Mark 16:17 - সান্তালী বাইবেল

¹⁷ Okoeko pạtiạukʼ onkore do noako cinhạ ńelogokʼa, onko do iń ńutumte bạṛicʼ jiukoko oḍok giḍikoa, ar nãwã nãwã pạrsite kathako roṛa,

Santali Common Language New Testament

¹⁷ Okoeko pạtiạukʼ onkore do noako cinhạ ńelogokʼa, onko do iń ńutumte bạṛicʼ jiukoko oḍok giḍikoa, ar nawa nawa pạrsite kathako roṛa,

Mark 16:17 Iomraidhean Croise

Mark 9:38

Johan do Jisui metadea, “E Guru, mitʼṭen hoṛ do am ńutumte bạṛicʼ jiukoe oḍok giḍiyetʼkokanle ńelkede khan uni dole manakadea, ente abo dolren doe baṅkana.”

Luk 10:17

Ado onko eaegel celako do rạskạte ruạṛ hecʼkateko metadea, “E Probhu Isor, amakʼ ńutumle ńumetʼ khange bhutko hõ aleakʼ kathako ańjometʼ kana.”

Johan 14:12

“Sạrigeń metapekana, okoe ińreye pạtiạukʼkan uni do iń okakoń kạmikan uni hõ onakoe kạmiya. Ar Baba ṭheniń calakʼkante uni do noako khon arhõ maraṅ maraṅakʼkoe kạmiya.

Aposkạmi 10:46

Onko do onako bujhạu daṛeada ente noko be-Jihudiko hõ eṭakʼ eṭakʼ pạrsite roroṛkan ar Isor sabasiaekanko ańjomketʼkoa. Unre Patrase menkeda,

Aposkạmi 16:18

Uni do ḍher din hạbicʼe nonka idikeda. Mucạtʼre Pạul doe ạṛisen khan beṅgetʼ ạcurkate uni bạṛicʼ jiue metadea, “Jisu Mạsi ńutumteń hukumam kana, nui khon oḍok calakʼme.” Ar unrege uni bạṛicʼ jiu do uni khone oḍok calaoena.

Aposkạmi 19:6

Ar Pạul do onkoe capoketʼko khan onkore sonot Jiue hecʼena, ar onko do eṭakʼ eṭakʼ pạrsite roroṛkan ar nạbi leka Isorakʼ katha lạlạiko ehopʼena.

Aposkạmi 2:33

Isorakʼ jojomsa aṛere duṛubokʼ reakʼ ṭhonok do unigeye dan akawadea are gokʼade tahẽkana sonot Jiu do Isor Baba ṭhen khongeye ńam akadea; ar ńitokʼ ape okape ńeletʼkan arpe ańjometʼkan ona do Jisugeye emakana.

Aposkạmi 5:16

Ar Jerusalem reakʼ aḍepase atoko khon ḍher hoṛ do akoren rugiko ar bạṛicʼ jiute sasetokʼkan hoṛkoko ạgu daraketʼkoa, ar onko sanamkogeko bogeyena.

Aposkạmi 8:7

Ar ḍher hoṛko khon bạṛicʼ jiuko do ãṭ aṛaṅte hohowateko oḍok calaoena ar mitʼkaṛ gocʼ rog hoṛ ar leḍhako hõko bogeyena.

1 Korinthiko 12:10

ar adomko do judạ judạ pạrsite roṛ reakʼ daṛe se judạ judạ pạrsite torjoma reakʼ daṛe ini mitʼ Jiugeye kạmi ocoyeda.

1 Korinthiko 12:28

Isor do manḍerre pạhilte apostolko, dosarte nạbiko, tesarte cecetʼkoe dohoketʼkoa. Ona tayom noko hoṛkoe bachaoketʼkoa, one okoe do hahaṛa kạmi reakʼ ektiạriko ńamakatʼ, ar okoe do ruạ boge reakʼ daṛe, ar okoe do goṛowako reakʼ daṛe, ar okoe do calao ganao reakʼ daṛe, okoe do pạrsi torjoma reakʼ daṛeko ńamakatʼ, ar onko sanamkoge cetʼ apostol kanako?

1 Korinthiko 12:30

Sanamkoge cetʼ ruạ haso boge daṛeakʼ reakʼ ektiạri menakʼ takoa? Sanamkoge cetʼ aema lekan pạrsiteko roṛeda? Sanamkoge cetʼ ona reakʼ maneko bujhạuako kana? Khạṭige baṅa.

1 Korinthiko 13:1

Manwakoakʼ ar serma goḍetkoakʼ pạrsiteń roṛlere hõ dulạṛ bạnukʼtiń khan, raṛaṅ raṛaṅokʼkan ghonṭa ar chaṅ chaṅokʼkan kortalgeń hoyakana.

1 Korinthiko 14:2

Eṭakʼ pạrsite roroṛicʼ do manwako ṭhen katha bae roṛeda, menkhan Isor ṭhengeye roṛeda; ente ona do okoe hõ bako bujhạu daṛeakʼa; uni do Jiu hotete sạri okoakʼko reakʼe roṛeda.