Mark 5:29 - সান্তালী বাইবেল

²⁹ Ar Jisuakʼ oyonakʼe joṭetʼketʼ são sãote mãyãm oḍokokʼ do thirentaea ar hoṛmoreye bujhạukeda rog do boge utạrentaea mente.

Santali Common Language New Testament

²⁹ Ar Jisuakʼ oyonakʼe joṭetʼketʼ são sãote mãyãm oḍokokʼ do thirentaea ar hoṛmoreye bujhạukeda rog do boge utạrena.

Mark 5:29 Iomraidhean Croise

1 Rapajko 8:37

“Disạmre akal se mahamạri ńellenre, ar phosol jhãoralenre se gocʼlenre, ar phosolko pohokoko jom cabaetakore, ar bạiriko onkoakʼ nagrahako gherao esetʼletakore, ar jãhãlekan ruạ se muhinko hecʼ paṛao akore,

Sereńko 103:3

Amakʼ sanam kại uni doe ikạitama; uni do amakʼ sanam rog bighinkoe bogeytama.

Sereńko 107:20

Acʼakʼ katha kolkate onkoe bogeketʼkoa; uni do ghaḍlakʼ khone owarketʼkoa.

Sereńko 147:3

Rạputʼ monanko doe bogeyetʼkoa; ar onkoakʼ sanam ghaokoe tolkatako kana.

Sereńko 30:2

E Probhu, ińren Isor, goṛowạń lạgitʼ iń hohowatʼmere am dom boge utạrkedińa.

Exodus 15:26

Uni doe metatʼko tahẽkana, “Ape do aperen Probhu Isorakʼ kathape bataotaea ar uniyakʼ mẽtʼre oka lek reakʼ kan onape onkaea ar uniyakʼ hukumkope luturakʼa ar uni emakʼ sanam niạmpe dohoya, enḍekhan Misriko cetanre okako rog iń ạguletʼ ape cetanre ona bạń ạguya. Ar iń Probhu Isorge ape doń bogepea.”

Levitikus 14:48

“Ona oṛakʼ potao tayom naeke do arhõe biḍạu doṛhaea ar rog baṅ pasnao akan khan ona oṛakʼ do saphagea menteye lại sodora, ente oṛakʼre rog do bạnukʼa.

Levitikus 20:18

Jãhãe maejiuakʼ candoteakʼ hoyokʼkantae oktere uni sãote jãhãeye giticʼmidokʼte maejiuakʼ jãhãn morjada bae emakʼ ar uni maejiu hõ apnarte morjada bae dohoy. Enḍekhan unkin do jạtrenko khonkin marao ocokʼa.

Mathae 9:20

Ona jokhecʼ mitʼṭen maejiu do tayom secʼ khon hecʼkate Jisuakʼ oyon ańcare joṭetʼketʼtaea. Ente uni do gelbar bochor khon pordhol ruạteye jạbun akan tahẽkana.

Mark 3:10

Ar ḍher hoṛe boge akatʼko tahẽkante rugiko do uni joṭede lạgitʼko ṭhela ṭhilikʼkan tahẽkana.

Mark 5:28

enteye monejoṅkan tahẽkana eken uniyakʼ kicricʼe joṭetʼ daṛeatae khangeye bogekʼa.

Mark 5:34

Jisu do uniye metadea, “E mạ̃i, amakʼ pạtiạugeye boge akatʼmea. Sulukte calao joṅme, ar amakʼ duk khon boge akae tahenme.”

Luk 7:21

Unre Jisu do ruạ hasote jạbun akanko ar bạṛicʼ jiu sapʼakatʼko hoṛkoe bogeketʼkoa ar kãṛã hoṛko hõ ńeńel daṛeye danatʼkoa.