Mark 13:31 - সান্তালী বাইবেল

³¹ Serma ar dhạrti do cabakʼa menkhan ińakʼ kathako do jaejug hạbicʼ tahena.

Santali Common Language New Testament

³¹ Serma ar dhạrti do cabakʼa menkhan ińakʼ kathako do jaejug hạbicʼ tahena.

Mark 13:31 Iomraidhean Croise

2 Rapajko 15:12

Probhu Isor do Jihu okae metade tahẽkan, “Amakʼ bõsren pon piṛhi hạbicʼ Israelakʼ siṅghạsonreko duṛupʼa” ar ona do purạuena.

Sereńko 19:7

Probhu Isorakʼ ạn do sạbitgetaea, ona do manwae jiwetʼ ocoyea. Probhu Isorakʼ katha do ṭehãḍokʼakʼ kangea, ona do soṛa monanko akele emakoa.

Jesaea 40:8

Ghãs do rohoṛokʼa ar baha do ńurokʼa menkhan aboren Probhu Isorakʼ katha do jaejug tahẽ akan tahenkana.”

Jesaea 51:6

Serma secʼ beṅgetʼ rakabpe ar ot secʼ beṅgetʼ pheḍpe. Serma do dhũạ leka oṭaṅokʼa, ar ot do kicricʼ leka marekʼa ar onare girobasokʼ kan hoṛ doko gujukʼa. Menkhan ińakʼ babańcao do jaejug hạbicʼ tahẽakan tahena ar ińakʼ dhorom do tishõ baṅ mạutạkʼa.

Sakariạ 1:6

Menkhan iń do ińren gutiko, metakʼme nạbiko okań hukumatʼko tahẽkan, ińakʼ onako katha ar niạm lekate aperen hapṛamko do cetʼ sạjại bako ńamleda? Unre onko do mon ạcurkateko menleda, sanam daṛeanicʼ Probhu Isor do onkoakʼ ạri cạli ar hewa lekate onko lạgitʼ okae ṭhik doholetʼ onageye kạmi akada.’ ”

Numeri 23:19

Isor do manwae baṅkana onate uni do eṛe kathae roṛa; uni do manwa khon hõ bae janam akana, onate moneye bodoltaea. Uni okae men ona do hoyokʼgea, ar acʼakʼ gokʼakʼ do jaogeye purạueda.

Mathae 24:35

Serma ar dhạrti do cabakʼa, menkhan ińakʼ katha do jaejug hạbicʼ tahena.

Mathae 5:18

Sạrigeń metapekana, serma ar dhạrti ạuri cabakʼ hạbicʼ, ar ạn-ạri reakʼ sanamakʼ kathako ạuri purạukʼ hạbicʼ ona ạn-ạri reakʼ mitʼ akhor se ṭuḍạkʼ hõ oho meṭaolena.

Mark 13:30

Sạrigeń metapekana, noako hoylenre hõ niạ piṛhiren thoṛa hoṛ do bańcaoko tahena.

Mark 13:32

“Ona din ar ona okte reakʼ katha do okoe hõ bako baḍaea, sermaren goḍetko hõ baṅ, ar Hopon hõ baṅ, eken Babageye baḍaea.

Luk 21:33

Ot ar serma do cabakʼa, menkhan ińakʼ kathako do jaejug hạbicʼ tahena.

2Timothi 2:13

Abo do bepạtiạrko bon hoylenre hõ uni do pạtiạricʼgeye tahena, ente acʼtetʼ do ohoe baṅ daṛelena.

Titus lạgitʼ Pạul Apostolakʼ ciṭhi 1:2

Iń do jaejug jion ńam reakʼ aste Mạsiń sewawae kana. Dhạrti ạuri sirjạure bin eṛeyicʼ Isor do noa jion imạń reakʼe gokʼ akawạdińa.

Johan sodor 20:11

Ona tayom mitʼṭecʼ maraṅ okocʼ ponḍ siṅghạson ar onare duṛupʼ akan mitʼ hoṛiń ńelkedea. Uni samaṅ khon dhạrti ar serma do ńir pharakena, ar onkinakʼ jaega do okarehõ baṅ ńamlena.