Mark 8:35 - সান্তালী বাইবেল

³⁵ Okoe acʼ lạgitʼ jiwetʼ tahene menjoṅkan uni do jiwiye khuạutaea; menkhan okoe iń ar Isorakʼ bhage sombat iạte acʼakʼ jiwiye khuạutae, uni do onae rukhiyạitaea.

Santali Common Language New Testament

³⁵ Okoe acʼ lạgitʼ jiwetʼ tahene menjoṅkan uni do jiwiye khuạutaea; menkhan okoe iń ar Isorakʼ bhage sombat iạte acʼakʼ jiwiye khuạutae, uni do onae rukhiyạitaea.

Mark 8:35 Iomraidhean Croise

Sosolhayic̕ 3:6

sendra ńam okte ar adokʼ okte, dohoy okte ar giḍikakʼ lạgitʼ okte,

Mathae 10:22

Iń khạtirte sanam hoṛko hirkhạwapea, menkhan okoe mucạtʼ hạbicʼ ṭarhaoe tahen unigeye bańcaokʼa.

Mathae 10:39

Okoe acʼakʼ jiwi bańcaotae reakʼe monejoṅ uni do sạriyakʼ reakʼ jione adtaea. Menkhan okoe iń lạgitʼ acʼakʼ jiwiye adtae uni do sạriyakʼ reakʼ jione rukhiyạitaea.

Mathae 16:25

Jãhãege acʼakʼ jiwi bańcaotae reakʼe monejoṅ, uni doe khuạutaea; menkhan jãhãege iń lạgitʼ acʼakʼ jiwiye khuạutae uni do onae ńama.

Mathae 19:29

Ar iń iạte okoe do acʼakʼ oṛakʼ-duạr, se eṅgat-apat, se boeha-miserako, se gidrạko se ot-baṛgekoe bạgi oṭoakatʼ, uni do mitʼ sae doboṛ bạ̃ṛtiye ńama ar jaejug jion hõe ạidạri joṅa.

Mark 8:36

Jãhãege goṭa dhạrtiye labte acʼakʼ jiwiye khuạutae enḍekhan cetʼ porho hoyokʼtaea?

Luk 17:33

Jãhãege acʼakʼ jiwi rukhiyại lạgitʼe kurumuṭui, uni do acʼakʼ jiwiye khuạutaea, ar okoe acʼakʼ jiwiye khuạutae uni do onae bańcaotaea.

Luk 9:24

Jãhãege acʼ lạgitʼ bańcao tahene menetʼ khan uni do acʼakʼ jiwiye khuạutaea; menkhan okoe iń lạgitʼ acʼakʼ jiwiye khuạutae, uni do onae bańcaotaea.

Aposkạmi 20:24

Menkhan iń ṭhen do ińakʼ jiwi reakʼ jãhãn damge bạnukʼa. Ińakʼ sana do noage, jemon mucạtʼ hạbicʼ iń ṭarhao daṛeakʼ, metakʼme Probhu Jisu oka kạmi lạgitʼ dạyike emakawạdiń ona jemoniń purạu daṛeakʼ. Ona kạmi do hoyokʼ kana Isorakʼ daya reaṅ bhage sombat reakʼ goha emokʼge.

Aposkạmi 21:13

Unre Pạule menkeda, “Rakʼ rakʼte monre cedakʼ dukpe imạń kana? Probhu Jisu lạgitʼ iń do Jerusalemre eken bondi ocokʼ do baṅ, bickom gocʼ ocokʼ hõń sapṛaogea.”

Aposkạmi 9:16

Ar iń iạte tinạkʼ duk jojom hoyokʼtaea onań udukʼaea.”

1 Korinthiko 9:23

Iń do bhage sombat lạgitʼge noakoń onkayeda jemon onaren bhạgiyạdariń hoyokʼ.

2 Korinthiko 12:10

Onate Mạsi iạte nijorakʼkore, bemanot ocokʼre, kucit ocokʼre, santao ar khed ocokʼre ar joṅjalkore iń doń rạskạkʼ kana, ente tinreń nijorokʼa, unrege daṛeanakʼiń hoyokʼa.

2Timothi 1:8

Onate aboren Probhu Isor reaṅ goha emokʼ do alom lajaokʼa, ar uni iạte hajotre minạń, onate hõ alom lajaokʼa. Ona bodolte Isor okaṭakʼ daṛeye emakatʼme ona daṛete uniyakʼ bhage sombat porcar lạgitʼ iń tulucʼ duk jomme.

Ibriko 11:35

Maejiuko do akoren gocʼ hoṛko arhõ jiwetʼgeko ńam ruạṛketʼkoa. Eṭakʼko do akotege hajot khon baṅ chaḍaokʼteko santao ocolena, jemon onko do gocʼko khon beretʼkate artetʼ mońj jionko ạidạri joṅ.

Johan sodor 12:11

Bheḍa Hoponakʼ mãyãm ar apnarakʼ gohate onko do uniko bhagao akadea. Onko do apnar dulạṛ baṅkate akoakʼ jiwi emokʼge rạjiko tahẽkana.

Johan sodor 2:10

Am do okako dukem jom lạgidokʼkan onate thoṛa hõ alom botorokʼa. Ańjomme, Soetan do ape modren adomko biḍạupe lạgitʼ hajotreye bhoraopea, ar gel din hạbicʼ ape do kosṭope joma. Am do gujukʼ hạbicʼ pạtiạr akae tahenme, enḍekhan jitạukʼ reakʼ mala leka jioniń emama.

Johan sodor 7:14

Adoń metadea, “Ńelme, ona do amgem baḍaea.” Uni doe metadińạ, “Ona maraṅ saset khon okoeko hecʼakan onko doko noko kangea. Onko do akoakʼ kicricʼko Bheḍa Hoponakʼ mãyãmte ạrupʼkateko ponḍ akatʼtakoa.