Mark 8:34 - সান্তালী বাইবেল

³⁴ Noa tayom celako ar gadel hoṛko acʼ ṭhen hoho sorkateye metatʼkoa, “Jãhãege ińakʼ horte hijukʼe menetʼ khan uni do acʼakʼ sana leka aloe calakʼma; bickom acʼakʼ kurus gokʼkateye pańjayiń ma.

Santali Common Language New Testament

³⁴ Noa tayom celako ar gadel hoṛko acʼ ṭhen hoho sorkateye metatʼkoa, “Jãhãege ińakʼ horte hijukʼe monejoṅ uni do acʼakʼ sana leka aloe calakʼma; bickom acʼakʼ krus gokʼkateye pańjayiń ma.

Mark 8:34 Iomraidhean Croise

1 Rapajko 14:8

Ar Dạudakʼ bõs khon rajosṭi recʼ hataokate amiń ematʼme tahẽkana, menkhan ińren guti Dạud leka do bam hoylena. Dạud do ińakʼ hukumkoe bataoetʼ tahẽkana ar mon-ontorte ińre pạtiạre tahẽkana. Ińakʼ mẽtʼre okaṭakʼ bhageakʼ kan eken onageye kạmiyetʼ tahẽkana.

Numeri 14:24

Menkhan ińren golam Kalebakʼ monre onkanakʼ do bạnukʼa uni do purạte ińakʼ kathakoe senakʼkana. Onate uni okaṭakʼ disạmteye senlen ona disạmiń idiyea ar uni bõsrenko do ạidạri lekate onako ńama.

Mathae 10:38

Okoe acʼakʼ kurus gokʼkate bae pańjayiń uni hõ ińre lek doe baṅkana.

Mathae 16:24

Ona tayom Jisu do acʼren celakoe metatʼkoa, “Jãhãe ińakʼ horte hijukʼ sanayede khan uni do acʼakʼ kusi sanaleka aloe calakʼma; menkhan acʼakʼ kuruse gogma ar ińe pańjańma.

Mathae 27:32

Ado onḍe khonko oḍok hijukʼkan tahẽkanre palṭonko do Kureni nagraharen Simon ńutuman mitʼṭen hoṛko ńamkedea. Ar Jisuakʼ kurus gokʼ iditae lạgitʼko sapʼ paṭetʼkedea.

Mark 10:21

Jisu do uniye beṅgetʼadea ar dulạṛ salakʼe metadea, “Mitʼṭecʼ jinis dom bạki oṭo akawada. Do calakʼme, ar oka menakʼtam ona ạkhrińkate reṅgecʼ orecʼko dan akome. Onate sermare dhonem ńama. Ar inạ tayom do hecʼkate ińren cela hoyokʼme.”

Mark 7:14

Noa tayom Jisu do hoṛko arhõ acʼ ṭhen hoho sorkateye metatʼkoa, “Jotoko ińakʼ katha ańjompe ar bujhạupe.

Luk 13:24

“Sakṛa duạrte bolokʼ lạgitʼ lạgiyạ paṛaokʼpe. Ińiń metapekana, ḍher hoṛge bolokʼ lạgitʼko kurumuṭuya, menkhan bako bolo daṛeakʼa.

Luk 14:33

Ado mucạtʼre Jisui menkeda, “Onkage apeko modre jãhãe begor hudis cintạte acʼakʼ jotowakʼko bae bạgi oṭowakʼ khan, uni do ińren cela ohogeye hoydaṛelena.

Luk 18:22

Noa katha ańjomkate Jisu do uniye metadea, “Ńitokʼ hõ mitʼṭen kạmi dom sarecʼ akada. Amakʼ okaṭakʼ menakʼtam onako ạkhrińme ar reṅgecʼ orecʼko hạṭińakome, enḍekhan am do sermare dhonem ńama. Ar ona tayom do hecʼkate ińren cela hoyokʼme.”

Luk 20:45

Ado sanam hoṛ uniyakʼ kathako ańjometʼkan tahẽkanre Jisu do acʼren celakoe metatʼkoa,

Luk 9:23

Ona tayom sanamkoe metatʼkoa, “Jãhãege ińakʼ horte hijukʼe menetʼ khan uni do acʼakʼ kusileka aloe calakʼma; ar dinạmge acʼakʼ kurus gokʼkate ińe pańjańma.

Johan 10:27

Ińren bhiḍiko do ińakʼ aṛaṅko ańjomeda. Ar iń doń baḍae oromakatʼkoa ar onko do ińko pańjayediń kana.

Johan 19:17

Ar Jisu do acʼakʼ kurus gokʼkate khạpriko metakʼ mitʼṭecʼ jaegateye senena. Ona jaega reakʼ ńutum do Ibrite Golgothako metakʼkan tahẽkana.

Romiko lạgitʼ Pạul Apostolakʼ ciṭhi 6:6

Baḍaegea bon, aboakʼ kại hoṛmo marao lạgitʼge aboren ‘mare hoṛtetʼ’ do Mạsi sãoteye kurus ocoyena jemon kạiren golam do ar alo bon tahen;

Romiko lạgitʼ Pạul Apostolakʼ ciṭhi 8:17

Ar gidrạko bon hoyakan khan, enḍekhan Isor acʼren gidrạko okaṭakʼ emokʼ reakʼe gokʼatʼko tahẽkan abo hõ ona bon ńama. Mạsige Isor ṭhen khon onae ńama ar abo hõ uni sãote ona bon ńama, ente Mạsi sãote bon harket sasetlen khan abo hõ uni sãote ṭhonokren bhạgiyạdar bon hoyokʼ.

1 Korinthiko 15:31

E boehako, aboren Probhu Jisu Mạsire ape reaṅ okaṭakʼle suhukʼetʼkan ona suhukʼre iń do dinạm hilokʼgeń gujukʼ kana.

1 Korinthiko 8:13

Onate jomakʼte ińren boehae tạkijokʼ khan, enḍekhan iń do tis hõ jel do bạń joma, jemon ińren boeha aloe tạkijokʼ.

1 Korinthiko 9:19

Iń do jãhãeren golamiń baṅkanre hõ sanamkoren golamiń hoyakana, jemon Mạsi lạgitʼ ḍher hoṛiń lab daṛeako.

Galathiko lạgitʼ Pạul Apostolakʼ ciṭhi 2:20

Iń do Mạsi tulucʼ iń kurus ocoakana. Onate jiwetʼ do bạnuńa, menkhan Mạsige ińre jiwetʼ menaea. Ar okaṭakʼ hoṛmote jioniń khemaokan ona do Isorren Hoponre pạtiạu hotetegeń khemaoeda. Uni do ińe dulạṛkedeńte acʼ apnartetʼe emena.

Galathiko lạgitʼ Pạul Apostolakʼ ciṭhi 5:24

Okoe doko Jisu Mạsiren kan, onko do akoakʼ jel reakʼ sanako kurus akatʼtakoa.

Galathiko lạgitʼ Pạul Apostolakʼ ciṭhi 6:14

Probhu Jisu Mạsiyakʼ kurus chaḍa ar cetʼte hõ jemon aloń sarhaokʼma. Noa kurus hotetege dhạrti do iń ṭhen gocʼgea ar iń hõ dhạrti ṭheniń gocʼgea.

Philipiko lạgitʼ Pạul apostolakʼ ciṭhi 3:10

Iń do Mạsi baḍaeye sanań kana ar oka daṛe hotete gocʼko khone jiwetʼ beretʼ ocolen ona hõ baḍae sanań kana. Iń do uniyakʼ duk sasetre bhạgiyạdar hoyokʼ hõ sanayediń kana. Ar oka monsubạteye gocʼlen iń hõ onkan monsubạge ńańam sanayediń kana.

Philipiko lạgitʼ Pạul apostolakʼ ciṭhi 3:7

Menkhan okako iń lạgitʼ lab tahẽkan onako do ńitokʼ Mạsi khạtirte lokshangeń bujhạueda.

Kolossiko lạgitʼ Pạul Apostolakʼ ciṭhi 1:24

Ape lạgitʼ oka duk sasetiń jometʼkan onate iń doń rạskạkʼ kana. Mạsiyakʼ hoṛmo reakʼ, metatʼme manḍerko lạgitʼ uniyakʼ oka duk saset ńit hõ sarecʼ menakʼ ona do ińakʼ hoṛmoreń purạueda.

Kolossiko lạgitʼ Pạul Apostolakʼ ciṭhi 3:5

Onate apeakʼ jel reakʼ sana oka menakʼ ona marao giḍikakʼpe. Ente onare joto lekan loṭghuṭi, bin napaeakʼ, bạṛicʼ sana, laloc ar dhon lalocko menakʼa, one oka do boṅga sewawakʼ lekakan.

2 Thessalonikiko 3:11

Alele ańjomeda ape modre adomko do ḍhilisiliko coloneda, ar kạmige bako kạmikana, bickomko ajare baṛayeda.

Titus lạgitʼ Pạul Apostolakʼ ciṭhi 2:12

Noa dayage aboye cetʼabon kana jemon Isor bebhokti ar dhạrti reakʼ lalocko bon baṅakʼte nahakʼ jugre apnar bon sambṛaokʼte Isor bhokti salakʼ dhorom jion bon khemao,

Ibriko 13:13

Onate dela bon, uniyakʼ henosta bon gogte nagraha bahre uni ṭhen bon calakʼma,

1 Patras 4:1

Onate Mạsi do hoṛmore duke sahaoletʼte ape hõ apnarakʼ ontorre inạ mitʼ monsubạge benao rakabtape, ente hoṛmore okoe duke jom akatʼ uni do kại reakʼ heowa khone thir akana.

1 Patras 4:13

Ona khon bickom Mạsiyakʼ duk jom reakʼ bhạgiyạdarkope hoyakante rạskạkʼpe, jemon uniyakʼ mạhima sodorokʼre ape do rạskạtepe perejokʼ.

2 Patras 1:14

ente ḍher din noa hoṛmo kumbạre bạń tahen ona do aboren Probhu Jisu Mạsi pusṭạuteye baḍae ocoakadińạ.

1 Johan 3:16

Mạsi do abon lạgitʼ acʼakʼ jiwiye emena, onate dulạṛ do cetʼkana mente bon baḍae orom akada. Enḍekhan boeha lạgitʼ apnar jiwi emokʼ aboakʼ hõ lek kan tabona.

Johan sodor 2:10

Am do okako dukem jom lạgidokʼkan onate thoṛa hõ alom botorokʼa. Ańjomme, Soetan do ape modren adomko biḍạupe lạgitʼ hajotreye bhoraopea, ar gel din hạbicʼ ape do kosṭope joma. Am do gujukʼ hạbicʼ pạtiạr akae tahenme, enḍekhan jitạukʼ reakʼ mala leka jioniń emama.