Mark 6:2 - সান্তালী বাইবেল

² ar uniren celako hõ acʼ soṅgeteko sen torayena. Ado Jirạukʼ mãhã seṭeren khan uni do sunạgogre bolokate cetʼakoe ehopʼena. Ar ḍher hoṛ uniyakʼ katha ańjomkate hahaṛayente memenko ehopʼena, “Nui do oka khon noakoe ńam akada? Ar noa akele em ocoakan, noa baṅ cetʼkan? Ar uni do hahaṛa kạmiko hõe kạmikana.

Santali Common Language New Testament

² ar uniren celako hõ acʼ soṅgeteko sen torayena. Ado Jirạukʼ mãhã seṭeren khan uni do sunạgogre bolokate cetʼakoe ehopʼena. Ar ḍher hoṛ uniakʼ katha ańjomkate hahaṛayente memenko ehopʼena, “Nui do oka khon noakoe ńamakada? Ar noa akele em ocoakan, noa baṅ cetʼkan? Ar hahaṛa kạmiko hõe kạmi kana.

Mark 6:2 Iomraidhean Croise

Mathae 4:23

Jisu do Gạlil Prodes reakʼ sanam jaegakore dãṛã dãṛãte Jihudikoakʼ sunạgogkore cetʼakoe ehopʼena. Ona chaḍa uni do serma raj reakʼ bhage sombat porcar ar hoṛkoakʼ sanam lekan rog bighin ar ruạ hasokoe bogeyetʼtako tahẽkana.

Mathae 7:28

Jisu noako kathae mucạtʼketʼ khan gadel hoṛ do uniyakʼ cecetʼakʼteko hahaṛa cabayena,

Mark 10:1

Jisu do ona jaega khon uṭhạukate Jihudạ Prodes ar Jordan gaḍa hanasae parom calaoena. Ar gadel hoṛ do arhõ uni ṭhen hecʼkateko jarwayena. Unre uni do acʼakʼ cạli leka cetʼakoe ehopʼena.

Luk 2:47

Ar okoeko Jisuakʼ kathako ańjometʼkan tahẽkan, onko sanamko do uniyakʼ akel ńelte ar uniyakʼ roṛ ruạṛ ańjomteko ṭhak utạrokʼkan tahẽkana.

Luk 4:15

Uni do onḍenakʼ sunạgogkore cetʼakoe ehopʼena. Ar sanamkoge uni sabasiaeko ehopʼena.

Johan 6:42

Khan onko mukhiyạko do memenko ehopʼena, “Nũi do cetʼ Josephren hopon Jisu doe baṅkana? Nuiren go-babakin ma coṅ bon oromakatʼ kinge. Enḍekhan cekateye meneda, ‘iń do serma khoniń pheḍ hecʼakana?’ ”

Johan 7:15

“Nui hoṛ do jãhãn sikhnạt bae ńamakatʼre hõ cekate noako reaṅ doe baḍaekana?”