Mark 6:34 - সান্তালী বাইবেল

³⁴ Jisu lạukạ khone pheḍen khan gadel hoṛe ńelketʼkoa. Ar hoṛkore mãyã hecʼadea, ente onko do gupiyicʼ begor bhiḍi lekako tahẽkana. Ar Jisu do ạḍi okocʼakʼko reaṅ cetʼakoe ehopʼena.

Santali Common Language New Testament

³⁴ Jisu lạukạ khone pheḍen khan gadel hoṛe ńelketʼkoa. Ar hoṛkore mãyã hecʼadea, ente onko do gupiyicʼ begor bhiḍi lekako tahẽkana. Ar Jisu do ạḍi okocʼakʼko reaṅ cetʼakoe ehopʼena.

Mark 6:34 Iomraidhean Croise

1 Rapajko 22:17

Mikại roṛ ruạṛkeda, “Ińiń ńelkeda, Israelko do gupiyicʼ begor bhiḍi leka buru cetanreko chirchạtur akana. Onate Probhu Isore meneda, ‘nokoren do cele mạlikge bạnukʼkotakoa, onate onko do sulukte apan ạpin oṛakʼteko senjoṅma.’ ”

2 Bõsbudạ 18:16

Mikại roṛ ruạṛkeda, “Ińiń ńelkeda, Israelko do gupiyicʼ begor bhiḍi leka buru cetanreko chirchạtur akana. Onate Probhu Isore meneda, ‘nokoren do cele mạlikge bạnukʼkotakoa, onate onko do sulukte apan ạpin oṛakʼteko ruạṛ joṅma.’ ”

Jesaea 13:14

“Lagayede kan selepʼ jel leka, gupi begor bhiḍi leka mimitʼko do akoren hoṛ ṭhenko ruạṛ calakʼa, mitʼke mitʼ hoṛ do akoakʼ disạmteko dạṛa.

Jirimiạ 50:6

“Ińren hoṛ do atʼ akan bhiḍiko lekako hoyakana; onkoren gukʼpiko do bạṛicʼ horteko ghańjeṛ idi akatʼkoa. Onko gukʼpiko iạte onko do buru burukore ar boṭkocʼ boṭkocʼko calakʼkana ar akoakʼ chaṛko hiṛińakada.

Jeheskel 34:5

Gukʼpiko bạnukʼko iạte onko doko chirchạtur akana ar bir janwarkoren adharko hoyakana.

Sakariạ 10:2

Boṅga doko phạsiaragea, ar gonokko do eṛe kathako roṛa; onko okaṭakʼ kukmũ reakʼ kathako roṛ ona do eṛegetakoa, ar eṛe jiwi raṛecʼko emokʼkana. Ar hoṛko do santaokʼkan iạte bhiḍi lekako ạcur baṛaekana, ente onkoren gukʼpiyicʼ do bạnuitakoa.

Mathae 14:14

Ar lạukạ khone pheḍen khan uni do gadel hoṛko ńelte mãyã hecʼadea ar onko modre tinạkʼ rugiko tahẽkan onko jotokoe bogeketʼkoa.

Mathae 15:32

Inạ tayom Jisu do celako hohoatʼkoteye metatʼkoa, “Noko gadel hoṛkoreń mãyãkʼ kana, ente teheń pe mãhã hoyokʼ kana onko do iń sãote menakʼkoa, ar noko ṭhen jãhãn jomakʼge bạnukʼa. Ar reṅgecʼte bidạkako hõ baṅ sanań kana; ente hoedaṛeakʼa onko do horkoreko lorao botecʼjokʼa.”

Mathae 9:36

Uni do gadel hoṛe ńelketʼko khan mãyã hecʼadea, ente onko do gupiyicʼ begor bhiḍi leka laṅga arko asokʼ ṭayokʼ akan tahẽkana.

Mark 6:33

Ado calakʼkanko ńelketʼko khan ḍher hoṛge onkoko oromketʼkoa ar aḍepase atoko khonko ńir oḍokente ot otte onko laharege onḍeko jarwayena.

Mark 6:35

Ado ạyupʼ hijukʼkan tahẽkanre celako do hecʼkate Jisuko metadea, “Noa jaega do nisungea, ar bela hõe hạsurena.

Mark 8:1

Mitʼ din arhõ ạḍi utạr hoṛko jarwayena. Ar onko hoṛ ṭhen jãhãn jomakʼ baṅ tahẽkante Jisu do acʼren celako hohowatʼkoteye metatʼkoa,

Mark 8:2

“Noko hoṛkoreń mãyãkʼ kana, ente teheń pe din hoyokʼ kana iń sãote menakʼkoa; onko ṭhen do jãhãn jomakʼge bạnukʼa.

Luk 9:11

Menkhan gadel hoṛ do ona khoborko baḍaeketʼ khan Jisuko pańjakedea. Uni do onko hoṛkoe ataṅketʼkote Isorakʼ raj reakʼe lạiyatʼkoa. Ona chaḍa okoekoakʼ boge ocokʼ reakʼ jạruṛ tahẽkan onkoe bogeketʼkoa.

Ibriko 2:17

Onate Jisu do sanam secʼte acʼren boehako leka hoyokʼ hoylentaea, jemon uni do mãyãwan ar pạtiạranicʼ maraṅ naeke lekate Isorakʼkoe sapʼsor daṛeakʼ. Ar noa reakʼ monsubạ do hoyokʼ kana, jemon acʼakʼ gujukʼte manwakoakʼ kạiye ocogte Isore kusi ocoye.

Ibriko 4:15

Aboren maraṅ naeke do nonkanicʼ doe baṅkana one okoe aboakʼ ńijortetʼre abo tulucʼ duk bae ńam, ente abo leka uni hõ joto secʼ khonge kại reakʼ biḍạu samaṅreye teṅgolena menkhan bae kạileda.