Mark 8:22 - সান্তালী বাইবেল

²² Jisu ar acʼren celako do Bethsaeda atoteko calaoena. Ar onḍe do mitʼṭen kãṛã hoṛ Jisu ṭhenko ạgukedea ar joṭedea menteko nehõradea.

Santali Common Language New Testament

²² Jisu ar acʼren celako do Bethsaeda atoteko calaoena. Ar onḍe mitʼṭen kãṛã hoṛ Jisu ṭhenko ạgukedea ar joṭedea menteko nehõradea.

Mark 8:22 Iomraidhean Croise

Mathae 11:21

“Hae amre, E Khorashin, hae amre E Bethsaeda! Aben talare oka hahaṛa kạmiko hoyakan, ona do Tur ar Sidon reakʼ nagrahare hoylen khan ḍher din laharege onko do gõṛẽ kicricʼ horokʼkate ar torocʼre duṛupʼkate kại khon monko ạcurketakoa.

Mathae 14:36

Ar joto dukhạliạko uni ṭhenko ạguketʼkoteko nehõradea jemon onko do uniyakʼ kicricʼ reakʼ ańcarko joṭetʼ daṛeakʼ; ar tinạkʼko joṭetʼketʼ onko do jotogeko bogeyena.

Mathae 8:15

Jisu do uniyakʼ tiye joṭetʼketʼtaea ar inạtege ruạ do chuṭạu gotʼentaea. Ar unre beretʼkate uni do Jisui sapʼsoradea.

Mathae 8:3

Jisu do ti tiạrkate joṭetʼkedeteye metadea, “Sanań kangea, ma saphakokʼme.” Ar unrege murhucʼ jom rog do bogeyentaea.

Mathae 9:29

Uni do mẽtʼe joṭetʼketʼ tạkinteye metatʼkinạ, “Aben cetʼleka ben pạtiạu akan, onkage hoyokʼma baṛe.”

Mark 2:3

Ona jokhecʼ mitʼṭen mitʼkaṛ gocʼ rog hoṛ do pon hoṛte gokʼkate uni ṭhenko ạgukedea.

Mark 3:10

Ar ḍher hoṛe boge akatʼko tahẽkante rugiko do uni joṭede lạgitʼko ṭhela ṭhilikʼkan tahẽkana.

Mark 6:45

Ona tayom Jisu do celako usạrae lạgitʼe metatʼkoa, jemon onko do lạukạre decʼkate doreão hanasako paromokʼte Bethsaeda atoteko calao hataṛokʼ, ar acʼ do gadel hoṛ bidạkoe ehopʼena.

Luk 10:13

“Hae am do E Khorasin! Hae am do E Bethsaeda! Okako hahaṛa kạmi aben talare hoyakan, ona do Tur ar Sidon nagrahare hoylen khan honaṅ ḍher din laharege onko do gõṛẽ kicricʼ horokʼkate ar torocʼre duṛupʼkate kại khon monko ạcurketakoa.

Luk 9:10

Ado oneye kolletʼko celakoko ruạṛ hecʼen khan cetʼ cetʼko kạmiketʼ ona joto do Jisuko lạiyadea. Unre Jisu doe soṅgeketʼkote Bethsaeda sor mitʼṭecʼ nisun jaegateye senena.

Johan 1:44

Philip do Bethsaeda atoren hoṛe tahẽkana, Andreas ar Patras hõ ona atorengekin tahẽkana.

Johan 12:21

Onko do Philip ṭhen hecʼkate nehõradeteko metadea, “E baba ale do Jisule ńelea.” Philip do Gạlil reakʼ Bethsaeda atoren hoṛe tahẽkana.