Mark 4:19 - সান্তালী বাইবেল

¹⁹ menkhan gharońj reakʼ dạndi, ar dhon reakʼ mãyã ar emanteakʼ laloc hecʼakokante onko do onako ten loṭomkakʼ kana;

Santali Common Language New Testament

¹⁹ menkhan gharońj reakʼ dạndi, ar dhon reakʼ mãyã ar emanteakʼ laloc hecʼakokante onko do onako ten loṭomkakʼ kana;

Mark 4:19 Iomraidhean Croise

Kạhtukko 23:4

Dhon lab lạgitʼ do alom dhãoṛa dhạ̃uṛi baṛaea; ar noa lạgitʼ amakʼ budre hõ alom bhorsakʼa.

Kạhtukko 23:5

Dhon secʼ amakʼ mẽtʼ calaolen khange ona do cabakʼa, ente ona reakʼ phạ̃kṛạ̃kʼko do janamokʼa ar pajhaṛ leka coṭ secʼe uḍạukʼa.

Sosolhayic̕ 4:8

Mitʼṭen hoṛ doe eskargea-uniren do gidrạ hõ bạnukʼkotaea; ar boeha hõ bạnukʼkotaea; enhõ uniyakʼ khaṭaokʼ reakʼ ses do bạnukʼtaea ar dhon duribte hõ mẽtʼ do baṅ tirpitokʼ kantaea. Uni doe kuliyana, “Okoe lạgitʼ iń khaṭaokʼ kana? Ar hesecʼ sekrecʼjokʼ khon do cedakʼ iń pharak akana?” Niạ do ạuṛiyakʼgea, ar haron bạḍkana.

Jesaea 5:2

Uni do beṛhaeteye la ạcurkeda ar ona reakʼ dhirikoe ocokʼ giḍikada ar onare joto khon bhageakʼ darkha nạ̃ṛĩye rohoekeda. Uni do ona talare usulge pahra oṛakʼe benaokeda ar darkha lelen kunḍ hõ onareye kholaokeda. Ona tayom do bhage darkha jo lạgitʼe koyokʼ horkeda, menkhan onare do jojo darkha jo joyena.

Jesaea 5:4

Ińakʼ darkha bagwan lạgitʼ okań ceka akatʼ ona khon bạ̃ṛti do ar cetʼ cekae hoykokʼtińa? Tinre iń do bhage darkha lạgitʼ iń koyokʼ horkeda unre cedakʼ onare jojo darkha jo do joyena?

Mathae 13:22

Jạnum jhạuạre eren itạ reakʼte do nonkanko lạgitʼge roṛ akana okoe do ona kathako ańjomketʼ, menkhan gharońj reakʼ dạndi ar dhon reakʼ mãyãte ona katha doko ten dohokakʼ kana. Onate onkore jãhãn jo do baṅ hoyokʼ kana.

Mathae 19:23

Unre Jisu do acʼren celakoe metatʼkoa, “Sạrigeń metapekana, kisạ̃ṛ hoṛko lạgitʼ serma rajte bolokʼ do muskilgea.

Mathae 3:10

Dare gonḍarege ṭeṅgocʼ do ṭenḍar dohoakana. Oka dare bhage baṅ jokʼ ona do makʼ giḍikʼte seṅgelre khadle ocokʼa.

Mark 4:18

Jạnumko talare erlen itạte do onko reaṅge roṛ akana okoe do ona kathako ańjomketʼ,

Luk 10:41

Unre Jisu do Marthae metadea, “Martha, E Martha, am do ạḍi okocʼ reaṅem dạndikʼ kana, arem uduṛ dhupuṛ baṛae kana,

Luk 21:34

“Sontor akae tahenpe, jemon apeakʼ mon do rij roṅ, ńũ bulokʼ ar gharońj reakʼ dạndite ten alo tahentape.

Johan 15:2

Ińre okako ḍạr baṅ jokʼ onako doe getʼ giḍikakʼa, ar oka ḍạrko jokʼkan onako doe kamana jemon arhõ bạ̃ṛti jokʼ.

Romiko lạgitʼ Pạul Apostolakʼ ciṭhi 12:2

Noa bạṛicʼ piṛhirenko leka do alope colona, bickom Isorge apeakʼ mon nãwãte tear ocowaepe ar purạte nãwã arokʼpe, jemon Isorakʼ monejoṅakʼpe baḍae daṛeakʼ. Isorakʼ monejoṅakʼko do bhagegea, ar purạ khạṭigea ar onate Isor doe kusikʼkana.

Ephesiko lạgitʼ Pạul Apostolakʼ ciṭhi 2:2

Dhạrti reakʼ cạli leka ape hõ pạhil do bebatao ar kạirepe dãṛãnkan tahẽkana. Ar okoeṭakʼ jiu doe hoe reakʼ etkiạriren rajkan uni bạṛicʼ jiuge Isorren bebatao hoṛko talareye kạmikana, ar ape do uni jiugepe pańjayede tahẽkana.

Ephesiko lạgitʼ Pạul Apostolakʼ ciṭhi 6:12

Aboakʼ noa lạṛhại do jãhãe manwa upạrte do baṅkana, bickom ona do ńut rajosṭi reakʼ joto lekan cakʼlaoko ar ektiạrianko upạrte, ńut dhạrtiren daṛean jiuko upạrte, ar coṭren joto bạṛicʼ jiuko upạrte.

Philipiko lạgitʼ Pạul apostolakʼ ciṭhi 4:6

Ar jãhãnakʼ reakʼge alope dandokʼa, bickom apeakʼ joto arojakʼko do koejoṅ ar nehõrate gunmanao johar salakʼ Isor baḍae ocoyepe.

1Timothi 6:17

Noa puriren kisạ̃ṛko hukumakome jemon onko do aloko usul monokʼ ar nasaokʼ dhonre aloko bhorsakʼ, menkhan Isorrege bhorsa akaeko tahenma. Unige mạṅgnite jotowakʼe kulạu anṭao abon kana rạskạte beoharjoṅ lạgitʼ.

2Timothi 4:10

ente Demas do nonḍenakʼ dhạrtiye dulạṛetʼkante iń bạgikate Thessalonikiteye calaoena. Ona chaḍa Kreskes do Galatiạteye calaoena ar Titus do Dalmatiạte;

2 Patras 1:8

Apeakʼ noako gun tahentape khan ar onako baḍhao idikʼkan khan, enḍekhan aboren Probhu Jisu Mạsi do khạndri ontor khon baḍaeyere okaj ar bin joanko do bape hoyokʼa.

Jihudạwakʼ ciṭhi 1:12

Noko hoṛ do dilkate apeakʼ helmel bhojkoreko seletʼ emanlen khan ona bhojre mạilạ lekako hoyokʼa. Noko do eken ako reaṅakʼgeko dạndikʼa. Noko do hoete oṭaṅ calakʼkan bin dakʼan rimil leka kanako. Jo tiokʼ jokhecʼ bin joanakʼ dare kante rehetʼ sudhạ pạṭupʼ giḍi akatʼ leka noko do banar secʼ tegeko gocʼgea.