Mark 2:12 - সান্তালী বাইবেল

¹² Unrege uni hoṛ doe beretʼena ar acʼakʼ parkom kuṭuṅkate jotoko samaṅre bahreteye oḍok calaoena. Ar noa iạte sanamkoko hahaṛayena ar Isor sarhaokedeteko menkeda, “Nonkanakʼ do tishõ babon ńelakada.”

Santali Common Language New Testament

¹² Unre uni hoṛ doe beretʼena ar acʼakʼ parkom kuṭuṅkate jotoko samaṅre bahreteye oḍok calaoena. Ar noa iạte sanamkoko hahaṛayena ar Isor sarhaokedeteko menkeda, “Nonkanakʼ do tishõ babon ńelakada.”

Mark 2:12 Iomraidhean Croise

Mathae 12:23

Onate uni hoṛ do roroṛe ehopʼena ar ńeńel daṛeye ńamkeda. Unre sanam hoṛ do hahaṛayenteko menkeda, “Nui do cetʼ Dạudren hopon doe baṅkana?”

Mathae 15:31

Onate guṅgạko roroṛkan, leḍhako taṛamkan, ṭhunṭạko bogekʼkan, ar kãṛãkoko ńeńelkana menteko ńelketʼko khan gadel hoṛ doko hahaṛa cabayena, ar Israelren Isorko sarhaokedea.

Mathae 9:33

Jisu do bhute oḍok giḍikade khan uni hoṛ do roroṛe ehopʼena. Onate sanam hoṛ do hahaṛayenteko menkeda, “Israel disạmre nonka do ar tishõ baṅ ńelakana.”

Mathae 9:8

Ar hoṛko do noa ńelte botor caṛhaoatʼkoa, ar manwa nonkan ektiạriye em akawadete Isor sarhaoeko ehopʼena.

Mark 1:27

Noa ńelte hoṛko do hahaṛayente ako akore kuliyana. “Noako do cetʼ kana? Ar noa ektiạrite perecʼ nãwã cecetʼakʼ baṅ cetʼkan? Ente uni do bạṛicʼ jiukoe hukumako kana ar onko do uniyakʼ kathako bataoetʼtaea.”

Mark 2:11

“Ińiń metamkana, ma beretʼme, ar amakʼ parkom kuṭuṅkate oṛakʼte calakʼme.”

Luk 13:13

Ar noa katha menkateye capokedea ar inạtege uni doe sojheyente Isor gunmanao joharaye ehopʼena.

Luk 17:15

Ado onko modre mitʼ hoṛ do bogeyene ńelketʼ khan ãṭ aṛaṅte Isor sarhao sarhaoateye ruạṛ hecʼena ar Jisuakʼ jaṅga pheḍre taberenteye gunmanao joharadea.

Luk 5:26

Onate sanam hoṛko ṭhak cabayena ar botorokʼ salakʼ Isor sabasiyaeteko menkeda, “Teheń do hahaṛawakʼge bon ńelkeda!”

Luk 7:16

Noate sanam hoṛ do botor caṛhaoatʼkoa ar Isor sabasiaete memenko ehopʼena, “Abo talare mitʼṭen maraṅ nạbigeye upel akana. Isor do acʼren hoṛkoe hiri akatʼbona.”

Johan 7:31

Menkhan ḍher hoṛge Jisure pạtiạuenteko menkeda, “Nui do aema hahaṛawakʼkoe kạmikana. Mạsiye hecʼlenre noako khon hõ bạ̃ṛti hahaṛawakʼko cetʼ bae kạmiya?”

Johan 9:32

Dhạrti sirjạu khon tis hõ baṅ ańjom akana jonom kãṛã hoṛakʼ mẽtʼ jãhãeye jhicʼ akatʼa mente.

Aposkạmi 4:21

Unre onko do Patras ar Johan arhõ botorko udukʼatʼkinte unkinko aṛakʼkatʼkinạ. Onko do hoṛkoko botoratʼkote bako goṭa daṛeada cetʼ lekateko sạjạikinạ mente, ente oka hoyakan onate joto hoṛge Isorko sarhaoedekan tahẽkana.