Mark 13:22 - সান্তালী বাইবেল

²² ente eṛe Mạsi ar eṛe nạbikoko upelokʼa ar maraṅ maraṅ hahaṛa kạmi ar cinhạkoko uduga, hoydaṛeakʼ khan Isorren bachaoko hõko bulạu daṛeakoa.

Santali Common Language New Testament

²² ente eṛe Mạsi ar eṛe nạbikoko upelokʼa ar aema lekan hahaṛa kạmikoko uduga, hoedaṛeakʼ khan Isorren bachaoko hõko bulạu daṛeakoa.

Mark 13:22 Iomraidhean Croise

Mathae 24:24

ente aema eṛe Mạsi ar eṛe nạbikoko upelokʼa ar maraṅ maraṅ hahaṛa kạmi ar cinhạkoko uduga jemon Isorren bachao akan hoṛkoko bulạu daṛeako.

Mathae 7:15

“Eṛe nạbiko khon sontor akae tahenpe. Onko do bhiḍi chinte ape ṭhenko hijukʼa, menkhan bhitri bhitrite onko do jojom hunḍạr kanako.

Mark 13:21

“Unre jãhãegeko metape, ‘ńelpe, Mạsi do nonḍe menaea,’ se ‘hanḍe menaea,’ alope pạtiạuakʼa;

Mark 13:23

Menkhan ape do sontor akae tahenpe. Ńelpe, laharege jotowakʼ iń lại dohowatʼpea.

Mark 13:6

Ente ḍher hoṛge iń ńutumte hecʼkateko mena, ‘iń kangeạń uni do,’ ar aema doko bulạu ocokʼa.

Johan 4:48

Jisu do uni raj kạmiyạ hoṛe metadea, “Jãhãn cinhạ se hahaṛa kạmi bape ńellekhan ape do okalekate hõ ohope pạtiạulena.”

Dosar Biboron 13:1

“Ape modren jãhãn nạbi se kukmũ ńelkate tayom daram reakʼ kathae lại daṛeakʼ nonkanicʼ jãhãeye upellen khan ar ape ṭhen jãhãn hahaṛa cinhạ se kạmi reakʼ kathae men ar sạrige ona hoyokʼ. Ar uni hoṛ hõ ape ṭhen nãwãn nonkan debotako reaṅ katha lạiyapeteye men, ‘dela bon pańjakoma arbon sewawakoma,’

2Timothi 2:19

Enrehõ Isorakʼ gathaoakʼ kajak rehetʼ do teṅgo akana, ar ona cetanre mohor chapakatʼ leka noa kathako ol menakʼa, “Probhu Isor do acʼrenkoe baḍaeyetʼkoa, ar Mạsi do Probhu mente okoeko hohowaekan onko do sanam lekan bedhorom kạmi khonko sahaṛokʼma.”

1 Johan 2:18

E hoponińko, noa kangea mucạtʼ okte do. Apepe ańjom akada je, Mạsiren bạiriye hijukʼkana mente, menkhan ńitrege uniren do arhõ aema bạiriko hecʼakana. Onate bon bujhạu daṛeakʼkana, noa kangea mucạtʼ okte do.

1 Johan 2:19

Mạsiren noko bạiriko do abo tala khonko oḍok akana. Menkhan onko do aboren hoṛ bako tahẽkana. Ente aborengeko tahẽlen khan, enḍekhan abo sãotegeko tahẽkokʼa honaṅ, menkhan onko doko oḍok sen akante bujhạukʼ kana okoe hõ aboren doko baṅkana.

1 Johan 2:26

Okoe bạṛicʼ horte idipe lạgitʼko kurumuṭuyetʼkan, onko reaṅ iń do noakoń olatʼpea.

Johan sodor 13:8

Okoe doko noa dhạrtirenkan, metakʼme dhạrti rehetʼ khon gocʼ ocolen Bheḍa Hoponakʼ jion puthire okoekoakʼ ńutum ol bạnukʼtako onko sanamko do Isor leka uniko sewawaea.

Johan sodor 17:8

Ar okoe janwarem ńellede uni do lahateye tahẽkana, menkhan ńitokʼ do bạnugicʼan. Tayomte ona athan kunḍ khon rakapʼ hecʼkate uni do jaejug hạbicʼ sạjạiye joma. Unre okoe doko noa dhạrtirenkan, metakʼme dhạrti sirjạu khon okoekoakʼ ńutum do jion reakʼ puthire ol bạnukʼ onko do uni janwar ńelteko hahaṛakʼa; ente janwar do pạhile tahẽkana, ńitokʼ do bạnuiya, menkhan arhõe ńel ocokʼa.