaekana, “Rapajko do am ńelteko beredokʼa, ar mukhiyạko do amko ḍobokʼama, ente Probhu Isor do ame bachao akatʼmea; Israelren uni sonoticʼ doe pạtiạranicʼ kana.”

Jesaea 50:6

Okoeko daleńkan onko ṭhen ińakʼ dea doń alae akatʼtińạ ar okoe ińakʼ gocoko racakʼ topakʼ akatʼtiń onko do ińakʼ johageń samaṅ akatʼkoa. Ar tinre ińko opoman arko thoạńkan tahẽkana unre ińakʼ mẽtʼãhã do bạń betʼ esetʼletʼtińạ.

Jesaea 52:14

Uniyakʼ rup do nunạkʼ bạṛicʼ ocokʼtaea, manwa leka do baṅ tahentaea; ar onate ḍherkoge uni ńelteko ṭhak utạrokʼa.

Sakariạ 11:13

Unre Probhu Isor do ińe metadińạ, “Kuṅkạl baṛe ona do capatʼ giḍi oṭowaeme- ona bhạri damge, okaṭakʼ onkoko dam ạdiń.” Ona tayom iń do ona pegel rupạ ṭaka hataokate Probhu Isorakʼ oṛakʼre kuṅkạliń lebda gotʼadea.

Sakariạ 13:7

Phạdkoren Probhu Isore meneda, “E tarwaṛe, am do ińren gukʼpiko upạrte, ińren sãoten hoṛko upạrte, ebhenokʼme. Gukʼpiyicʼ iń mageya, enḍekhan bhiḍiko doko chir chạturokʼa; ar iń do bhiḍi hoponko upạrte hõ tiyiń tula.

Malaki 4:6

Uni do apatkoakʼ ontor akoren hoponko ar hoponerako secʼ ar hopon ar hoponerakoakʼ ontor do apatko secʼe ạcur ruạṛtakoa, ar hecʼkate sarap iạte disạm jemon aloń jarkhar.”

Mathae 16:21

Un khonge Jisu do acʼren celako lạiyakoe ehopʼena je, acʼ do Jerusalemte calakʼ hoyokʼtaea ar murubbiko, maraṅ naekeko, ar sostor baḍaeko hotete ạḍi okocʼ duk jojom hoyokʼtaea. Are gocʼ ocokʼa ar pe mãhã hilokʼre gocʼko khon uni do jiwetʼ beredokʼ hoyokʼtaea.

Mathae 26:24

Manwa Hopon reaṅ sonot sostorre okaleka olakan onkage uni doe gujukʼa, menkhan uni hoṛre do hae hae, okoe bạirikoakʼ tire Manwa Hopone soprot ocoye! Uni do aloe janamlen khange honaṅ boge hoykokʼtaea.”

Mark 10:33

Uni doe metatʼkoa, “Ńelpe, Jerusalemte bon calakʼ kana. Onḍe Manwa Hopon do maraṅ naekeko ar sostor baḍaeko ṭhenko soprotea. Onko do gujukʼ lek kanae menteko bicạr dusiyea ar boṅgan hoṛ jạtrenkoakʼ tireko soprotea.

Mark 9:13

Menkhan ińiń metapekana, Eliạ reaṅ sonot sostorre okaleka ol akan onkage uni doe hecʼlena, ar hoṛko do unire akoakʼ sana lekako kạmikeda.”

Mark 9:31

ente unre uni do acʼren celakoe cetʼakokan tahẽkana, are lại akokan tahẽkana, “Manwa Hopon do hoṛkoakʼ tireko soprotea. Arko gojea ar pe din hilokʼre uni do arhõe jiwetʼ beredokʼa.”

Luk 1:76

E bachatiń, am do coṭ utạricʼ Isorren nạbiyem ńumogokʼa, ente am do uniyakʼ hor tear lạgitʼ uni laha lahatem calakʼa.

Luk 23:11

Unre Herod do Jisui henostakedea are siṛogadea, ar uniren sipạhiko hõko onkawadea. Ona tayom uni do ṭhosok kicricʼe horokʼadete Pilạt ṭhene kol ruạṛkadea.

Luk 23:39

Ar okoekin dusi hoṛ kurusrekin aka ocoakan tahẽkan unkin modre mitʼ hoṛ do Jisu siṛogadeteye menkeda, “Amge baṅ Mạsi do? Enḍekhan ma am ar ạliń bańcao bonme.”

Aposkạmi 1:6

Ado celako hecʼ jarwakate Jisuko kulikedea, “E Probhu Isor, niạ jokhecʼ am do cetʼ Israelko rajosṭim teṅgo ruạṛakoa?”

Aposkạmi 4:11

Sonot sostor reakʼ katha leka Jisu Mạsi kangeae ‘ona dhiri do, one okaṭakʼ raj mistiriko, metakʼme apepe nihạ̃t giḍiletʼ; ar onage konac reakʼ asolakʼ dhiri do hoyena.’