Mark 7:22 - সান্তালী বাইবেল

²² laloc, dusṭạmi, eṛe, umtạ umti, mẽtʼ jolokʼ, opoman, bạḍại ar bebujko oḍok hijukʼa.

Santali Common Language New Testament

²² laloc, dusṭạmi, eṛe, umtạ umti, mẽtʼ jolokʼ, opoman, bạḍại ar bebujko do oḍok hijukʼa.

Mark 7:22 Iomraidhean Croise

2 Bõsbudạ 32:31

Disạmre okaṭakʼ hahaṛa kạmi ńellen ona reaṅ kuliye lạgitʼ tinre Babelren mukhiyạko do goḍetko kolkedea unre Isor do uni biḍạue lạgitʼ iạteye bạgi oṭo akade tahẽkana, jemon uniyakʼ monre menakʼakʼ sodorokʼtae.

Sereńko 10:4

Bedhorom hoṛ do ṭheṭamute Probhu Isore neṅghao edeya; uniyakʼ bạṛicʼ monsubạre noa hudisge menakʼa Isor mente ar okoe hõ bạnukʼkoa.

Sereńko 119:36

Behok lab secʼ ińakʼ ontor alo ạcurokʼma, bickom amakʼ katha secʼgeń ạcurokʼ.

Kạhtukko 12:23

Budan hoṛ do acʼakʼ bidiạ reaṅ bae lại baṛaea, menkhan bebujko do akoakʼ lelhatetʼko lạṭicʼ baṛaea.

Kạhtukko 22:15

Gidrạ do sobhabtegeko bebujgea, menkhan ḍanṭao ṭheṅga do uni khon onae laga pharaka.

Kạhtukko 23:6

Lalocan hoṛkoakʼ jomakʼ do alom joma; ar uniyakʼ soṛom soṛom jomakʼko hõ alom hạ̃sakʼa;

Kạhtukko 24:9

Khaṭo bujan hoṛakʼ soṛojontro do kại kana; ar landa dhutʼicʼ do hoṛkoko hirkhạwaea.

Kạhtukko 27:22

Bebuj hoṛ do anaj sãote ukhuṛre toktem huṛuṅ gunḍạlere hõ, enhõ uniyakʼ lelhatetʼ do bae aṛagea.

Kạhtukko 28:22

Lalocan hoṛ do kisạ̃ṛokʼ lạgitʼe dhãoṛa dhạ̃uṛi baṛaea, menkhan uni do bae baḍaea okulạn do uniye tạṅgi akadeya mente.

Sosolhayic̕ 7:25

Ona iạte iń do mon iń murukkeda jemon ạkil ar jotowakʼ tayomre oka goṭawakʼ menakʼ onań baḍae daṛeakʼ ar biḍạu ar khoj hataokateń ńel daṛeakʼ, ariń bujhạu daṛeakʼ, bạṛicʼakʼ do bebujtetʼ kana mente ar bebujtetʼ do khepawakʼge.

Jesaea 59:13

Onako do hoyokʼkana, aleakʼ hul ar am baṅ aṅgocme, aleren Isor ṭhen khon sạṅgińte calakʼ, sasantao ar luṭ lạgitʼ uskạu ar mon khon eṛe katha phuṭạukate roṛ.

Jesaea 59:7

Onkoakʼ jaṅga do kại secʼge ńir calakʼtakoa; onko do bindusạnkoakʼ mãyãm joro ocoytako lạgitʼko usạrayeda. Onkoakʼ joto hudiskoge bạricʼgetakoa; onkoakʼ horre do jarkhar ar harkhetge menakʼa.

Jirimiạ 17:9

“Mon do sanamakʼ khon ṭhokgea, ona do oka lekate hõ baṅ bogekʼa. Manwa ontor do okoe hõ bae bujhạu daṛeakʼa.

Mathae 20:15

Ar okaṭakʼ ińakʼ kan, ona do cetʼ ińakʼ kusileka laṛcaṛ reakʼ ektiạri bạnukʼtińạ? Se ińiń dayakʼkante mẽtʼ jolokʼkan tama?’ ”

Mathae 6:23

Menkhan amakʼ mẽtʼ bạṛicʼ getam khan amakʼ goṭa hoṛmo hõ ńutgetama. Amre menakʼ marsal sạrige ńutgetam khan enḍekhan ona do artetʼ ńutgea!

Mark 7:21

ente manwa bhitri khon, metakʼme ontor khonge joto lekan bạṛicʼ hudis, laṭghaṭ, kombṛo, khũn,

Mark 7:23

Noako sanam bạṛicʼakʼ do manwa bhitri khonge oḍokʼ hijukʼ kana ar noatege manwa doe bhonḍokʼa.”

2 Korinthiko 10:5

Ale do manwakoakʼ eṛeteakʼle nosṭoyeda ar Isor baḍaeye horre tạkicʼakʼ leka oka hudis bundisko usulokʼe menjoṅkan ona dole dhaṅ dhasereda; ar mon reakʼ mimitʼ hudis bundisko do Mạsi ṭhenle gobol ocoyeda.

Dosar Biboron 15:9

Sontorokʼpe, apeakʼ monre dusṭạmi hudis do alope rakapʼ ocoya je, eaeakʼ bochor, metakʼme rin khalas reakʼ bochor hecʼakana mente. Ar noa hudiskate reṅgecʼre paṛao akan boeha secʼ alope kurkunḍujokʼa ar eken ti alope bidạgotʼkaea. Arpe onkae khan uni do Probhu Isor ṭhen ape upạrteye raga ar bicạre khoja onate apepe behoketʼ iạte dusirepe paṛaokʼa.

Dosar Biboron 28:54

Unre ape talare okoe dulạṛteye hara akana are sukhi hoṛkan, uniyakʼ ontorre hõ boeha se acʼren dulạṛiạ bạhutae se acʼren hopon ar hoponerakore mãyã baṅ hecʼaea metakʼme jãhãn jomakʼ hõ bae em hạṭińakoa.

Dosar Biboron 28:56

Unre ape modre okoeṭakʼ maejiu do dulạṛteye hara akan are sukhi hoṛkan uni hõ acʼren dulạṛiạ jãwãetetʼ se hopon ar hoponerako cetanre jãhãnakʼ cetʼ mãyãge baṅ tahentaea. Hopon se hoponera janame tayom uni hopon se hoponera ar ona tayom hoṛmo khon oḍok akantae baha, okaṭakʼge onko do bae jom ocokoa. Ente aperen bạiriko tinre apeko gherao esetʼkapea ar kosṭoreko paṛao ocopea unre uni do apnarge acʼakʼ ona hoṛmo khon oḍokʼ akan baha ar hopon do hape hapeteye jomea.

1 Patras 2:15

Isorakʼ sana do noage, ape do bhage kạmite lelha hoṛkoakʼ bebuj kathako jemonpe cabaetako.

1 Patras 5:5

Onkage E juạnko, ape do aperen murubbiko tabere tahenpe. Ar jotokoge nindhạn tahente mimitʼko sapʼ sopohotʼpe, ente sonot sostor reakʼ katha leka, “Isor do phulạukʼkankoe teṅgo darametʼkoa, menkhan nindhạnko doe dayawako kana.”