Mark 15:14 - সান্তালী বাইবেল

¹⁴ Pilạte metatʼkoa, “Cedakʼ, cetʼe dos akatʼte?” Menkhan hoṛko do artetʼ ãṭ aṛaṅte hohoate memenko ehopʼena, “Uni do kurus kaeme.”

Santali Common Language New Testament

¹⁴ Pilạte metatʼkoa, “Cedakʼ, cetʼe dosakatʼte?” Menkhan hoṛko do artetʼ ãṭ aṛaṅte hohoate memenko ehopʼena, “Uni do krus kaeme.”

Mark 15:14 Iomraidhean Croise

Sereńko 69:4

Okoe khamakha iń cetanreko edrekʼkan Onkoakʼ lekha do ińakʼ bohokʼ upʼ khon hõ ḍhergea. Ar okoe iń nosṭoyińko menetʼkan onko do ạḍiko daṛegea; onko do eṛe iạte ińren bạiriko hoyakana. Ar bạń kombṛo akatʼre hõ em ruạṛ hoyokʼkan tińạ.

Jesaea 53:3

Hoṛko do uniko hirkhạwadea arko nihạ̃tkedea; uni do duk jom ar harkhet saset bakʼḍayicʼgeye tahẽkana. Uni ńelte hoṛko do mẽtʼãhãko bedokʼkan tahẽkana; onko do uniko hirkhạwae kan tahẽkana ar abo hõ babon manotledea.

Jesaea 53:9

Uni do jor julumakkoʼ bae kạmi akatʼre hõ se uniyakʼ mocare eṛeteakʼ baṅ tahẽkanre hõ, enhõ bedhoromko ṭhen uniyakʼ topako tearkeda ar gujukʼte uni do kisạ̃ṛ hoṛ tulucʼe soṅgeyena.

Mathae 27:19

Ado Pilạt tinre bicạr duṛupʼakʼreye duṛupʼ akan tahẽkana unre uniren oṛakʼ hoṛ do kathae roṛgotʼkada, “Uni dhoromicʼ do jãhãnakʼ alom cekayea, ente uni iạte teheń kukmũte ạḍi duk iń ńam akada.”

Mathae 27:4

“Kại akadạń, ente bin dusạnicʼ gocʼ ocoye lạgitʼ iń soprot akadea.” Onkoko metadea, “Onate aleakʼ do cetʼ? Amge ńeljoṅme.”

Mathae 27:54

Subedar ar uni tulucʼ Jisuko horhoyede tahẽkanko do dhạrti laṛao ar eṭakʼ ghoṭnako ńelkate ạḍi bạṛicʼko botorena arko menkeda, “Sạrige uni do Isorren Hopongeye tahẽkana.”

Mark 15:13

Onko do ãṭ aṛaṅte hohoateko menkeda, “Uni do kurus kaeme.”

Mark 15:15

Ar Pilạt do hoṛko kusi ocoko lạgitʼ Barabbageye aṛakʼatʼkoa, ar Jisu do cạbuke reakʼe hukumketʼte kuruskae lạgitʼe aṛakʼatʼkoa.

Luk 23:21

Menkhan onko do noa menkate hohoko dhurạuena, “Kuruskae me, kuruskae me.”

Luk 23:4

Unre Pilạt do maraṅ naekeko ar sanam hoṛkoe metatʼkoa, “Iń do nui hoṛakʼ jãhãn dosge bạń ńametʼtaea.”

Luk 23:41

Alaṅ ma lek reakʼ ar kạmi akatʼ lekage sạjại laṅ ńametʼkan, menkhan nui do cetʼ hõ bae dosakatʼa.”

Luk 23:47

Noa ńelte Romren subedar do Isor sarhaokedeteye menkeda, “Sạrige uni do bin dusạngeye tahẽkana.”

Johan 18:38

Pilạt do uniye metadea, “Sạriyakʼ do cetʼ kana? Noa katha menkate uni do arhõ bahrete senkate Jihudi mukhiyạkoe metatʼkoa, “Iń do nuiyakʼ cetʼ dosge bạń ńametʼtaea.

Johan 19:6

Ado Jisuko ńelkede khan maraṅ naekeko ar kạmiyạko do hohowateko menkeda, “Kurus kaeme, uni do kurus kaeme.” Pilạt do hoṛkoe metatʼkoa, “Apege idiyete kurusepe, ente uniyakʼ jãhãn dosge bạń ńametʼtaea.”

Aposkạmi 13:28

Onko do Jisuakʼ gocʼ ocokʼ reaṅ jãhãn dos bako ńamletʼtaere hõ Pilạtko metadea jemon uniye goje.

Aposkạmi 19:34

Menkhan hoṛko do Aleksander Jihudi kanae menteko baḍaeketʼ khan sanamkoge mitʼ sãote bar ghonṭa ganko hohokeda, “Ephesuskoren Artemis debgeye maraṅa”

Ibriko 7:26

Nonkan mitʼṭen sonoticʼ, bin dusiyicʼ ar niphuṭ utạricʼ maraṅ naekege jạruṛ tahẽkan tabona. Uni do kại hoṛko khone begargea ar Isor do serma khon hõ bạ̃ṛti usule rakapʼ akadea.

1 Patras 1:19

ape dope kiriń chaḍao akana niphuṭ ar bedagan Bheḍa Hopon Jisu Mạsiyakʼ mãyãmte.