Mark 13:11 - সান্তালী বাইবেল

¹¹ Ar bicạr lạgitʼko sapʼ idilepere laha khon alope bhabnakʼa cetʼko roroṛ hoyokʼtapea mente. Ona jokhecʼ oka kathape lại ocokʼ, onage roṛpe, ente apege roroṛ hoyokʼtapea ona do baṅ bickom sonot Jiugeye roṛa.

Santali Common Language New Testament

¹¹ Ar bicạr lạgitʼko sapʼ idilepere laha khon alope bhabnakʼa cetʼko roroṛ hoyokʼtapea mente. Ona jokhecʼ oka kathape lại ocokʼ, onage roṛpe, ente apege roroṛ hoyokʼtapea ona do baṅ bickom sonot Jiugeye roṛa.

Mark 13:11 Iomraidhean Croise

2 Samuel 23:2

Probhu Isorren Jiu do iń hotete kathae roṛeda, uniyakʼ katha do ińakʼ luṭire menakʼa.

Jesaea 50:4

Probhu Isor do sikhnạt reakʼ alaṅgeye em akawadińạ jemon katha hotete laṅga akan hoṛkoń goṛo daṛeako. Uni do dinạm hilokʼ setakʼ jokhecʼe ebhen edeńkana ar ińakʼ luture cetao ocoyetʼtińạ jemon mitʼṭen cela lekań ańjomtae.

Mathae 10:17

Sontor akae tahenpe, ente maraṅ bạisiren hoṛkoakʼ tireko soprotpea ar onkoakʼ sunạgogkore cạbukteko dalpea.

Mark 13:12

“Boeha do boehatetʼe soprotea, apat do hopontetʼ gocʼ ocoye lạgitʼe sapʼocoyea. Gidrạko do go-baba upạrteko teṅgona arko khũn ocokoa.

Mark 13:9

“Sontor akan tahenpe. Maraṅ bạisiren hoṛko ṭhenko soprotpea ar sunạgogkoreko dalpea. Iń iạte disạm cakʼlaoko ar rapajko samaṅre teṅgokʼ hoyokʼtapea; ar onko samaṅre iń reaṅ goha emokʼ hoyokʼtapea.

Luk 21:12

“Noako hoyokʼ lahare hoṛko do apeko sapʼpea arko santaopea. Ar bicạrpe lạgitʼ sunạgogreko idipea ar hajotreko bhoraopea. Iń iạte rapajko ar disạm cakʼlaoko samaṅreko idipea,

Johan 3:27

Unre Johane roṛ ruạṛatʼkoa, “Serma khon baṅ emlen khan okoe hõ cetʼge ohoe ńam daṛelea.

Aposkạmi 2:4

Onate onko jotoge sonot Jiuteko perecʼena ar uni Jiue danatʼko daṛe leka eṭakʼ eṭakʼ pạrsite roroṛko ehopʼena.

Aposkạmi 3:13

Abraham, Isahak ar Jakobren Isor, metakʼme aboren hapṛamkoren Isorge noa kạmi hotete acʼren guti Jisuakʼ ṭhonoke sodor akada. Ape ma goje lạgitʼ mukhiyạkoakʼ tirepe soprotlede. Pilạt do aṛakʼkaegeye menleda, menkhan Pilạt samaṅre unipe baṅkedea.

Aposkạmi 4:31

Ado oka jaegare onkoko jarwa mitʼ akan tahẽkan, koejoṅ tayom ona jaega do dal dalaoena. Ar onko sanamkoge sonot Jiuteko perecʼente dil salakʼ Isorakʼ katha lạlạiko ehopʼena.

Aposkạmi 6:10

Onko do Stephan sãote reṭepeṭekʼko ehopʼena, menkhan Stephan do sonot Jiu hotete akel salakʼe galmaraoatʼkoa. Onate onko do uni upạrte bako teṅgo daṛeada.

Aposkạmi 6:15

Ado ona maraṅ bạisire okoeko duṛupʼ akan tahẽkan onko sanamkoge Stephanko beṅgetʼ uricʼade khan uniyakʼ mẽtʼãhã do sermaren mitʼṭen goḍetakʼ mẽtʼãhã lekako ńelketʼtaea.

Aposkạmi 7:55

Menkhan Stephan do sonot Jiuteye perecʼen khan serma secʼe beṅgetʼkeda ar Isorakʼ ṭhonoke ńel ńamkeda. Uni do Isorakʼ jojomsa aṛere Jisu teṅgo akane ńelkede khane menkeda,

1 Korinthiko 2:13

ar ona danko reakʼ kathage roṛ hõ bon roṛ baṛayeda. Ona roṛ lạgitʼ okako katha bon laṛcaṛetʼkan ona do manwakoakʼ akel khon cecetʼakʼ ńamkate do babon roṛeda, menkhan sonot Jiu reakʼ cecetʼakʼ hotete bon roṛeda. Jiu reakʼ sạri cecetʼakʼ lạgitʼ abo do Jiu reakʼ kathage bon roṛeda.

Ephesiko lạgitʼ Pạul Apostolakʼ ciṭhi 3:5

Ona okoakʼ monsubạ do sonot Jiu hotete cetʼleka ńitokʼ uniren sonot apostolko ar nạbiko ṭhen sodor akan, onka eṭakʼ piṛhiren hoṛko ṭhen do baṅ sodorlena.

Jakob 1:5

Apeko modre jãhãe akelteye khaṭoge khan uni do Isor ṭhene koejoṅ ma, ar Isor do onae emaea, ente uni do begor ạṛiste mimitʼko asambheṛe danakoa.

1 Patras 1:12

Menkhan Isor doe udukʼatʼko tahẽkana je, onko okako kathako menletʼ ona hotete apnar lạgitʼ sapʼsor baṅkate apegeko sapʼsoratʼpe tahẽkana. Serma khon kolocoyicʼ sonot Jiuakʼ ạyurte okoe ape ṭhen Mạsi reaṅ bhage sombatko porcarakatʼ onko do nạbikoakʼ kathage apeko baḍae ocoakatʼpea. Ar serma goḍetko hõ noako reaṅ baḍaejoṅ lạgitʼgeko gagojlena.