Mark 4:31 - সান্তালী বাইবেল

³¹ Ona raj do mitʼṭecʼ tuṛi jaṅ lekana. One oka do joto itạko khon huḍiń utạrge.

Santali Common Language New Testament

³¹ Ona raj do mitʼṭen tuṛi jaṅ lekana. One oka do joto itạko khon huḍiń utạrge.

Mark 4:31 Iomraidhean Croise

Jesaea 53:12

Ona iạte iń do napṛakʼko talareń bakhrawaea ar uni do daṛeanko tulucʼ luṭakʼkoe bakhra joṅa, ente uni do gujukʼ hạbicʼ jiwiye alaeketʼtaea. Uni do kạiyanko tulucʼe lekha mitʼena; uni do ḍher hoṛkoakʼ kạiye gokʼ idikeda ar ghạghạṭko ńutumteye arojkeda.

Jesaea 53:2

Uni samaṅre bale cara leka uni doe omon rakapʼena ar rohoṛ ot khon rehetʼ poha lekae harayena. Uniyakʼ do nonkan rup se ṭhonok hõ baṅ tahẽkantaea, one onate uni secʼ bon beṅgetʼke; ar cetʼ ḍhob hõ baṅ tahẽkantaea, onate bon hạ̃ske.

Jesaea 60:22

Ape modre huḍiń utạricʼ do hajar hajare saṅgekʼa, ar kạṭicʼ utạricʼ do daṛean jạtgeye hoyokʼa. Iń kangeạń Probhu Isor do; okte nạpitre ińge usạrateń hoeocoya.”

Jesaea 9:7

Uniyakʼ mạliki reakʼ baḍhaokʼ ar suluk do baṅ cabakʼa. Uni do Dạudakʼ siṅghạson ar uniyakʼ rajosṭi cetanreye rajokʼa; uni do un okte khon jaejug hạbicʼ hok reakʼ bicạr ar dhoromte onae bandhaoa are ṭarhao utạra. Phạdkoren Probhu Isorakʼ ãṭge noae hoeocoya.

Sakariạ 12:8

Enhilokʼ iń do Jerusalemren hoṛkoń rukhiyạkoa. Unre onko talaren sanam khon nijor utạran hoṛ hõ Dạud lekako hoyokʼa ar Dạudren bõsko do Isor leka, metakʼme Probhu Isorren goḍetko leka onko laha lahateko calakʼa.

Sakariạ 2:11

Enhilokʼ jạt jạtrenko do iń sãoteko midokʼa ar ińren hoṛko hoyokʼa. Ar iń do ape talareń girobasokʼa.” Ar tinre ona hoyokʼa unrepe baḍae daṛeakʼa, phạdkoren Probhu Isor do ape ṭhen ińe kol akadińạ.

Malaki 1:11

Purub khon pạchim hạbicʼ sanam jạtrenko talare ińakʼ ńutum do maraṅokʼa. Iń ńutumte sanam ṭhạ̃irege dhupko jeredokʼa ar samaṅokʼ lạgitʼ sapha jinisko ạgukʼa, ente sanam jạtrenko talare ińakʼ ńutum do maraṅokʼtińạ.

Mark 4:30

Ona tayom Jisui metatʼkoa, “Isorakʼ raj do cetʼ sãote bon jurikea? Oka lekan phen hotete ona doń bujhạu ocoya?

Mark 4:32

Menkhan haralen khan do joto aṛakʼ sakamko khon napṛakʼge hoyokʼa, ar nunạkʼ maraṅ maraṅ ḍạrko hoyokʼa je, coṭren cẽṛẽko hõ ona reakʼ ḍạrkore tukạko benaojoṅa.”

Luk 17:6

Probhui menkeda, “Mitʼṭecʼ tuṛi jaṅ inạkʼgan pạtiạu tahentape ar noa loa darepe metakʼ, ‘rehetʼ sudhạ upṛạukʼte jalapurire khadlekʼme;’ ar inạtege ona dare do apeakʼ kathae ańjomtapea.

Aposkạmi 19:20

Nonkate Probhu Isorakʼ katha do pasnao idiyena ar hoṛkoakʼ monre uniyakʼ daṛe do arhõ bạ̃ṛti kạmiye ehopʼkeda.

Aposkạmi 2:41

Ado uniyakʼ kathare okoeko pạtiạuen onko doko bạptisena ar enhilokʼ onko sãote pe hajar hoṛko juṭucʼena.

Aposkạmi 21:20

Noa kathako ańjomketʼ khan onko murubbiko do Isorko sarhaokedea ar Pạulko metadea, “E boeha, am mam ńeletʼkokange, tinạkʼ hajar hajar Jihudiko do Jisureko pạtiạu akana, ar onko sanamkoge Moseyakʼ ạn-ạri pańja lạgitʼ ạḍiko ahkaokʼ kana.

Aposkạmi 4:4

Menkhan okoeko Patrasakʼ kathako ańjomletʼ onko modren ḍher hoṛgeko pạtiạuena; ar nonkate biswạsi hoṛko ḍher idiyente mõṛẽ hajarko hoyena.

Aposkạmi 5:14

Ar enrehõ ạḍi utạr herel ar maejiu do Probhu Isorreko pạtiạuena ar biswạsiko tulucʼko juṭucʼ idiyena.

Johan sodor 11:15

Tayomte eaeyicʼ serma goḍet do acʼakʼ siṅgại oroṅkeda. Unre sermare ãṭ aṛaṅte roṛena, “Dhạrti reakʼ rajosṭi do ńitokʼ aboren Probhu Isor ar uniren Mạsiyakʼ hoyena.