Mark 8:17 - সান্তালী বাইবেল

¹⁷ Ado celakoko galmaraokan reaṅe baḍaeketʼtako khan Jisui metatʼkoa, “Cedakʼpe meneda piṭhạ bạnukʼtapea? Ape do cetʼ ńit hõ bape baḍaekana se bape bujhạueda? Apeakʼ ontor do cetʼ goṛdho akantapea?

Santali Common Language New Testament

¹⁷ Ado celakoko galmaraokan reaṅe baḍaeketʼtako khan Jisui metatʼkoa, “Cedakʼpe meneda piṭhạ bạnukʼtapea? Ape do cetʼ ńit hõ bape baḍae kana se bape bujhạueda? Apeakʼ ontor do cetʼ goṛdho akantapea?

Mark 8:17 Iomraidhean Croise

Jesaea 63:17

E Probhu Isor, amakʼ hor bạgikate cedakʼem ạcur baṛa ocoyetʼlea? Ar alo jemonle botoram onate aleakʼ ontor dom keṭecʼetʼtalea. Amren gutiko lạgitʼ, metakʼme okoe bõsko amakʼ ạidạrire menakʼko, onko lạgitʼge ruạṛ hijukʼme baṛe.

Mathae 12:15

Ado ona soṛojontroe baḍaeketʼ khan Jisu do onḍe khone oḍok calaoena. Unre gadel hoṛ do uniko pańja idikedea.

Mathae 15:17

Cekate bape bujhạueda, moca secʼte oka bolokʼkan ona do lacʼte bolokʼkana, ar mucạtʼre do ṭanḍite oḍok giḍikʼa?

Mathae 16:7

Noate celako do ako ako talare kheńjer-meńjer baṛayenteko menkeda, “Piṭhạ babon ạgu toraletʼte noa kathae metabon kana.”

Mark 16:14

Inạ tayom Jisu do acʼren gelmitʼ celako ṭhene ńel ocoyena. Unre onko doko jojomkan tahẽkana. Ar onkoakʼ bepạtiạu ar keṭecʼ mon iạte uni doe nisrạuketʼkoa, ente gocʼko khone jiwetʼ beretʼen tayom okoeko ńellede onkoakʼ katha bako pạtiạuatʼ tahẽkana.

Mark 2:8

Jisu do unrege onkoakʼ mon reakʼ nạndi gundikʼakʼe baḍaeketʼ khane metatʼkoa, “Mone monete ona katha reakʼ do cedakʼpe hudisokʼ kana?

Mark 3:5

Unre Jisu do edrete onkoe beṅgetʼatʼkoa ar onkoakʼ keṭecʼ mon iạte bhabna salakʼ uni hoṛe metadea, “Amakʼ ti tiạyrtam.” Adoe tiyạrketʼ khan ti do boge utạrentaea.

Mark 6:52

ente niạ lahare piṭhại jom ocoletʼko reakʼ do bako bujhạu akatʼ tahẽkana; ente onkoakʼ mon do goṛdho akan tahẽkantakoa.

Mark 8:16

Onate celako do ako akoreko menjoṅana, “Piṭhạ bạnukʼ tabonte noae metabon kana.”

Luk 24:25

Khange Jisu do unkine metatʼkinạ, “Aben do cetʼge baben bujhạu akada. Abenakʼ mon do goṛdho akana, onate nạbikoko roṛakatʼ katha hõ baben pạtiạuakʼ kana.

Johan 16:30

Nitokʼ dole bujhạu daṛeakʼkana, bin baḍaeakʼ do cetʼge bạnukʼtama, ar jãhãege jãhãnakʼe kulime ona reakʼ jạruṛ hõ bạnukʼtama. Ona iạtegele pạtiạukʼ kana am do Isor ṭhen khonem hecʼakana.”

Johan 21:17

Uni do tesar dhao Simon Patrase metadea, “Jona hopon Simon, sạrigem dulạṛ edeńkana?” Patras doe mon dukena, ente Jisu do tesar dhao uniye kulikedea, “Sạrigem dulạṛedeń kana?” Onate Patras do Jisui metadea, “E Probhu am do jotowakʼgem baḍaea, ar noa hõm baḍaegea amiń dulạṛetʼme kana.” Jisu do uniye metadea, “Ińren bhiḍiko gupikom.

Johan sodor 2:23

Ar uniren gidrạko hõń gocʼ giḍikakoa. Onate sanam manḍerrenko baḍae daṛeakʼa, ińkangeạń manwakoakʼ mon ar ontor ḍunḍhạuicʼ do. Ar apeakʼ kạmiko leka mitʼke mitʼ hoṛ do joń emapea.