Mark 5:34 - সান্তালী বাইবেল

³⁴ Jisu do uniye metadea, “E mạ̃i, amakʼ pạtiạugeye boge akatʼmea. Sulukte calao joṅme, ar amakʼ duk khon boge akae tahenme.”

Santali Common Language New Testament

³⁴ Jisu do uniye metadea, “E mạ̃i, amakʼ pạtiạugeye boge akatʼmea. Sulukte calao joṅme, ar amakʼ duk khon boge akae tahenme.”

Mark 5:34 Iomraidhean Croise

2 Rapajko 5:19

Elisaeye menkeda, “Sulukte senjoṅ joṅme.” Naman do uni ṭhen khon thoṛa sạṅgińe senen khan Isorren hoṛ Elisaeren guti Gehosi do mone moneteye menkeda, “Aramren Naman okae ạguletʼ ona baṅ hataokate ińren mạlik do maṅnategeye aṛakʼkadea. Jiwetʼ Probhu Isor ńutumteń kiriạkʼ kana, uniń khudạu tiyogea ar uni ṭhen khon jãhãnakʼ iń hataogea.”

Sosolhayic̕ 9:7

Onate am do senkate rạskạte jomme ar sukte darkha rasa ńũ joṅme, ente Isor do amakʼ niạko kạmi reakʼ laha khongeye kusi ạgu akawada.

Levitikus 14:48

“Ona oṛakʼ potao tayom naeke do arhõe biḍạu doṛhaea ar rog baṅ pasnao akan khan ona oṛakʼ do saphagea menteye lại sodora, ente oṛakʼre rog do bạnukʼa.

Mathae 9:2

Unre hoṛko do jaṛao akan mitʼṭen mitʼkaṛ gocʼ rog hoṛ parkomte uni ṭhenko ạgukedea. Jisu do onko hoṛkoakʼ pạtiạu ńelte rugiye metadea, “Diljoṅ me, bacha amakʼ kạiko do ikạyen tama.”

Mathae 9:22

Jisu do ạcurente uni ńel ńamkedeteye metadea, “E mạ̃i dil joṅme. Amakʼ pạtiạugeye bogeakatʼmea.” Ar inạ ghuṛi khonge maejiu doe boge utạrena.

Mark 10:52

Jisui menkeda, “Do calakʼme, am do pạtiạu akantem bogeyena.” Uni hoṛ do unrege ńeńele ehopʼena ar horteye pańja idikedea.

Mark 3:10

Ar ḍher hoṛe boge akatʼko tahẽkante rugiko do uni joṭede lạgitʼko ṭhela ṭhilikʼkan tahẽkana.

Mark 5:29

Ar Jisuakʼ oyonakʼe joṭetʼketʼ são sãote mãyãm oḍokokʼ do thirentaea ar hoṛmoreye bujhạukeda rog do boge utạrentaea mente.

Mark 5:33

Uni maejiu do hoyakanakʼe bujhạuketʼ khan thar tharaoate hecʼkate Jisuakʼ jaṅgareye giḍiyena ar jotowakʼe lạiyadea

Luk 17:19

Ona tayom Jisu do uni hoṛe metadea, “Ma beredokʼme ar calao joṅme. Ente pạtiạu akantem bogeyena.”

Luk 18:42

Jisu do uniye metadea, “Onkage hoyokʼma. Am do amakʼ biswạsgeye bogeketʼmea.”

Luk 7:50

Jisu do uni maejiue metadea, “Pạtiạu akantem, kại khon bańcaoem ńamkeda. Ma sulukte calao joṅme.”

Luk 8:48

Onate Jisu do maejiue metadea, “E mạ̃i, amakʼ pạtiạugeye bańcao akatʼmea. Do sulukte ruạṛ joṅme.”

Aposkạmi 14:9

Ar uni hõ Pạulakʼ galmaraoe ańjomkan tahẽkana. Unre Pạul do uni secʼ sojheteye beṅgetʼkeda ar boge ocokʼ lạgitʼ biswạs menakʼtaea menteye ńelkede khan ãṭ aṛaṅte hohowateye metadea, “Amakʼ jaṅgate sojhete teṅgonme.” Ar inạtege uni hoṛ doe don beretʼente taṛame dhurạuena.

Aposkạmi 15:33

Unkin do Antiokiạre thoṛa din kin tahẽyena. Ar Jerusalemren okoe do Jihudạ ar Silạs Antiokiạteko kolletʼkin, Antiokiạren boehako do sulukteko bidạkatʼkinte Jihudạ ar Silạs do arhõ onko ṭhenko kol ruạṛkatʼ kinạ,

Aposkạmi 16:36

Unre daroga do Pạule metadea, “Disạm cakʼlaoyicʼ do Silạs ar am aṛakʼ ben lạgitʼe roṛgotʼ akada. Onate ma ńitokʼ do oḍokokʼ ben ar sulukte calao joṅben.”

Jakob 2:16

ar jãhãe uniye metae, “Amakʼ bhage hoyokʼtam ma, Do, jom ńũkate mońjte tahenme,” Menkhan jạṛuṛakʼ jãhãnakʼge bape bebostawae enḍekhan onate uniyakʼ do cetʼ jãhãn porho hoyokʼtaea?

1 Samuel 1:17

Unre Eliye menkeda, “Amakʼ jiwi baṛe raṛejokʼtam ma. Israelkoren Isor ṭhen okam khojakatʼ ona jemone emam.”

1 Samuel 20:42

Jonathan do Dạude metadea, “Aben do nirạite calakʼben, ente alaṅ do Probhu Isor ńutumte kiriạkate laṅ men akada, ‘Aben ar ạliń talare ar aben ar ạlińren bõsko talare jaejugren goha do Probhu Isorgeye tahẽyena.’ ” Inạ tayom Dạud do bidại hataokeda ar Jonathan do nagrahateye ruạṛ calaoena.